03 ماۋسىم, 2024 news
فوتو: facebook/ گۋلجان ەرگاليەۆا
17 مامىردا بيشىمباەۆ ءىسى بويىنشا القا بيلەرگە 200 ميلليون تەڭگە پارا بەرمەك بولعان ايەل ۇستالعان. بۇل تۋرالى ەرمۇحامەد ەرتىسباەۆ مالىمدەدى. ؛
ۇستالعان ايەل سالتانات نۇكەنوۆانىڭ اعاسى ايتبەك امانگەلدىنىڭ سۇحباتتارىنىڭ بىرىندە ءسوز بولعان. ايەل بىلتىر قازاندا بيشىمباەۆ بالا قاعىپ ولتىرگەنىن ايتقان.
ەرتىسباەۆ بۇل جالعان اقپارات ەكەنىن, ءىىم بۇل اقپاراتتى رەسمي تۇردە جوققا شىعارعانىن ايتادى. ال ۇستالعان ايەل بيشىمباەۆتىڭ ۇيىنە دەيىن كەلگەن كورىنەدى. بيشىمباەۆتار انتيكورعا ارىز جازعان. انتيكور ول ايەلدى ۇستاعان.
"مەنىڭ دەرەككوزدەرىمنىڭ مالىمەتىنشە, ۇستالعان ايەل تەرگەۋدە ەشقانداي اقپارات بەرمەي, ونىڭ ارتىندا دوكەيلەر تۇرعانىن ايتادى. سوندىقتان بيشىمباەۆقا قاتىستى سوت ءالى اياقتالعان جوق. الدا ءالى كۇتپەگەن جايتتار بولادى. ەگەر ول اقشا سوتتىڭ شەشىمىنە اسەر ەتۋگە ارنالعان بولسا القابيلەردىڭ شەشىمىنە كۇمان كەلۋى مۇمكىن. بۇل تەك بولجام. انتيكوردىڭ بۇل ءىس بويىنشا رەسمي جاۋابىن كۇتۋ كەرەك", - دەپ حابارلادى ەرتىسباەۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر