• usd 468.56

  • eur 497.56

  • rub 7.3

  • cny 67.18

23 ماۋسىم, 19:13:56
الماتى
+35°

16 مامىر, 2024 news

بايقوڭىردان رەسەيگە كوشەتىندەردىڭ ءتىزىمى جاساقتالدى

رەسەي ازاماتتارى "؛بايقوڭىر"؛ عارىش كەشەنى مەن قالا اۋماعىنان ۇدەرە كوشىپ جاتىر, - دەپ حابارلايدى qamshy.kz اقپارات اگەنتتىگى inbusiness.kz-كە سىلتەپ.

فوتو: اشىق دەرەككوزدەن

بايقوڭىر قالاسىنىڭ رەسەي تاعايىنداعان اكىمشىلىگى "رەسەيگە قونىس اۋدارۋشى رەتىندە قالا اكىمشىلىگىندە ەسەپتە تۇرعان رف ازاماتتارىنىڭ جانە ولاردىڭ وتباسى مۇشەلەرىنىڭ" 2024 جىلعى ءبىرىڭعاي ءتىزىمىن ءتۇزدى. سول ارقىلى قالاداعى 200-دەن استام نىساندى قازاقستانعا بوساتىپ بەردى.

رەسەيدىڭ قۇرعان تىزىمىنە 315 وتباسى كىرگەن. ەل بيلىگى رف قورعانىس مينيسترلىگىنە, تجم-ىنە, ىىم-ىنە جۇمىس ىستەيتىندەر كەزەكتەن تىس كوشىرىلەتىنىن مالىمدەدى. ناتيجەسىندە, 315 وتباسىدان 789 نومىردەن تۇراتىن كەزەك قۇرىلدى. بۇل وتباسىلارمەن بىرگە قازاقستاننان رەسەيگە بيىل جالپى سانى 650-دەن اسا رف ازاماتى كوشىپ كەتپەك.

سونىمەن قاتار, رف پرەزيدەنتىنىڭ 2021 جىلعى 24 قاراشاداعى №673 جارلىعىنا سايكەس, رف ازاماتتارىنىڭ جەكەلەگەن ساناتتارىنا ءوز وتانىنا ورالسا, الەۋمەتتىك تولەم تولەنەدى. ول قاراجاتقا ؛ وتانىنا ورالعاندار رەسەي تەرريتورياسىندا تۇرعىن ءۇي ساتىپ الا الادى.

بۇل تولەم رەسەيگە كوشەتىندەردىڭ بارىنە بىردەي بەرىلمەيتىندىگى ايتىلدى. ونى الاتىندار ساناتىنا "بايقوڭىر" كەشەنىنىڭ اۋماعىندا, فەدەرالدىق مەمورگاندارىندا, كاسىپوداقتا, زىمىران-عارىش ونەركاسىبىندە, ءرف-تىڭ ەڭ كەمى 50 پايىز ۇلەسى بار ۇيىمداردا كەم دەگەندە 10 جىل جۇمىس نە قىزمەت ءوتىلى بار ازاماتتار جاتادى.

باق-تاعى اقپارات بويىنشا بايقوڭىر قالاسىنىڭ اكىمشىلىگى 2025 جىلى رەسەيگە قونىس اۋداراتىنداردىڭ دا كەزەگىن قالىپتاستىرۋعا كىرىسىپ كەتكەن. ول ءتىزىم بۇدان دا ۇزىن بولاتىن ءتۇرى بار. ءقازىردىڭ وزىندە 2025 جىلدىڭ كەزەگىنە 689 رەسەيلىك وتباسى كىردى.

"بايقوڭىر قالاسى رەسەي فەدەراسياسىنىڭ فەدەرالدىق ماڭىزداعى قالاسىنا سايكەس كەلەتىن مارتەبەگە يە. وندا ازاماتتاردىڭ تۇرۋىنىڭ, وبەكتىلەردىڭ, كاسىپورىندار مەن ۇيىمداردىڭ ءقاۋىپسىز قىزمەت ەتۋىنىڭ ەرەكشە رەجيمى ەنگىزىلگەن. بايقوڭىر قالاسىندا 76,5 مىڭنان استام ادام تىركەلگەن. بۇلار &ndash؛ رف, قازاقستان جانە وزگە مەملەكەتتەردىڭ ازاماتتارى", &ndash؛ دەپ جالپىلاما جازىلعان قالا اكىمشىلىگىنىڭ رەسمي ينتەرنەت رەسۋرسىندا.

سونداي-اق, رەسەيگە اتتانۋعا ازىرلەنىپ جاتقانداردىڭ تىزىمىندە وركەنباەۆ, توقشىلىقوۆا, تاجىباەۆ, داۋىلباەۆا, ەستىلەۋوۆ, شاڭعىتپاەۆ, دوسىموۆا, ارىنوۆا سياقتى قازاقى فاميليالار ءورىپ جۇرگەنى بەلگىلى بولدى

"قامشى" سىلتەيدى
ىلمەك سوزدەر: رەسەي بايقوڭىر

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر