فوتو: qamshy.kz
13 مامىردا اقتاۋدا قر عىلىم جانە جوعارى ءبىلىم مينيسترلىگى مەن ماڭعىستاۋ وبلىسىنىڭ اكىمدىگى ۇيىمداستىرعان ءوڭىر تالاپكەرلەرىنە ارنالعان جوعارى ءبىلىمنىڭ اۋقىمدى كورمەسى باستالدى.
كورمەدە قازاقستاننىڭ ءتۇرلى قالالارىنان 40-تان استام جەتەكشى جوو ءوز ۋنيۆەرسيتەتتەرىن تانىستىرىپ, ءبىلىم بەرۋ باعدارلامالارى تۋرالى ايتىپ بەردى. كورمە جۇمىسى بارىسىندا جوو وكىلدەرى تالاپكەرلەر مەن ولاردىڭ اتا-انالارىنىڭ قابىلداۋ ناۋقاندارى, ۋنيۆەرسيتەتتىڭ حالىقارالىق ىنتىماقتاستىعى جانە اكادەميالىق ۇتقىرلىق باعدارلاماسىنىڭ مۇمكىندىكتەرى, ستۋدەنتتىك ءومىر جانە ت. ب. تۋرالى سۇراقتارىنا جاۋاپ بەردى.
كورمەنىڭ ءبىرىنشى كۇنى 3000-عا جۋىق اقتاۋ قالاسىنىڭ مەكتەپ جانە كوللەدج تۇلەكتەرى كەلدى. بارلىق نيەت بىلدىرۋشىلەر بولاشاق ماماندىقتى جانە وقىعىسى كەلەتىن جوعارى وقۋ ورنىن تاڭداۋعا قاتىستى سۇراقتارىنا قويدى. سونداي-اق, كورمە قوناقتارى حالقى تىعىز ورنالاسقان جانە باتىس وڭىرلەردەگى جاستارعا ارنالعان نىسانالى ءبىلىم بەرۋ گرانتتارى شەڭبەرىندە وقۋعا ءتۇسۋ ءتارتىبى جانە تەگىن وقۋ مۇمكىندىگى تۋرالى قاجەتتى اقپارات الا الدى.
«؛بىلىم بەرۋ گرانتىنىڭ بۇل ءتۇرى 2022 جىلى العاش رەت قر پرەزيدەنتى قاسىم-جومارت توقاەۆتىڭ تاپسىرماسى بويىنشا انىقتالدى. بۇل اتىراۋ جانە ماڭعىستاۋ وبلىستارىنىڭ مەكتەپ تۇلەكتەرىنە ەلىمىزدىڭ جەتەكشى جوعارى وقۋ ورىندارىندا وقۋ ءۇشىن ماقساتتى گرانتتار الۋعا مۇمكىندىك بەردى»؛, - دەپ اتاپ ءوتتى قر عىلىم جانە جوعارى ءبىلىم ءمينيسترىنىڭ كەڭەسشىسى رۋسلان ەمەلباەۆ.
كورمە اياسىندا قر عجبم جوعارى جانە جوعارى وقۋ ورنىنان كەيىنگى ءبىلىم كوميتەتى ءتوراعاسىنىڭ ورىنباسارى اقەركە ابىلايحان ءىس-شارا قوناقتارىنا 2024-2025 وقۋ جىلىنا ماڭعىستاۋ جانە اتىراۋ وبلىستارى جاستارىنا 3 200 گرانت بولىنگەنىن ايتتى.
«؛بيىل ءبىز ءسىزدى ءبىرقاتار جاقسى جاڭالىقتارمەن قۋانتقىمىز كەلەدى. اتاپ ايتقاندا, دايىندىق باعىتتارىنىڭ ءتىزىمى كەڭەيتىلدى, ولار پەداگوگيكالىق جانە گۋمانيتارلىق, it, الەۋمەتتىك, ەكونوميكالىق, ينجەنەرلىك ماماندىقتار, قۇقىق, ونەر جانە قىزمەت كورسەتۋ. سونداي-اق, كوللەدج تۇلەكتەرى قىسقارتىلعان ءبىلىم بەرۋ باعدارلامالارى بويىنشا گرانتتار كونكۋرسىنا قاتۋ مۇمكىندىگىنە يە. ماقساتتى ءبىلىم بەرۋ گرانتتارى نەگىزىندە ماڭعىستاۋ جانە اتىراۋ وبلىستارىنىڭ تالاپكەرلەرى ەلىمىزدىڭ 40 - تان استام جەتەكشى جوعارى وقۋ ورىندارىندا ءبىلىم الا الادى»؛, - دەپ اتاپ ءوتتى اقەركە ابىلايحان.
كورمە اياسىندا تالاپكەرلەردى كاسىپتىك باعدارلاۋ بويىنشا «؛گرانتتاردىڭ تۇرلەرى جانە تالاپكەردىڭ جول كارتاسى»؛ سەمينارى جانە اتا-انالارعا كاسىپتىك باعدارلاۋ بويىنشا ارنايى سەمينار وتكىزىلدى.
كاسىپتىك باعدار بەرۋشىلەر ۇبت-2024, ماماندىق تاڭداۋ, ءبىلىم بەرۋ گرانتتارى بويىنشا وبلىس تۇلەكتەرىنە ءاقپاراتتىق-تۇسىندىرۋ جۇمىستارىن جۇرگىزدى, سونداي-اق تالاپكەرلەر مەن ولاردىڭ اتا-انالارىنىڭ سۇراقتارىنا جاۋاپ بەردى. كەڭەس بەرۋدەن باسقا, قوناقتار ءۇشىن ۇتىس ويىندارى مەن ۆيكتورينالار وتكىزىلدى. قاتىسۋشىلار مەكتەپ پاندەرى بويىنشا ءتۇرلى سۇراقتارعا جاۋاپ بەردى. ؛
كورمە 14 مامىردا اقتاۋ قالاسىندا ءوز جۇمىسىن جالعاستىرادى. سونداي-اق, 14 مامىردا 20-دان استام جوو وكىلدەرى جاڭاوزەن قالاسىندا وتەتىن كورمەگە قاتىسادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر