• usd 468.56

  • eur 497.56

  • rub 7.3

  • cny 67.18

19 مامىر, 08:12:44
الماتى
+35°

اربىر وتانداسىمىزعا الەۋمەتتىك جەلىدە جالعان اقپاراتتار كەزىككەن بولار. اسىرەسە ساياسي ناۋقان, اپاتتىق جانە توتەنشە جاعدايلار كەزىندە فەيك اقپاراتتار بەلەڭ الىپ, دۇربەلەڭ تۋعىزىپ, حالىقتى ابىگەرگە سالاتىنى تاعى بار.

قازىرگى توتەنشە جاعداي كەزىندە ادامدار جالعان اقپاراتقا الدانىپ, ونىڭ راس نە جالعانىن تەكسەرمەي, تاراتىپ جاتقانداردى دا كەزدەستىردىك. وسى كەيىپتەگى اقپاراتتىق ساۋاتسىزدىق ءوز كەزەگىندە اپاتپەن ارپالىسىپ جاتقان قۇتقارۋشىلاردىڭ جۇمىسىن قيىنداتادى. covid-19 پاندەمياسى كەزىندە تاراعان جالعان اقپارات كەسىرىنەن ادامدار ۆيرۋستىڭ شىنىندا بار ەكەنىنە سەنبەۋى سوعان دالەل. ناتيجەسىندە كارانتين شارالارىن ساقتاماعان ادامدار جاپپاي اۋىرا باستاپ, دەرتتىڭ دەندەپ كەتكەنىنە كۋا بولدىق. اۋرۋحانا ناۋقاس ادامدارعا تولىپ, سىيماعان حالىق ۇيىندە ەمدەلىپ, كارانتيندىك لوكداۋن جاريالايتىنداي دەڭگەيدە جاعدايدىڭ ناشارلاعانىن بىلەمىز. سايكەسىنشە جالعان اقپارات كوبەيگەن سايىن اقپاراتتىق ساۋاتتى بولۋدىڭ دا ماڭىزى ارتا بەرمەك.

كۇماندى حابارلامالاردىڭ راس نە وتىرىك ەكەنىن قالاي اجىراتامىز؟ بۇل سۇراقتى ارنايى اقپاراتتىق قاۋىپسىزدىك سالاسىنىڭ مامانى شىڭعىس اينابەككە قويىپ كوردىك:

ماماننىڭ ايتۋىنشا, بىرىنشىدەن شىققان اقپاراتتىڭ دەرەككوزىن تەكسەرۋ كەرەك. اقپارات رەسمي ۇكىمەت ۆەب-سايتتارى, جەرگىلىكتى باق جانە توتەنشە جاعدايلاردى باسقارۋ ۇيىمدارى سياقتى بەلگىلى جانە سەنىمدى دەرەككوزدەن تاراۋى ءتيىس.

ەكىنشىدەن ءارتۇرلى دەرەككوزدەردەگى اقپاراتپەن سالىستىرۋ كەرەك. مىسالى, تەلەارنا جاڭالىقتارى مەن اقپاراتتىق رەسۋرستاردى شولىپ شىعىڭىز.ەگەر سىزگە كەلگەن اقپارات وزگە ەش جەردە تاراماسا, ونىڭ جالعان بولۋى ىقتيمال.

ۇشىنشىدەن. فوتوسۋرەت نەمەسە بەينە ماتەريال كەلسە, ونىڭ ءتۇپنۇسقا ەكەنىنە كوز جەتكىزىڭىز. سەبەبى ول ماتەريال وسىدان بىرنەشە جىل بۇرىن جاريالانعان نەمەسە مۇلدە باسقا مەملەكەتتە تۇسىرىلگەن بولۋى دا مۇمكىن. ول ءۇشىن ينتەرنەت جەلىسىندە مەتادەرەكتەردى تالداۋعا ارنالعان سايتتار جەتكىلىكتى.

مۇنداي جاعدايداعى تاعى ءبىر سەنىمدى سەرىگىڭىز بار. ول ءسىزدىڭ ىشكى لوگيكاڭىز. ەگەر ءبىر اقپارات تىم سەنىمسىز نەمەسە داۋلى بولىپ كورىنسە, ونىڭ جالعان بولۋى ابدەن مۇمكىن.

ودان بولەك اقپارات ۇرەي تۋعىزىپ, ۇستەمەلەتىپ, ەموسياڭىزعا اسەر ەتەتىندەي فورمادا بەرىلسە, ونىڭ فەيك بولۋ ىقتيمالدىعى دا اسا جوعارى دەگەن ءسوز.

زاڭدا جالعان اقپارات تاراتۋشىلارعا 20 اەك ايىپپۇل تولەۋدەن باستاپ, 7 جىلعا دەيىن باس بوستاندىعىنان ايىرۋعا دەيىنگى جاۋاپكەرشىلىك كوزدەلگەن.

 ؛
 ؛
 ؛
پوسموترەت ەتۋ پۋبليكاسيۋ ۆ instagram
 ؛
 ؛
 ؛

پۋبليكاسيا وت qamshy.kz (@qamshy.media)

باعلان تۇرعانبەك

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى
ىلمەك سوزدەر: فەيك اقپارات

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر