• usd 468.56

  • eur 497.56

  • rub 7.3

  • cny 67.18

22 ءساۋىر, 20:06:41
الماتى
+35°

01 ءساۋىر, 2024 بارلىق ايماقتار

فوتو: gov.kz

اقتوبە, اقمولا, قوستاناي, باتىس قازاقستان, تۇركىستان, سولتۇستىك قازاقستان جانە پاۆلودار وبلىستارىنان بولەك, الماتىنىڭ قاينار جانە تەكەس اۋىلى, رايىمبەك اۋدانى, iv جول بولىگىندە سۋ تاسقىنى ورىن الدى. ءبىر عانا ءوڭىر ەمەس, بىرنەشە وڭىردە توتەنشە جاعدايدىڭ ورىن الۋى بۇل تابيعي اپات پا, الدە سۋ تاسقىنى جاۋاپسىزدىقتىڭ كەسىرىنەن ورىن الىپ وتىر ما؟

بۇل جايتقا قاتىستى دەپۋتاتتار كوبىنە جاۋاپسىزدىقتىڭ سالدارى دەگەن ويلارىن ايتادى.

وسى ورايدا دەپۋتات ماقسات تولىقباي سۋ تاسقىنىنىڭ الدىن الۋعا قاتىستى رومان سكلياردان باستاپ, ۇكىمەتتەگىلەردى اۋىستىرۋ كەرەكتىگى جونىندە باستاما كوتەرەتىنىن ايتتى.

- ايماقتاردى ارالاپ, اقتوبەنىڭ ورتاسىنا جەتتىك. شىنىن ايتۋ كەرەك, اكىمدىكتەردىڭ دايىندىعى وتە ناشار. ءتىپتى كەيبىر اۋدان اكىمدەرىنىڭ رەزەرۆىندە قايىق تۇگىلى, سۋعا كيەتىن رەزەڭكە ەتىك جوق. اكىمدىك پەن ۇكىمەتتىڭ اراسىنداعى بايلانىس جوقتىڭ قاسى. وعان كىم جاۋاپتى؟ وعان پرەمەر-مينيستردىڭ ءبىرىنشى ورىنباسارى رومان سكليار جاۋاپتى. نەگە كەشە ول اقتوبەگە كەلىپ, سۋدىڭ استىندا قالعان ويىلعا نەگە بارمادى؟ بۇنىڭ الدىندا الاپات ءورت بولدى. وعان دا رومان سكليار كىنالى. ول تەك سوگىس الۋمەن قۇتىلدى. جىلۋ ەلەكتر ستانسالارى جارىلعاندا دا, حالىق قاقاعان سۋىقتا قالدى. پرەزيدەنت بۇگىن سوگىس جاريالاپ جاتىر. ءبىراق رومان سكلياردان باستاپ ۇكىمەت مۇشەلەرىنە شارا قولدانىپ, اۋىستىراتىن كەز كەلدى دەپ ويلايمىن, &ndash؛ دەيدى.

ال «؛ادىلدىك جولى»؛ رقب اتقارۋشى ديرەكتورى ديدار سماعۇلوۆ كوپتەگەن وبلىستا سۋ تاسقىنىنىڭ الدىن الۋعا بايلانىستى قوماقتى قارجى ءبولىنۋى بولىنگەنىمەن, ناتيجەسى جەمقورلىقپەن بايلانىستى ەكەنىن ايتادى.

- كوررۋپسيا تىيىلماسا, سۋ باسۋ توقتامايدى. مىسالى, بىلتىر قاردان تازالاۋ جانە تاسقىنعا قارسى شارالارعا 7 ملرد تەڭگە بولىنگەن. قوستاناي وبلىسىندا 387 ؛650 ؛277 تەڭگە. باتىس قازاقستان وبلىسىندا 329 ؛090 ؛767 تگ, اقتوبە وبلىسىندا 210 ؛795 ؛219 تەڭگە بولىنگەن, &ndash؛ دەيدى.

قازىرگى ۋاقىتتا سۋ تاسقىنىنا بايلانىستى ۇكىمەتتە شۇعىل كەڭەس قورىتىندىسى وتكىزىلىپ, تاعى دا شەشىم تەك سوگىس الۋمەن اياقتالدى.

ياعني, پرەمەر-مينيستردىڭ ءبىرىنشى ورىنباسارى رومان سكليار, سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ, اتىراۋ وبلىسىنىڭ اكىمى سەرىك شاپكەنوۆ, اقمولا وبلىسىنىڭ اكىمى اباي نۇرلان ۇرانحاەۆقا قاتاڭ سوگىس بەرىلسە, قوستاناي وبلىسىنىڭ اكىمى قۇمار اقساقالوۆ, باتىس قازاقستان وبلىسىنىڭ اكىمى ناريمان تورەعاليەۆ پەن اقتوبە وبلىسىنىڭ اكىمى اسحات شاحاروۆتاردىڭ جۇمىستارى قىزمەتتىك تالاپقا تولىق ساي ەمەستىگى تۋرالى ەسكەرتۋلەر الدى.

بيفات ەلتاەۆا

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى
ىلمەك سوزدەر: كوررۋپسيا سۋ تاسقىنى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر