قۇپيا دەرەكتەر قىتايعا كەتكەن: سۇمدىق فاكتىلەردىڭ بەتى اشىلدى

دەربەس دەرەكتەردىڭ تارالۋى جونىندەگى اقپاراتتا قازاقتەلەكوم, beeline, kcell, تەلە2 بايلانىس وپەراتورلارىنىڭ, x الەۋمەتتىك جەلىسىنىڭ, ءتىپتى بجزق-نىڭ دا اتى اتالادى. وندا دا مۇنىڭ بارلىعىنا ەلىمىزدە جۇمىس ىستەگەن قىتاي كومپانياسىنىڭ تىكەلەي قاتىسى بار بولىپ شىققان!

اقپارات قاۋىپسىزدىگىنە, وندا دا بوتەن ەلدىڭ قول سۇعۋشىلىعى تۋرالى بۇل فاكت بىردەن بىرنەشە قۇزىرلى ورگان ۇستىنە تۇسكەن «؛بومبامەن»؛ تەڭ اسەردە بولدى. ارينە, بارلىعى باسىن اراشالاپ قالعىسى كەلىپ, ءبىرىنشى بولىپ ەسەپ بەرۋگە تىرىستى.

سونىمەن, ءبىرىنشى بولىپ سيفرلىق دامۋ مينيسترلىگى تۇسىنىكتەمە بەردى.

«؛دەربەس دەرەكتەردىڭ تارالۋى بويىنشا ينتەرنەت جەلىسىندەگى اقپاراتقا بايلانىستى قازىرگى تاڭدا ءبىزدىڭ مينيسترلىك قازاقستان رەسپۋبليكاسى ۇلتتىق قاۋىپسىزدىك كوميتەتىمەن بىرلەسىپ, الىنعان ماتەريالدارعا تالداۋ جۇرگىزىپ جاتقانىن حابارلايمىز. تالداۋ قورىتىندىسى بويىنشا ءتيىستى ۇيىمداردا قازاقستان رەسپۋبليكاسىنىڭ دەربەس دەرەكتەر جانە ولاردى قورعاۋ, سونداي-اق اقپاراتتىق قاۋىپسىزدىك تۋرالى زاڭناماسىنىڭ تالاپتارىن ساقتاۋ تۇرعىسىنان جوسپاردان تىس تەكسەرۋلەر جۇرگىزىلەتىن بولادى»؛ دەپ قىسقا قايىردى قۇزىرلى ۆەدومستۆو.

كوپ ۇزاماي كيبەرشابۋىلداردى تالداۋ جانە زەرتتەۋ ورتالىعى ورىن العان جايتقا قاتىستى تىڭعىلىقتى ءارى دەتالدى ءوز زەرتتەۋلەرىن جاريالاپ, ايدى اسپاننان ءبىر-اق شىعاردى.

«؛2024 جىلى 16 اقپاندا قىتايدىڭ قوعامدىق قاۋىپسىزدىك مينيسترلىگى مەردىگەرلەرىنىڭ ءبىرى &mdash؛ isoon كومپانياسى ەلىمىزدەگى قۇپيا قۇجاتتاردىڭ جىلىستاپ كەتۋىنە جول بەرگەن. قازاقستان ازاماتتارىنىڭ دەربەس مالىمەتتەرى github قىزمەتىندە اشىقتان اشىق جاريالانعان. بۇل كومپانيا apt41 دەگەن اتاۋمەن تانىمال قحر-دىڭ كيبەربارلاۋ قۇرىلىمىنا قاراستى chengdu 404-پەن بايلانىسى بار»؛, دەلىنەدى تالداۋدا.

ال شابۋىلداۋشىلاردىڭ كوزدەگەن نىسانى - مالىمەتتەر بازاسى جانە ناقتى تۇلعالاردىڭ جەكە اقپاراتى. اتاپ ايتقاندا, جەكە تۇلعانىڭ وزگەلەرمەن الماسقان حاتتارى, قوڭىراۋلارى جانە قوزعالىسى باقىلاۋدا بولعان.

«؛جۇرگىزىلگەن تالداۋ ۇرلانعان اقپاراتتىڭ كولەمى تەرابايتتان اساتىنىن كورسەتتى. دەرەكتەر كوزى - قازاقستان, قىرعىزستان, موڭعوليا, پاكىستان, مالايزيا, نەپال, تۇركيا, ءۇندىستان, مىسىر, فرانسيا, كامبودجا, رۋاندا, نيگەريا, گونكونگ, يندونەزيا, ۆەتنام, ميانما, فيليپپين جانە اۋعانستان ينفراقۇرىلىمدارىنىڭ ماڭىزدى وبەكتىلەرى»؛.

جىلىستاتىلعان دەرەكتەر حاكەرلىك توپقا قازاقستانداعى بايلانىس وپەراتورلارىنىڭ ينفراقۇرىلىمى ەكى جىلداي قولجەتىمدى بولعانىن كورسەتكەن.

1. حاكەرلەر وپەراتورلاردىڭ جۋرنالدارىن, قوڭىراۋلار ۇزاقتىعىن, قۇرىلعىلاردىڭ ءimei-ىن جانە تاريفتەردى كورىپ-بىلىپ وتىرعان.
2. جىلىستاتىلعان دەرەكتەر ىشىندە وپەراتورلاردىڭ ابونەنتتەرى تۋرالى اقپاراتتار دا بار.
3. سونداي-اق, idnet جانە idtv ابونەنتتەرىنىڭ دەربەس دەرەكتەرى, ولاردىڭ لوگيندەرى مەن پارولدەرى دە جاريالانعان.
4. جىلىستاتىلعان دەرەكتەر اراسىندا بجزق-نىڭ ء(بىرىڭعاي جيناقتاۋشى زەينەتاقى قورى) 2019 جىلعى مالىمەتتەرى دە جۇرگەنى ايتىلادى.
5. سونىمەن قاتار, سكرينينگتەردىڭ بىرىندە قر قورعانىس مينيسترلىگىنىڭ پوشتا سەرۆەرى بويىنشا اقپارات كورسەتىلەدى.
6. كەيبىر سكرينشوتتار air astana اۋە تاسىمالى كومپانياسىنا تۋرالى دەرەكتەردى قامتيدى.
7. سونداي-اق, حاكەرلەر توبىنىڭ بىر-بىرىمەن الماسقان حات-حابارلارى تابىلدى. وندا ولار وزدەرى تىڭداعان ابونەنتتەر مەن ولاردىڭ ءسوزىن ءوزارا تالقىلايدى.

ال زەرتتەۋ قورىتىندىسىندا بىلاي دەلىنەدى:

«؛قىتايدىڭ حاكەرلەر توبى قازاقستاندىق ينفراقۇرىلىمدا ەكى جىلداي وتىرعان. سوعان قاراعاندا اشكەرلەنگەن فاكت, ماسەلەنىڭ بەرگى جاعى عانا بولۋى مۇمكىن. مۇنداي حاكەرلەردىڭ باسقا جەردە قانشاسى وتىر, قانداي, قانشا دەرەكتەرىمىز ۇرلانىپ, سىرتقا كەتىپ جاتىر, ونى ەشكىم بىلمەيدى. مۇنىڭ بارلىعى جۇيەسىز ارەكەتتەردىڭ سالدارى ءارى ۆەدومستۆولىق مۇددەنى مەملەكەت مۇددەسىنەن جوعارى قويۋدان تۋىنداعان. اقپاراتتىق قاۋىپسىزدىك كوميتەتى سيفرلىق دامۋ مينيسترلىگىنە باعىنىشتى بولىپ قالا بەرسە, ءارقاشان وسىنداي جاعدايلار ورىن الىپ وتىرادى. قازاقستاندا كيبەرقاۋىپسىزدىككە جاۋاپ بەرەتىن جەكە تاۋەلسىز ورگان &ndash؛ كيبەرقاۋىپسىزدىك اگەنتتىگىن قۇرۋ قاجەت»؛.

بۇل ماسەلە كوپ ۇزاماي ءماجىلىس قابىرعاسىندا دا كوتەرىلدى.

21 اقپاندا ۇكىمەت باسشىسىنىڭ ءبىرىنشى ورىنباسارى رومان سكليارعا جولداعان دەپۋتاتتىق ساۋالىندا ەكاتەرينا سمىشلياەۆا ەلىمىزدە اقپاراتتىق قاۋىپسىزدىك زاڭناماسىنىڭ ورىندالۋى قاتاڭ ساقتالمايتىندىعىنا قىنجىلىس ءبىلدىردى.

«؛جىلىستاتىلعان دەرەك شەتەلدىك رەسۋرستان ءبىر-اق شىققان. بۇل - ەلىمىزدەگى زاڭ تالاپتارىن ءىرى كومپانيالاردىڭ تىكەلەي ەلەمەۋىنىڭ كەزەكتى كورىنىسى. ءبىز ولارعا سەنىم بىلدىرە وتىرىپ, كۇندەلىكتى قانشالىقتى اقپاراتتى سەنىپ تاپسىرامىز. ال ولار بولسا...»؛, دەدى دەپۋتات اشىنا.

سونداي-اق ول ازاماتتاردىڭ بۇل رەتتەگى الاڭداۋشىلىعى ورىندى ەكەنىن دە باسا ايتادى.

«؛ەگەر بۇرىن ءۇيدىڭ مەكەن-جايى, تەلەفون ءنومىرى تۋرالى ءسوز بولسا, ءقازىر قۇپيا بولىپ تابىلاتىن مەديسينالىق مالىمەتتەر, بانكتىك اقپاراتتار وپ-وڭاي جاريا بولۋدا»؛, - دەيدى حالىق ءقالاۋلىسى.

سوزىن قورىتا كەلىپ, دەپۋتات بۇل رەتتە دەربەس مالىمەتتەردى قورعاۋ ماسەلەسىمەن اينالىساتىن قۇزىرلى ورگانداعى شتات سانىن ارتتىرۋدى, اتالعان سالاداعى زاڭ تالاپتارىن ورىندالۋىن قاداعالاۋشى كەيبىر فۋنكسيانى ءبولىپ قاراستىرۋدى ۇسىندى.

ايتقانداي, ءوز كەزەگىندە بجزق-دا اتالعان جاعدايعا قاتىستى تۇسىنىكتەمە بەردى:

«؛بجزق قاۋىپسىزدىك قىزمەتى github سايتىندا ورنالاستىرىلعان دەرەكتەرگە ەگجەي-تەگجەيلى تالداۋ جۇرگىزدى. ناتيجەسىندە, جاريالانعان كاتالوگتا enpf.kz سايتىنىڭ سيپاتتاماسى عانا كورسەتىلگەنى انىقتالدى. بۇل سايت اشىق اقپارات كوزى بولىپ تابىلادى جانە وندا سالىمشىلار مەن الۋشىلاردىڭ دەربەس دەرەكتەرى جوق. github سايتىنداعى قۇجاتتارعا بەلگىسىز تۇلعالار ورنالاستىرعان قازاقستاندىقتاردىڭ دەربەس دەرەكتەرىنىڭ بجزق دەرەكقورىنان شىعۋى تۋرالى جەلىدە تارالعان اقپاراتتىڭ ؛شىندىققا سايكەس كەلمەيدى»؛.