• usd 468.56

  • eur 497.56

  • rub 7.3

  • cny 67.18

22 ءساۋىر, 19:58:13
الماتى
+35°

15 اقپان, 2024 اتىراۋ وبلىسى

اتىراۋدا ۇيلەر قۇلاپ جاتىر. جەرگىلىكتى حالىق توتەنشە جاعداي جاريالاۋدى تالاپ ەتتى

اتىراۋدا سوڭعى 10 كۇننەن بەرى جاۋعان جاۋىن-شاشىننىڭ سالدارىنان بىرنەشە ىقشاماۋدان سۋعا كەتتى. تابيعاتتىڭ توسىن مىنەزى سالدارىمەن اتىراۋلىقتار العاشىندا شاما-شارقىنشا ءوز بەتىنشە الىسىپ كورگەن. ويتكەنى جەرگىلىكتى بيلىك: «ۇيلەرىڭ قۇلاپ جاتسا دا ەش كومەك جوق» دەگەن. بۇعان نارازى تۇرعىندار وبلىس اكىمىنىڭ ەل الدىنا شىعىپ, توتەنشە جاعداي جاريالاۋىن تالاپ ەتتى.  

ۆيدەودان الىندى

«؛اتىراۋدا جۇلدىز, وركەن, ميراس, بالاۋسا جانە باسقا دا بىرنەشە ىقشاماۋدان حالقى جاۋىن-شاشىن زاردابىن تارتىپ وتىر. بىرنەشە كۇننەن بەرى اۋلاسىنداعى قار سۋىمەن ءوز بەتىنشە ارپالىسىپ جۇرگەن مارات تاقانوۆتىڭ تاڭەرتەڭ گاراجى مەن جازعى ءۇيىنىڭ قابىرعاسى وپىرىلىپ قۇلاعان»؛, دەپ حابارلايدى كتك تەلەارناسى.

«؛مىنە, ۋاقىتشا تۇراعىمىز دا قۇلاپ قالدى. بۇگىن تاڭدا قۇلادى. وسىلاي سۋعا كەتىپ جاتىرمىز. ەشقانداي كومەك جوق. كەشە سۋ تاسيتىن كولىك كەلەدى دەگەن, ونىسى بۇگىن تاڭەرتەڭ كەلدى»؛, دەيدى تاقانوۆ.

«؛قازىرگى جاعدايىمىز, ءتىپتى قيىن. مىنەكەي, ۇلكەن كىسى, اقساقال, بۇل كىسىنىڭ ششاڭىراعىنىڭ قالاي سۋعا كەتىپ جاتقانىن ادامدار كوردى. ءبىراق ەشقانداي كومەك جوق. قانشاما ءۇي قۇلاپ جاتىر. جىگىتتەر سۋ كەشىپ ءجۇر. ءبىراق ناتيجە جوق»؛ دەدى جاڭبىرباي جۇماشوۆ.

سەرىك شاپكەنوۆتىڭ ءوزى حالىق الدىنا شىقپادى. ال ونىڭ ورىنباسارى مەن اكىمدىكتىڭ باسقا قىزمەتكەرلەرى اشۋلى جۇرتتى تىڭداعان دا جوق.

كول-كوسىر بولعان سۋدان باسپاناسىنا كىرىپ-شىعا الماي قالعان تۇرعىندار ءۇيىن تاستاپ كوشىپ جاتىر. سۋدى ءوز بەتىنشە سورعىزعانىمەن, سالدەن سوڭ ءدال وسى قالىپقا قايتا تۇسەدى دەيدى. قالا اكىمى قىزىل سۋدىڭ بۇلاي جينالۋىن ارىق جۇيەسىنىڭ جوقتىعىمەن ءتۇسىندىردى. دەگەنمەن ءقازىر ءىرى كومپانيالاردان جانە ورال قالاسىنان تەحنيكا سۇراتىپ جاتىر ەكەن.

اتىراۋ قالاسىنىڭ اكىمى شاكىر كەيكين: «؛كارىز ناسوس ستانسياسى جوق, جاڭبىر سۋىن جۇيەلى تۇردە قالانىڭ سىرتىنا شىعارىپ جىبەرەتىن ستانسيا جاسالماعان. جەرگە سىڭبەي جاتىر. سۋدى ءبىر مەزەتتە شىعارىپ تاستاۋ مۇمكىن ەمەس. ول نەشە كۇن الاتىنىن سۇراساڭىز, ءقازىر جاۋاپ بەرە المايمىن»؛.

«؛جاعداي تولىققاندى تەكسەرىلمەيىنشە, توتەنشە جاعداي دا جاريالانبايدى»؛, دەدى شەنەۋنىكتەر.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر