14 اقپان, 2024 قۇقىق
ساپاسىز ينتەرنەت: رۋدنىيدا بايلانىس وپەراتورلارىنا ايىپپۇل سالىندى
ودان بولەك بايلانىس وپەراتورلارى تالاپ-ارىزعا سايكەس, قالادا قوسىمشا انتەننالار مەن قۇرىلعىلار ورناتتى. وسىلايشا 103 مىڭ ۇيالى بايلانىس ابونەنتىنىڭ قۇقىقتارى قورعالدى.
gov.kz
رۋدنىي قالاسىنىڭ پروكۋراتۋراسى ءوڭىرارالىق بايلانىس ينسپەكسياسىمەن بىرلەسىپ, قالا كوشەلەرىندە 3g/4g تەحنولوگيالارىندا ينتەرنەتكە قول جەتكىزۋ ساپاسىنىڭ جانە دەرەكتەردى جۇكتەۋ جىلدامدىعىنىڭ بۇزىلۋىن انىقتادى.
پروكۋرورلىق قاداعالاۋ اكتىسى بويىنشا بايلانىس وپەراتورلارى جالپى سوماسى 10 ملن تەڭگەدەن استام اكىمشىلىك ايىپپۇلدارعا تارتىلدى, سونداي-اق ولاردىڭ اتىنا بۇزۋشىلىقتاردى جويۋ تۋرالى نۇسقامالار ەنگىزىلدى.
نۇسقامالاردى ورىنداۋ قورىتىندىسى بويىنشا ءموبيلدى وپەراتورلار قالادا بايلانىس ساپاسىن جاقسارتۋ ءۇشىن قوسىمشا انتەننالار مەن قۇرىلعىلار ورناتتى, وسىلايشا 103 مىڭ ۇيالى بايلانىس ابونەنتىنىڭ قۇقىقتارى قورعالدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر