ەكىباستۇز, پاۆلودار جانە استانادا ءدىن اتىن جامىلعان قاراقشىلار ۇستالدى

پوليسەيلەر كۇش قولدانىپ, اقشا بوپسالاۋمەن اينالىسقان قىلمىستىق توپتى ۇستادى. ؛بەس كۇدىكتى ۋاقىتشا ۇستاۋ يزولياتورىنا قامالدى. ولارعا اۋىر قىلمىس جاساعانى ءۇشىن مۇلكى تاركىلەنىپ, 7 جىلدان 12 جىلعا دەيىن باس بوستاندىعىنان ايىرۋ جازاسى ءتونىپ تۇر.

"بىر مەزگىلدە ەكىباستۇز قالاسىندا جانە پاۆلوداردىڭ وزىندە پاۆلودارلىق ارىپتەستەرمەن بىرگە ءتورت ادامدى ۇستادىق. بەسىنشى سىبايلاسى ەلوردادا ۇستالدى. تۇرعىن ۇيگە زاڭسىز كىرۋ ارقىلى جاسالعان قاراقشىلىق شابۋىل فاكتىسى بويىنشا سوتقا دەيىنگى تەرگەپ-تەكسەرۋ باستالدى. قازىرگى تاڭدا بارلىق قاجەتتى تەرگەۋ ارەكەتتەرى جۇرگىزىلۋدە", دەپ اتاپ ءوتتى قوستاناي وبلىسى پد باستىعىنىڭ ورىنباسارى نەگمەت يسماگۋلوۆ.

قاڭتار ايىنىڭ باسىندا قاراسۋ اۋىلىندا مەديسينالىق بەتپەردە كيگەن بەلگىسىز تۇلعالار جەرگىلىكتى تۇرعىننىڭ ۇيىنە كىرىپ, كۇش كورسەتىپ, دەنە جاراقاتتارىن سالدى. ودان جالپى سوماسى 650 مىڭ تەڭگە تۇراتىن التىن بۇيىمدارى تارتىپ الىنعان.

"ۇستالعانداردىڭ باسقا دا وسىعان ۇقساس قىلمىستارعا قاتىسى بار-جوعى تەكسەرىلۋدە", دەلىنگەن پوليسيا حابارلاماسىندا.