• usd 468.56

  • eur 497.56

  • rub 7.3

  • cny 67.18

22 ءساۋىر, 20:50:56
الماتى
+35°

13 اقپان, 2024 قۇقىق

جەمقور مەكتەپ باسشىلىقتارىنا تىقىر تاياندى. انتيكور كۇرەستىڭ ءتيىمدى ءتاسىلىن تاپتى

انتيكور ەلىمىزدەگى ءبىلىم وردالارى جەمقورلىقتىڭ كوزىنە اينالعانىن, وكىنىشپەن راستايدى. انىقتالعان كوپتەگەن قىلمىستىق فاكتىگەن كەيىن قۇزىرلى ۆەدومستۆو بۇل سالاعا پيلوتتىق جوبانى قولدانۋ تۋرالى شەشىم قابىلدادى. ازىرگە, ول ءۇش وڭىردە سىنالادى, تيىمدىلىگى دالەلدەنسە, كەيىن بۇكىل مەكتەپتەردە قولدانىلاتىن بولادى.

اشىق دەرەككوزدەن الىندى

«؛بيۋدجەت قاراجاتىن جوسپارلاۋ جانە يگەرۋ پروسەستەرىندەگى جەمقورلىق تاۋەكەلدەرىن بولدىرماۋ ءۇشىن پاۆلودار, اقمولا جانە تۇركىستان وبلىستارىندا ءبىلىم بەرۋ سالاسىنىڭ بيۋدجەتىن سيفرلاندىرۋ بويىنشا پيلوتتىق جوبا ىسكە قوسىلدى. ول ءبىلىم بەرۋ سالاسىندا ميللياردتاعان تەڭگەنى جىمقىرۋ سەبەپتەرىن جويۋ ماقساتىندا بيۋدجەتتىك وتىنىمدەردى قالىپتاستىرۋ جانە ۇسىنۋ پروسەسىن اۆتوماتتاندىرۋدى كوزدەيدى. اقپاراتتىق جۇيەنى تەستىلەۋ ناتيجەسى وڭ بولعان جاعدايدا, جوبا بۇكىل ەل بويىنشا ىسكە قوسىلاتىن بولادى»؛, دەلىنگەن حابارلامادا.

سىبايلاس جەمقورلىققا قارسى قىزمەتتىڭ كەلتىرگەن دەرەگىنە سايكەس, 2023 جىلدىڭ باسىنان بەرى ءبىلىم بەرۋ سالاسىندا 192 قىلمىستىق ءىس تىركەلگەن. بيۋدجەتكە كەلتىرىلگەن زالال كولەمى 13 ملرد تەڭگەدەن استى.

ەڭ ءىرى جىمقىرۋ تۇركىستان, جەتىسۋ, الماتى, قىزىلوردا, اقتوبە وبلىستارى مەن الماتى قالاسىندا انىقتالدى.

سىبايلاس جەمقورلىققا قارسى قىزمەت ءبىلىم بەرۋ سالاسىنداعى جەمقورلىق تاۋەكەلدەرىنە سىرتقى تالداۋ جۇرگىزۋ بارىسىندا ەڭبەكاقى تولەۋ قورىنان قاراجات جىمقىرۋمەن بايلانىستى تۇراقتى قىلمىستىق سحەمالاردى اشتى:

1) قىزمەتكەرلەرگە جالاقى ونىڭ لاۋازىمىنان قاراعاندا الدەقايدا كوپ اۋدارىلعان؛

2) جالاقى ءبىلىم بەرۋ مەكەمەلەرىندە رەسمي تۇردە تىركەلمەگەن ادامدارعا بەرىلگەن؛

3) قىزمەتكەردىڭ كارت-شوتتارىنا جالاقى ەسەپتەلىپ, ال تولەم قۇجاتتارىندا باسقا تۇلعانىڭ دەرەكتەرى كورسەتىلگەن؛

4) ءبىر ادامعا اقشا اۋدارىمدارىن بىرنەشە رەت قايتالاعان؛

5) ء«؛ولى جاندارعا»؛ - تۋىستارى مەن جاقىندارىنا اقشا اۋدارعان.

«؛بۋحگالتەرلەر مەكتەپتىڭ بۋحگالتەرلىك ەسەپ جۇيەلەرى, ۇلتتىق ءبىلىم بەرۋ بازاسى جانە «؛قازىناشىلىق-كليەنت»؛ جۇيەسى اراسىنداعى ينتەگراسيانىڭ جوقتىعىن پايدالانعان. ولار تولەم قۇجاتتارىنا قولمەن تۇزەتۋلەر ەنگىزىپ, بيۋدجەت اقشاسىن جىمقىرعان»؛, دەلىنەدى قۇزىرلى ۆەدومستۆو ەسەبىندە.

ماسەلەن, جۋىردا, 7 اقپاندا جاڭاقورعان اۋداندىق سوتى «؛جاڭاقورعان اۋدانىنىڭ ءبىلىم ءبولىمى»؛ مم باسشىسى ب. يبراگيموۆقا, باس بۋحگالتەرى ك. ايازباەۆاعا جانە 24 مەكتەپتىڭ بۋحگالتەرلەرىنە قاتىستى ۇكىم شىعاردى. ولار جالپى سوماسى 1 ملرد تەڭگەدەن اسا ءىرى مولشەردە بيۋدجەت قاراجاتىن جىمقىرعانى ءۇشىن كىنالى دەپ تانىلدى.

سوت ۇكىمىمەن مەكەمەنىڭ باسشىسىنا جانە باس بۋحگالتەرىنە 8 جىل باس بوستاندىعىنان ايىرۋ, مەكتەپ بۋحگالتەرلەرىنىڭ بىرىنە &ndash؛ اسىراۋىندا جاس بالاسىنىڭ بولۋىنا بايلانىستى 5 جىل مەرزىمگە جازاسىن كەيىنگە قالدىرا وتىرىپ, 7 جىل باس بوستاندىعىنان ايىرۋ جازاسى تاعايىندالدى.

سونىمەن قاتار سوتتالعاندار مەملەكەتتىك قىزمەتتە جانە وزگە دە ۇيىمداردا قىزمەت اتقارۋ قۇقىعىنان ءومىر بويى ايىرىلدى

سول سەكىلدى تۇركىستان وبلىسىنىڭ ەكى اۋدانىندا عانا شاردارا جانە سارىاعاش ءبىلىم بولىمدەرىنىڭ قىزمەتكەرلەرى ءۇش جىل ىشىندە 3,7 ملرد تەڭگە جىمقىرعان. قازىرگى ۋاقىتتا تەرگەۋ ءجۇرىپ جاتىر.

جەتىسۋ وبلىسىندا تالدىقورعان قالاسىنىڭ ءبىلىم ءبولىمىنىڭ باس بۋحگالتەرى باستاعان ۇيىمداسقان قىلمىستىق توپقا قاتىستى تەرگەۋ اياقتالدى.

قاراجات ءبىلىم بەرۋ سالاسىنىڭ قىزمەتكەرلەرى بولىپ تابىلمايتىن تۇلعالاردىڭ شوتتارىنا اقشا اۋدارۋ ارقىلى جىمقىرىلعان.

سونىمەن قاتار, قۇرامىندا 3 ءبىلىم ءبولىمىنىڭ قىزمەتكەرى مەن 10 مەكتەپ بۋحگالتەرى بار قىلمىستىق توپتىڭ مۇشەلەرى وزدەرىنە جانە باسقا مەكتەپ قىزمەتكەرلەرىنە بەلگىلەنگەن جالاقىدان جوعارى جالاقى تولەگەن. ولارعا جالپى سوماسى 4,2 ملرد تەڭگەدەن استام شىعىن كەلتىرىلگەن. زالالدى وتەۋ ماقساتىندا جالپى سوماسى 3 ملرد تەڭگەگە قاتىسۋشىلاردىڭ مۇلكى تاركىلەندى.

قىلمىستىق ءىس قابىلدانعان شەشىمنىڭ زاڭدىلىعىن تەكسەرۋ جانە سوتتا ايىپتاۋدى ودان ءارى قولداۋ ءۇشىن قاداعالاۋ ورگانىنا بەرىلدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر