13 اقپان, 2024 الەۋمەت
"؛اينالا جاپ-جالتىر"؛. جۇمىسقا جەتە الماي, بۇگىن ورالدىقتار اشۋلى
بۇگىن ورال قالاسىنىڭ كوشەلەرى مۇز ايدىن سەكىلدى جاپ-جالتىر بولىپ جاتىر. تاڭەرتەڭ مۇنى كورگەن قالا ىشىنە قاتىنايتىن اۆتوبۋس جۇرگىزۋشىلەرىنىڭ ءوزى سەلك ەتىپ, جۇرەكسىنىپ قالعان. ەشقايسىسى قاۋىپكە باس تىككىسى كەلمەدى. سالدارىنان كوپتەگەن ادام دىتتەگەن جەرىنە جەتە الماي, ءبىر ۇمىتپەن ايالدامالاردى تورۋىلداۋدا. ەسەسىنە تاكسي باعاسى شارىقتاپ شىعا كەلگەن.
اشىق دەرەككوزدەن الىندى
«؛40 مينۋت بولدى ايالدامادا تۇرعانىما. اۆتوبۋس جوق. نەگە بىزدەگى كوممۋنالدىق قىزمەت وسىنداي اۋا رايىنا دايىن بولمايدى؟ ماسقارا عوي, مىناۋ!»؛, ؛ دەيدى ايالداماداعىلاردىڭ ءبىرى.
"بىز بازاعا جينالدىق, ءبىراق اۆتوبۋس رولىنە وتىرۋدان باس تارتتىق. بارلىعىمىز بىر-بىرىمىزبەن بايلانىستامىز, سويلەسىپ وتىرمىز. الدىمەن جەرگىلىكتى كوممۋنالدىق قىزمەت ءبىزدىڭ جانە جولاۋشىلاردىڭ قاۋىپسىزدىگىن قامتاماسىز ەتسىن, جولدارعا قۇم سەپسىن, سودان كەيىن جولعا شىعامىز. ال ءقازىر تاۋەكەلگە بارمايمىز. سونداي شەشىم قابىلدادىق", دەگەن اۆتوبۋس جۇرگىزۋشىلەرىنىڭ ءبىرى جەرگىلىكتى «؛موي گورود»؛ باسىلىمىنا بەرگەن سۇقباتىندا.
سونداي-اق ءى اۋىسىمدا وقيتىن وقۋشىلار قاشىقتان وقۋ فورماتىنا كوشكەن. ورال قالالىق ءبىلىم ءبولىمى مۇنى اۋا رايىنىڭ قولايسىزدىعىمەن تۇسىندىرەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر