الماتىدا زاڭسىز ساتىلعان ەكى جەر تەلىمى مەملەكەتكە قايتارىلدى

مەدەۋ اۋدانىنىڭ پروكۋراتۋراسى قالا ورتالىعىندا جەكە تۇلعالارعا زاڭسىز بەرىلگەن جەر ۋچاسكەلەرىن انىقتادى.

2009 جىلى مەملەكەت مۇقتاجى ءۇشىن شىعىس اينالما اۆتوجولىنىڭ قۇرىلىسىنا بايلانىستى نارىقتىق قۇنى بويىنشا 1,2 ملرد تەڭگەگە رادلوۆ كوشەسى بويىنشا 13 جەر ۋچاسكەسى ساتىپ الىنعان.

"الماتى اكك" اق 2021 جىلى الىنعان ۋچاسكەلەردىڭ ءبىرى (35 اكر) قوعامدىق ءىس-شارالار كەشەنىن سالۋ ءۇشىن جشس-گە بەرىلگەن. ​اۋدانى 3500 شارشى مەتر عيماراتتىڭ ورنىنا زاڭدى تۇلعا 22 شارشى مەتر تەحنيكالىق ءۇي-جاي تۇرعىزىپ, 32 ملن تەڭگەگە جەردى جەكە مەنشىككە زاڭسىز ساتىپ العان.

​بۇل رەتتە, ۋچاسكەدە كەزەكتى كوممەرسيالىق وبەكتىنى سالۋ ءىس جۇزىندە جوسپارلانعان بولاتىن, بۇل حالىق پەن قالا ءۇشىن قوعامدىق ماڭىزى جوق.

​"مەدەۋ اۋدانى پروكۋراتۋراسىنىڭ تالاپ ارىزى بويىنشا سوت مامىلەلەردى جارامسىز دەپ تانىدى (زاڭدى كۇشىنە ەنگەن جوق)", دەلىنگەن 12 اقپاندا الماتى قالالىق پروكۋراتۋراسى تاراتقان حابارلامادا.

​باسقا جاعدايدا, وسى اۋداندا 2020 جىلى مىندەتتى اۋكسيون وتكىزبەستەن, ەڭ جاقسى ۇسىنىستى تاڭداماي, جەرگىلىكتى اتقارۋشى ورگان كوممەرسيالىق ماقساتتار ءۇشىن تاعى ءبىر جشس-گە ۋچاسكە (37 اكر) بەرگەن.  ؛جەر وسى ۋاقىتقا دەيىن يگەرىلمەگەن. پروكۋراتۋرانىڭ قاداعالاۋ اكتىسى بويىنشا جىلجىمايتىن مۇلىك مەملەكەتكە قايتارىلدى.

جوعارىدا اتالعان مۇلىكتەردىڭ نارىقتىق قۇنى 700 ملن تەڭگەدەن اسادى.