• usd 468.56

  • eur 497.56

  • rub 7.3

  • cny 67.18

20 شىلدە, 13:50:33
الماتى
+35°

09 اقپان, 2024 ساياسات

كوللاج rfe/rl

سيك دەگەن (ورتالىق سايلاۋ كوميسسياسى) رەسەيدە دە بار. وندا وتىرعاندار بوريس نادەجدين دەيتىن كانديداتتى ناۋرىزدا وتەتىن پرەزيدەنت سايلاۋىنا كانديدات ەتىپ تىركەۋدەن باس ءتارتتى.

پۋتيننىڭ سوعىسىنا قارسى اشىق سويلەگەن, "ناۆالنىيدى تۇرمەدەن شىعارىپ جىبەرەم" دەپ باتىل مالىمدەمە جاسايتىن بۇل بوريس ءوزى قايدان شىقتى دەسەڭىز, ونى كرەملدىڭ ءوزى شىعارعان ەدى. كرەمل وسىنداي ادامدى ساحناعا شىعارۋ ارقىلى ۋكرايناعا قارسى سوعىستى, جالپى, ءپۋتيننىڭ ساياساتىن رەسەيدەگى حالىقتىڭ باسىم بولىگى قولدايتىنىن دالەلدەپ, سونى ەلگە كورسەتپەك بولعان.

"بۇل پاقىر ءوز بەتىمەن جارىتىپ ءقايبىر قول جينار, ارى كەتسە 2-3 پايىز حالىقتىڭ قولىن ارەڭ جينايدى-اۋ" دەپ پىشكەن.

سويتسە, ولاي ەمەس ەكەن! رەسەي حالقى كەزەككە تالاسىپ نادەجدينگە جاپپاي قول جيناپ بەرە سالدى. رەسەي حالقىنىڭ باسىم كوپشىلىگى شىندىعىندا كەرىسىنشە, پۋتين مەن سوعىستان ابدەن شارشاعانى ءبىلىنىپ قالدى. سول سەبەپتى سيك سەبەپ تاۋىپ, نادەجديندى كانديدات رەتىندە تىركەمەي تاستادى.

بوريس نادەجديندى ويلاپ تاپقان سايلاۋدىڭ كۋراتورلارى قاتەلەسىپ قالدى وسىلاي.

كرەملدەگىلەر ءپۋتيندى رەسەي حالقىنىڭ 79 پايىزى جاتا كەپ قولدايدى دەگەن جالعان الەۋمەتتىك ساۋالناما ناتيجەلەرىنە قاتتى سەنىپ قالعان ەكەن.

بوريس نادەجدين ءبارىن بىت-شىت قىلدى.

داۋىستار ءادىل سانالاتىن شىن سايلاۋ وتسە, ءپۋتيننىڭ نادەجديننەن ويسىراي ۇتىلىپ قالاتىنىن كرەمل ءتۇسىندى. ويىننان ءورت شىقپاي تۇرعاندا توقتاتتى ءونى.

بىراق نادەجدين جولدان قاعىلىپ تاستالسا دا, ونى سايلاۋدا قولداماق بولعاندار, پۋتين مەن ونىڭ سوعىسىنا قارسى حالىق ەشقايدا قۇرىعان جوق. ولار ەندى ورتاق كەلىسىم تاۋىپ, 17 ناۋرىزدا پۋتيننەن باسقا كەز-كەلگەن كانديداتتىڭ بىرىنە جابىلىپ داۋىس بەرۋى مۇمكىن.

پۋتين مەن كرەمل ءۇشىن بۇل وتە كۇردەلى, قىمبات, ءقاۋىپتى سايلاۋ بولايىن دەپ تۇرعانى انىق.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر