قورقىنىشتى ءتۇن

ەسىن جيا الماعان 400-گە جۋىق ادام سول ءتۇنى وقيعا ورنىنا شۇعىل كەلىپ جەتكەن پسيحولوگتار كومەگىنە جۇگىندى. قورقىنىشتى كينوداعى كادرعا ۇقساس اپاتقا كۋا ولاردىڭ بويىن ۇرەي بيلەدى. ارنايى ورىندارعا ەۆاكۋاسيالانعان قاراشا جۇرەكتەرى ورنىنا تۇسكەن سوڭ تۋعان-تۋىس, دوستارىنىڭ ءۇيىن جاعالاپ, جان-جاققا تارقاستى. ءيا, سول ءتۇنى تاۋ جوتاسىندا ورنالاسقان كوشە بويىنداعى 100-دەن اسا ءۇيدىڭ ەكەۋىن لاي كوشكىنى باسىپ قالدى: ءبىرىن بۇتىندەي, تاعى ءبىرىن جارتىلاي. ساز بالشىقتى قولمەن ارشىعان (ۇيلەردىڭ تىعىز ورنالاسۋى, كوشەنىڭ تارلىعى ارنايى تەحنيكالار جۇمىسىنا كەدەرگى كەلتىرگەن) قۇتقارۋشىلار توبى تۇسكە تامان ءبىر وتباسى مۇشەلەرىنىڭ دەنەلەرىن تاۋىپ, ءۇيىندى استىنان الىپ شىقتى. قۇربان بولعاندار سانى &ndash؛ تورتەۋ. ونىڭ ەكەۋى &ndash؛ مەدەۋ اۋدانىنداعى 48 مەكتەپتىڭ جوعارى سىنىبىندا وقيتىن 2007 جىلعى ەگىز ۇلدار. ال وتباسى مۇشەلەرى ىشىندە جالعىز امان قالعان تۇڭعىش بالا شەتەلدە وقۋدا ەكەن. قالاي دەگەنمەن دە وسى قايعىلى وقيعاعا بايلانىستى كوپ ۇزاماي قىلمىستىق ءىس قوزعالدى. ويتكەنى بۇل ارادا زاڭسىزدىق شاش ەتەكتەن اسادى! مۇنى قۇزىرلى وكىلدەر دە, ماماندار دا راستاپ وتىر. ەندى كىم كىنالىنى انىقتاۋ عانا قالىپ تۇر.

نەگىزىنەن, بىرەۋلەر جەر سىلكىنگەن, تاعى بىرەۋلەر تاۋداعى قار ەرىپ, سۋ تاسىعان بولۋى كەرەك دەپ دولبارلاپ جاتىر. جوق!

بۇل ارادا جاعداي بىلاي: اپات بولعان «؛تاۋ سامالى»؛ ىقشام اۋدانىنىڭ تاۋ ەتەگىندەگى كوشەسى (وليمپييسكيي) &ndash؛ كوپقاباتتى ءۇيدىڭ تومەنگى قاباتى دەپ الساق تا بولادى. ويتكەنى جەكە ۇيلەر عانا ەمەس, كوپقاباتتى تۇرعىن ۇيلەر, ءتىپتى مەيمانحانالار تاۋدى ورلەپ, بيىككە قاراي تىزبەكتەلىپ سالىنا بەرگەن, تاعى جاڭادان سالىنىپ جاتقانى دا قانشاما؟ مىنە, وسى جوعارىدا, تاۋدىڭ ورتاڭ بەلىندەگى ۇيلەر ءۇشىن جۇرگىزىلگەن سۋ قۇبىرى جارىلىپ, لاي كوشكىنى تۋىنداعان.

اپاتقا تۇرتكى نە دەگەندە, «؛قازسەلدەنقورعاۋ»؛ مەكەمەسىنىڭ ماماندارى وسىلاي دەدى. ال مەدەۋ اۋدانىنىڭ اكىمى ەركەبۇلان ورازالين بۇل ايماققا جاڭا قۇرىلىس جوباسى بويىنشا ءۇي سالۋعا مۇلدە بولمايتىنىن مويىنداپ وتىر. دەگەنمەن: «؛بۇل جەردىڭ كوممۋنالدىق جۇيەلەرى ستاندارتقا ساي ەمەس»؛ دەپ تاياقتىڭ ءبىر ۇشىن اكىم مىرزا جەرگىلىكتى تۇرعىنداردىڭ وزىنە اقىرىنداپ سىرىپ قويادى.

«؛جاقىندا قالادا ەگجەي-تەگجەي جوسپار قابىلدانىپ, وعان بولاشاقتا قۇرىلىس سالۋعا بولمايتىن جاسىل ايماقتار ەنگىزىلگەن. كوشكىن بولعان اۋماق وسىنداي ايماقتا ورنالاسقان. مۇنداعى سەكتورلاردىڭ كوبى ستاندارتقا سايكەس ەمەس. ونىڭ ىشىندە سۋ قۇبىرىمەن قاتار كارىز جەلىلەرى دە بار. كوبى تاۋلى جەردە تۇراتىندارىنا قاراماستان, جەكەمەنشىك سەپتيك پايدالانادى»؛ دەيدى اكىم اقتالىپ.

تاۋ ەتەگىندە تۇراتىن بۇقارا ەرتەڭىندە ارنايى وزدەرىمەن كەزدەسۋگە كەلگەن الماتى قالاسىنىڭ اكىمى ەربولات دوساەۆتان مۇندا جۇرگىزىلىپ جاتقان قۇرىلىستارعا اۋديت جۇرگىزۋدى تالاپ ەتتى. ءبىراق ول دا سىرعىتپا جاۋاپ بەرىپ, سىلدىر سوزبەن توقتادى.

«؛قۇرىلىس كومپانياسى جەكەمەنشىك تۇرعىن ءۇي قۇرىلىسى ماقساتىنداعى جەر تەلىمىن ساتىپ الادى دا ول اراعا ءبۇتىن تۇرعىن ءۇي كەشەنىن سالىپ تاستايدى. وبسەرۆاتوريانىڭ ماڭىن قاراڭىز, «؛كامەنسكوە پلاتونىڭ»؛ وزىندە مۇنداي بىرنەشە نىسان تۇر. تاۋ-تاستى تەگىستەپ, اعاشتاردى كەسىپ جاتىر. سوندىقتان تەك مەدەۋ اۋدانى ەمەس, قالا ماڭىنداعى تاۋلى ايماقتاعى بارلىق قۇرىلىسقا اۋديت جۇرگىزسەڭىز»؛, دەدى جيىنعا كەلگەن تۇرعىنداردىڭ ءبىرى ماسەلەنىڭ نۇقىپ كورسەتىپ. ء ؛

وز كەزەگىندە دوساەۆ مەملەكەت باسشىسى تاپسىرماسىنا جۇگىنىپ, سودان ءۇمىتتى ەكەنىن ايتىپ اڭگىمەنى ارىعا يتەردى.

«؛مەملەكەت باسشىسى قالانىڭ سەيسميكالىق قاۋىپسىزدىگىن قامتاماسىز ەتۋگە تاپسىرما بەردى. پارلامەنت مۇنى قولداپ, تاۋلى ايماقتا قۇرىلىس سالۋعا مۇمكىندىك بەرەتىن زاڭداعى كەمشىن تۇستاردى جويامىز دەپ ۇمىتتەنەمىن. ءقازىردىڭ وزىندە تاۋ باسىنا زاڭداعى كەمشىن تۇس بولسا دا قۇرىلىس سالۋعا تىيىم سالىنعان»؛, دەدى اكىم.

سونداي-اق تاۋ ەتەگىندەگى بارلىق جەر تەلىمىنە اۋديت جۇرگىزۋ مۇمكىن ەمەس ەكەنىن دە ناقتىلاعان اكىم حالىق ەستىگى كەلگەن ءسوز: "جاۋاپتىلاردى جازالايمىز" دەگەندى سول كۇيى ءايتپادى.

تورت ادامنىڭ ءومىرىن جالماعان اپاتقا قاتىستى قۇزىرلى ۆەدومستۆو مەن اكىم-قارارلاردىڭ بىلدىرگەن پىكىرى مەن ايتقان سوزدەرى وسىنداي. ال اپاتتىڭ ناقتى سەبەبىن, كىنا كىمنەن ەكەنىن ارنايى قۇرىلعان كوميسسيا الداعى ۋاقىتتا جاريالايتىن بولادى. الايدا وعان دا اسا ءبىر ءۇمىت ارتا قويۋدىڭ قاجەتى جوق. سەبەبى مۇنداي قايعىلى جاعدايمەن تاۋ ەتەگىندەگى حالىق ءبىرىنشى رەت بەتپە-بەت كەلمەپتى.

ۇش-تورت جىل بۇرىن مۇندا تاعى دا لاي كوشكىنى ءجۇرىپ, زەينەتكەر ايەل وپات بولىپتى.

«؛بۇل اۋداندا مۇنداي جاعداي بولعان, بايقوڭىر كوشەسى بويىندا, ول كەزدە ءبىر اپا قازا تاپتى. مەنىڭ جاعدايىم دا وسىعان ۇقساس بولىپ تۇر. تاۋ ەتەگىندە تۇرامىن, ءبىراق تاۋ دەگەنىم كورشىلەرىممەن قولدان جاسالعان نارسە. ولار جەردى تەگىستەپ, 45 كاماز توپىراق اكەلىپ توكتى. ولاردىڭ قاقپاسى ءقازىردىڭ وزىندە قيسايىپ تۇر. مەن كوپ رەت كوميسسيا شاقىرتتىم, ءبىراق ودان ەش ناتيجە جوق»؛, - دەيدى مەدەۋ اۋدانىنىڭ تۇرعىنى سوتنيكوۆا.

ال ەندى بۇعان نە دەيسىزدەر؟..

 ؛