ەلىمىزدىڭ ەكى وڭىرىندە قالتالىلاردىڭ ۇرەيىن العان رەكەتتەر ۇستالدى

2024 جىلى 7 اقپاندا ءىىم مەن ۇقك قىزمەتكەرلەرى الماتى قالاسىندا قۇرامىندا «؛ايشۋاق-جانتۇگەل»؛ ۇيىمداسقان قىلمىستىق توبىنىڭ مۇشەلەرى بار توپتى قۇرىقتادى. جەدەل-تەرگەۋ ءىس-شارالارىنىڭ ناتيجەسىندە 14 ادام ۇستالدى. 7 اتىس جانە تراۆماتيكالىق قارۋ, 4 گراناتا, 200-دەن استام ءوق-دارى, ەسىرتكى زاتى, سونداي-اق باسقا دا سۋىق قارۋ تاركىلەندى.

توپ مۇشەلەرى كاسىپكەرلەرگە وزدەرىنىڭ كريمينالدىق «؛قامقورلىعىن»؛ كورسەتە وتىرىپ, ولاردى بوپسالاۋمەن اينالىسقانى انىقتالدى. ولار الماتى قالاسىنىڭ تەمىر جول ۆوكزالدارى اۋماعىندا, سونداي-اق بازارلاردا ءوز ىقپالىن جۇرگىزگەن.

«؛ۇستالعان ادامدارعا قاتىستى الماتى قالاسى پد تەرگەۋ باسقارماسى بوپسالاۋ جانە باس بوستاندىعىنان زاڭسىز ايىرۋ فاكتىلەرى بويىنشا بىرنەشە قىلمىستىق ءىستى تەرگەۋدى باستادى»؛, &ndash؛ دەدى قر ءىىم ۇيىمداسقان قىلمىسقا قارسى كۇرەس دەپارتامەنتىنىڭ باسقارما باستىعى قۋاندىق الپىس.

سول كۇنى پوليسيا كۇشىمەن ستەپنوگورسك قالاسىندا وسىعان ۇقساس ۇستاۋ وپەراسياسى جۇرگىزىلدى. جەدەل جۇمىستىڭ ناتيجەسىندە قورقىتۋ جانە كۇش كورسەتۋ ارقىلى قالانىڭ تۇرعىندارىن بوپسالاۋمەن اينالىسقان جەرگىلىكتى كريميناليتەتتىڭ قاتارىنان تۇراتىن توپتىڭ جولى كەسىلدى.

«؛قىلمىستىق توپتىڭ بارلىق مۇشەلەرى ۇستالىپ, ۋاقىتشا ۇستاۋ يزولياتورىنا قامالدى. ولارعا قاتىستى اقمولا وبلىسى پد تەرگەۋ باسقارماسى بوپسالاۋ فاكتىلەرى بويىنشا 6 قىلمىستىق ءىستى تەرگەپ جاتىر. كورسەتىلگەن فاكتىلەر بويىنشا وزگە مالىمەتتەر تەرگەۋ مۇددەسىندە جاريالانبايدى»؛, &ndash؛ دەدى قۋاندىق الپىس.

قر ءىىم مالىمەتىنشە, جىل باسىنان بەرى ۇيىمداسقان قىلمىستىق توپ قۇرۋ, وعان باسشىلىق ەتۋ جانە قاتىسۋ بويىنشا 15 فاكتى انىقتالىپ, تىركەلدى. ءارتۇرلى قىلمىستار جاساعانى ءۇشىن قىلمىستىق توپتاردىڭ 30-دان استام جەتەكشىلەرى مەن بەلسەندى مۇشەلەرى ۇستالدى.