"؛بايتەرەكتى"؛ بازار قىلعان بايبازاروۆ..."؛

«؛بايتەرەك»؛ حولدينگىنە قاتىستى وتاندىق ساراپشىلار اراسىندا سىن كوپ ايتىلادى. ونى ۇكىمەت پەن بيزنەس اراسىنداعى دەلدال دەپ تانيتىندار دا بار.

مەنەدجەرلەرى ميلليونداپ بونۋس الاتىن بۇل قۇرىلىمنىڭ كوزىن جويۋ كەرەكتىگىن ايتۋشىلار دا تابىلادى.

الايدا كوپتەگەن سىننان كەيىن بۇل حولدينگ قايتا قۇرىلىمداۋعا جاتقان بولاتىن. 2023 جىلى قاراشا ايىنىڭ سوڭىندا دۇنيەجۇزىلىك بانك جاريالاعان ەسەپتە تاعى دا سىن ءايتىلدى.

«؛ىرى كولەمدەگى سۋبسيديالاردى تاراتۋ, قارجى نارىعىنا تىكەلەي اسەر ەتۋ ارقىلى «؛بايتەرەك»؛ حولدينگى باسەكەلەستىكتى تەجەپ, جەكە ينۆەستيسيالارعا كەدەرگى بولىپ وتىر»؛ دەلىنگەن وندا.

مىنە, ءبۇتىن ەلدىڭ دامۋىنا جاۋاپتى - ۇلتتىق ەكونوميكا مينيسترلىگى باسشىلىعىنا بۇگىندەرى وسى حولدينگ باسشىسى كەلىپ وتىر.

ارينە, بۇل ارادا مىنانداي زاڭدى سۇراق تۋىندايدى: ءبىر ۇلتتىق حولدينگ جۇمىسىن جەمىستى ەتە الماعان ادام ەل ەكونوميكاسىندا قانداي ءتارتىپ ورناتسىن؟

بۇگىن جۋرناليستەر قاۋىمى وسى سۇراقتى ءمينيستردىڭ وزىنە توتەسىنەن قويىپ كوردى. ءبىراق...
نۇرلان بايبازاروۆ ەش ساسپادى:

«؛مەن سىزدەردىڭ بۇل پىكىرلەرىڭىزبەن كەلىسە المايمىن. سەبەبى «؛بايتەرەكتىڭ»؛ اكتيۆى ءوسىپ جاتىر, تازا تابىسىنىڭ ءوزى 409 ملرد تەڭگەنى قۇرايدى. ول ارادا جۇيەلى, وندا دا ترانسفورماسيا, تيىمدىلىكتى ارتتىرۋ بويىنشا جۇمىستار اتقارىلىپ جاتىر. ەگەر تابىس قۇرىلىمىنا قارايتىن بولساق, باستى تابىستى ءبىز باستى ينۆەستيسيالىق قىزمەتتەن الىپ وتىرمىز»؛.

سونداي-اق ۇلتتىق ەكونوميكا ءمينيسترى مەملەكەت باسشىسى وزىنە جاڭا سالىق كودەكسىن, ونىڭ ىشىندە قوسىمشا قۇن سالىعىنا قاتىستى ماسەلەردى قايتا قاراستىرۋدى تاپسىرعانىن اتاپ ءوتتى.

«؛بۇل باعىتتا ءبىز بيزنەس قاۋىمداستىقپەن, ساراپشىلارمەن جۇمىس ىستەپ, اتالعان كودەكستى قايتا قاراپ جازىپ شىعامىز»؛, دەدى ول.