ايەل تىلىنەن تابا ما الدە ەركەك بۇزىلعان با؟

كۇنى كەشە ماجىلىستە تۇرمىستىق زورلىق-زومبىلىق ماسەلەلەرىنە ارنالعان زاڭ جوباسى تانىستىرىلدى. جاڭا زاڭ بويىنشا, بۇرىن 15 تاۋلىككە قامالاتىن «؛بوكسشىلار»؛ بۇل جولى 50 تاۋلىككە جابىلادى ەكەن.

«؛بىز جۇدىرىق الا جۇگىرەتىندەرگە كەم دەگەندە 6 اي جازا بەرۋدى كۇتكەنبىز. اراسىنداعى 35 كۇن مەن ايىپپۇلدىڭ كوپتىگى «؛ايەلدىڭ تىلىنەن»؛ دەپ تۇرعان تيراندار ءۇشىن تۇك ەمەس»؛, دەپ اشىنۋدا الەۋمەتتىك جەلىدە ايەلدەر قاۋىمى.

دەپۋتات اناس باققوجاەۆ ايدى اسپانعا شىعاردى. ونىڭ ايتقانى: «؛ەرلەردى دە ءتۇسىنۋىمىز كەرەك. باسىندا جانجال تۋىندايدى. سول جانجال نەدەن تۋىندايدى؟ ارينە, ايەلدىڭ ءتىلىنىڭ ۇزىندىعىنان. قازاقتا «؛جاقسى ايەل &ndash؛ ىرىس, جامان ايەل &ndash؛ ۇرىس»؛ دەيدى, بولماسا &ldquo؛ەرگە جاققان ايەل ەلگە دە جاعادى&rdquo؛ دەيدى. ءبىز قازاقى تاربيەدەن الشاقتاپ بارا جاتىرمىز»؛.

اناس مىرزانىڭ ايەلدەردى اشىقتان-اشىق ايىپتاۋى قوعامدا كەلەڭسىزدىك تۋدىردى.

«؛بيلىكتە باققوجاەۆ سەكىلدى قازاق ايەلدەرىنىڭ باعىن كەرى تەبەتىن دەپۋتاتتار تۇرعاندا قازاق قوعامىندا «؛سالتاناتتاردىڭ»؛ كوبەيە بەرەتىنى حاق. بۇل كىسى وسى تاقىرىپتا ديسسەرتاسيا قورعاسا, عىلىمي اتاق الار ەدى»؛, دەپ جەلى قولدانۋشىلارى نارازىلىعىن جاسىرمادى.

بۇۇ ستاتيستيكاسىنا سۇيەنسەك, ەلىمىزدە ءبىر جىلدا 400 ايەل كۇيەۋىنىڭ قولىنان قازا تابۋىپ, 327 ايەل مۇگەدەك بولىپ قالعان.

بۇل &ndash؛ ۇلتتىق تراگەديا. كەشە ەلىن جاۋدان قورعاعان ەرلەرىمىزدىڭ باسىنا مۇنداي كۇن تۋۋىنا ءھام ۇساقشىل بولۋىنا نە سەبەپ؟ ايەلىنە توبە قۇيقاڭ شىمىرلايتىنداي قاتىگەزدىكتەردى جاساعانىن ەستىگەندە ەسىڭ شىعادى. ماسەلەن, ءبىر جىل بۇرىن تۇركىستان وبلىسى ورداباسى اۋدانىندا 43 جاستاعى ەركەك 37 جاستاعى ايەلىن 4 بالانىڭ كوزىنشە ۇرىپ ولتىرەدى. ايەلدىڭ بارلىق ءتىسى قاعىلعان, ىشكى ورگاندارى تۇگەل ەزىلگەن, باسىندا ءبىر تال شاشى قالماعان. ول ازداي, ەر ادام قىلمىسىن جاسىرۋ ماقساتىندا ايەلىنىڭ اۋزىنا كونياك قۇيعان. 4 بالا قانعا بوككەن اناسىن قۇشاقتاپ وتىرىپ, پوليسيا شاقىرعان.

بۇل جەردە دە ايەلى كىنالى بولۋى مۇمكىن دەگەن وي ساناڭىزعا ساپ ەتە قالسا, توقتاڭىز! كورشىلەرىنىڭ ايتۋىنشا, ايەل 4 بالاسىنىڭ باقىتىن بارىنەن بيىك قويعان, تاڭنان قارا كەشكە دەيىن ماعجان جۇماباەۆشا ايتساق, قازان-وشاقتان وزگەنى بىلمەگەن, اۋزىندا ءسوزى, ۇستىندە ءبوزى جوق ادام بولعان.

قىسقاسىن ايتساق, قوعامدا رۋحاني جۇتاڭ, تۇلعا بولىپ قالىپتاسپاعان ازاماتتار كوپ-اق. دەسە دە الىمجەتتىك كورسەتەتىن كۇيەۋسىماقتان اجىراسا جونەلگەننەن گورى زاڭ قاتاڭداسا, ەرلەر قاۋىمى وزدەرىن تاربيەلەر مە ەكەن دەگەن ءۇمىت جوق ەمەس...

سوندىقتان پارلامەنتتەگىلەرگە جاڭا زاڭ جوباسىنا تاعى دا وزگەرىستەر مەن تولىقتىرۋلار قاجەت ەكەنىن ەسكە سالامىز.