جىلتىر كولىك. قىتايدىڭ ماشينەلەرىن الۋعا بولا ما؟

قازاقستاندا قىتاي كولىكتەرى العاش رەت 2011 جىلى توبە كورسەتە باستادى. ءبىراق بىرەن-ساران بولاتىن. سودان بەرى ونداي كولىكتەردىڭ قاراسى كۇرت ارتا باستادى. قىتاي كولىكتەرىن ساتاتىن ديلەرلىك ورتالىقتارى ءقازىر ءتىپتى قاپتاپ كەتتى.

ماسەلەن, «؛استانا موتورس»؛ &ndash؛ chery, haval, changan, ال «؛سارىارقااۆتوپروم»؛ jac ماركالى قىتاي كولىكتەرىنىڭ رەسمي ديستريبيۋتەرى رەتىندە دە قىزمەت كورسەتۋدە. ال بيىلدىڭ سوڭىنا قاراي, ەلىمىزدە قىتاي كولىكتەرىن قۇراستىرىپ شىعاراتىن ءۇش زاۋىت ىسكە قوسىلماق.

قىتاي كولىكتەرى قازاقستاندىقتار ءۇشىن تىڭ دۇنيە. سەنىمسىزدىك تانىتىپ, الدى-ارتىن بايقاستاپ جۇرگەندەر ءالى كوپ. قازاقستان اۆتوموبيل نارىعىن ساراپتاۋ ورتالىعىنىڭ باس ديرەكتورى ارتۋر ميسكاريان قازاقستاندا, اسىرەسە باتىس, جاپون وندىرۋشىلەرىنىڭ نارىقتان شىعىپ قالعان مودەلدەرىنىڭ ورنىن باساتىن قىتايدىڭ ارزان ەمەس, ورتاشا باعاداعى كولىكتەرى ءجيى ساتىلىپ جاتقانىن ايتادى. دەمەك, «؛ارزاننىڭ جىلىگى تاتىماس»؛ دەگەندى بىزدەگىلەر جاقسى ءتۇسىنىپ وتىرعان سەكىلدى. بۇعان نەگىز بار. كولىك بلوگەرلەرى دە قىتايدىڭ ارزان كولىكتەرىنە جولاماۋعا كەڭەس بەرۋدەن جالىقپاۋدا. نەگە دەيسىز بە؟

ويتكەنى قازاقتار كولىگىنەن اقاۋ شىقسا, الدىمەن ونى ءوزى جوندەپ كورەدى, ول قولىنان كەلمەسە كولىك جوندەۋ ورتالىعىنا اپارادى, ودان دا تۇك شىقپاسا ديلەرلىك ورتالىقتىڭ قىزمەتىنە جۇگىنەدى. وسىنىڭ الدىڭعى ەكەۋى قىتاي كولىكتەرىنە كەلگەندە مۇلدەم «؛جۇمىس ىستەمەيدى»؛. قىتاي كولىگىن الساڭىز, ونى ديستريبيۋتورلىق ورتالىقتان الۋىڭىز كەرەك. سەبەبى كولىك بۇزىلسا, ورتالىق سۋ جاڭا قىلىپ ونى ءوزى جوندەپ بەرەدى. ءارى كەپىلدىك بولعان سوڭ, جوندەۋ اقىسى دا ارزانعا تۇسەدى. ال كولىك ۇستالارى كەرىسىنشە, قىتاي كولىگىن جوندەۋگە الىپ كەلگەندەردەن تەرىس اينالۋعا تىرىسادى ەكەن.

qamshy.kz سايتىنا پىكىر بەرگەن كولىك ۇستاسى ماديار قىتاي كولىكتەرىنىڭ ساپاسى قازاقستانداعى قولدانىستاعىلارمەن سالىستىرعاندا وتە ناشار ەكەنىن ايتادى:

«؛ماعان قىتايلىق ءبىر كروسسوۆەردى الىپ كەلدى. ماركاسىنىڭ ايتپاي-اق قويايىن. بۇزىلماعان, ءبىراق قوجايىنى ساقتانۋدى ءجون ساناپتى. كولىكتىڭ استى تولعان باتارەيا ەكەن. ولار ۇزىندىعى 1,5-2 مەتردى قامتيتىن قوراپتا عانا تۇر, ءبىراق سىرتى قاپتالماعان, اشىق جاتىر. ادەتتە, كولىكتەردىڭ استىندا قورعانىس تەمىرى دەگەن بولادى, مۇندا ول جوق. ال ءبىزدىڭ جولداردى بىلەسىز, ويقى-شۇيقى. ەندى ونىڭ استىنا قورعانىس تەمىردى ورناتايىق دەسەك, تۋرا سول كولىككە ارنالعان پىشىندەگى سايمان بىزدە جوق. سودان قىتايعا تاپسىرىس بەردىك. ءبىراز كۇتۋگە تۋرا كەلدى. ال كەلىپ جەتكەن سايمانعا قاراپ, ءبىزدىڭ ءىشىمىز اشىدى. ويتكەنى ونى تەمىر تۇگىلى, قاڭىلتىر دەپ تە ايتا المايسىز, پروفناستيلگە ۇقسايدى. كولىك يەسىنە: «؛رەنجىمە, كەلگەنى وسى, جوقتان بار»؛ دەپ الگىنى سالىپ بەردىك»؛.

سوعان قاراعاندا, قىتاي كولىكتەرى نەگىزىنەن قالالىق جەرلەرگە ارنالعان دەپ تۇيىندەسەك بولاتىن سەكىلدى. مىسالى, «؛قىز-كەلىنشەكتەرگە ىڭعايلى ما, قالاي»؛ دەگەن سۇراققا كولىك ۇستاسى بىلاي جاۋاپ بەردى:

«؛ارينە, اركىمنىڭ ءوز تاڭداۋى بار. ءبىراق بىلەسىز, قازاقتاردىڭ دەنى ءۇيدى دە, كولىكتى دە قارىزدانىپ, قاۋعالانىپ, نەسيەگە الىپ جاتادى. ال ول كولىكتەر وندايعا تاتىمايدى. قوزعالتقىشتارىن اشىپ كوردىم. جۇرەگىم اۋىردى. قوزعالتقىش ىشىندە نەشە-تۇرلى سايمان بولادى, ءبارى ۇلبىرەپ, ءىلىنىپ-سالىنىپ تۇر. ۇزاققا شىداس بەرمەيتىنى بىردەن بايقالادى. ودان كەيىن سايماندى تابۋ قيىن. تاپسىرىس بەرەسىز, ۇزاق كۇتەسىز. تاپقانىڭىز كەيدە جارامسىز بولىپ قالادى. ويتكەنى قىتاي كولىكتەرىنىڭ ماركاسى وتە كوپ, ءجيى شاتاساسىز. سوندىقتان قىتاي كولىگىن الامىن دەيتىندەر بولسا, ەلىمىزدە ديستريبيۋتورلىق ورتالىعى بارىنان العانى ءجون بولادى, سەبەبى كەپىلدىگى بار»؛, دەيدى ول.

ەندى باعا جايىنا كەلسەك, قىتايمەن ارادا ساۋدا جاساپ جۇرگەن ەرشات ەسىمدى جىگىت بۇل رەتتە بىزگە تومەندەگىدەي ءبىرشاما اقپارات ۇسىندى.

قوزعالقىش كولەمى 2 ليتر بولاتىن, بەنزينمەن جۇرەتىن كولىكتەردى الاتىن بولساق:

• قىتايداعى ورتاشا قۇنى &ndash؛ 6 ملن تەڭگە.
• وعان باج سالىعى مەن كەدەندىك راسىمدەۋ سىندى ەلىمىزدە تىركەۋ كەزىندە 2-2,5 ملن تەڭگە شىعىن قوسىلادى.
• قازاقستاندا ساتىلىپ جۇرگەن باعاسى &ndash؛ 13-14 ملن تەڭگە.

ال قوزعالتقىش كولەمى 2,5 ليتر, بەنزينمەن جۇرەتىن كروسسوۆەرلەردى الاتىن بولساق:

• قىتايداعى ورتاشا قۇنى &ndash؛ 11 ملن تەڭگە.
• كەدەندىك راسىمدەۋ كەزىندەگى بارلىق شىعىنى &ndash؛ 3,5-4 ملن تەڭگە.
• قازاقستاندا ساتىلىپ جۇرگەن باعاسى &ndash؛ 17-20 ملن تەڭگە ارالىعى.

ال ەلەكتروموبيلگە كەلسەك, ەلىمىزدە تۇراقتى تۇراتىن قازاقستان ازاماتىنا 1 ەلەكتروموبيلدى كەدەندىك باجداردى جانە سالىقتاردى تولەۋدەن بوساتا وتىرىپ, جەكە پايدالانۋ ءۇشىن اكەلۋىنە رۇقسات بەرىلگەن.

• ودان كەيىنگى ەلەكتروموبيلدەردى كەدەندىك راسىمدەۋ قۇنى ارزان بولادى: 400-500 مىڭ تەڭگە ارالىعىندا.