• usd 468.56

  • eur 497.56

  • rub 7.3

  • cny 67.18

02 ناۋرىز, 23:02:09
الماتى
+35°

29 قاراشا, 2023 ساياسات

lrt: قازاققا جارماسقان جالماۋىز جوبا

جىك تۋدىراتىن, جۇت شاقىراتىن lrt جىرى ءالى دە بىتپەيتىن سەكىلدى.

فوتو عالامتور جەلىسىنەن الىندى

استانادا 10 جىل بويى قۇرىلىسى نە ءارى, نە بەرى ەمەس بولعان lrt جوباسىنىڭ جىرى قايتا باستالدى. كولىك مينيسترلىگى قۇرىلىسقا اقشا سۇراپ, ۇلتتىق قورعا اۋىز سالماق. توقاەۆتىڭ ءوزى lrt جوباسى قاتە بولعانىن ايتقان. ءبىراق ونى توقتاتساق, شىعىن ودان دا كوپ بولاتىنىن شاراسىز مويىندادى.

ەندى كولىك مينيسترلىگى lrt-نىڭ اۋەجايدان جاڭا ۆوكزالعا دەيىنگى ۋچاسكەسىنە 2023 جىلعا 52 ملرد تەڭگە سۇراپ وتىر.

&ndash؛ بۇل قۇرىلىس باستالعان سوڭ اياقتالۋى قاجەت. ءبىراق وعان قاتىستى شەشىمدەردىڭ تەز قابىلدانۋىنا قارسىمىن. اۋەلى ۋربانيست ماماندار تالقىلاپ, ورتاق شەشىمگە كەلسىن. حالىقتىڭ پىكىرىن سۇراسىن. سەبەبى, ەلوردالىقتار لرت مەن برت-نىڭ نە ەكەنىن بىلمەيدى. ومىرىنە قانداي وزگەرىس اكەلەتىنىنەن حابارسىز. سەبەبى بىزدە ونداي تاجىريبە ەشقاشان بولعان جوق, دەيدى ۋربانيست اسحات ءسادۋوۆ.

باعاناسى قيسايعان لرت

 ؛سالىنباي جاتىپ باعاناسى قيسايدى

 ؛ەكونوميست ءسابيت رىسباەۆ lrt-نىڭ كولىك رەتىندە قالا حالقىنا پايداسى تيەتىنىنە سەنبەيدى. ونى تەك جۇمىسپەن قامتاماسىز ەتەتىن جوبا قاجەت دەپ سانايدى.

&ndash؛ lrt ءاۋ باستان يميدجدىك جوبا بولعان. بىزگە lrt سونشا قاتتى قاجەت ەمەس. lrt قولدانىسقا بەرىلگەن كۇننىڭ وزىندە جۇكتەمەنى ازايتپاس انىق. اۋەجايدان ۆوكزالعا دەيىن كوپ ادام بارمايدى. بۇل جاي عانا شەتەلدىكتەر كورسىن دەگەن يميدجدىك پروەكت. ستانسالاردىڭ سانى باسىندا 18 بولاتىن, كەيىن ونى دا 11-گە دەيىن ازايتىپ تاستادى. ايالدامالاردىڭ اراسى بىر-بىرىنەن الشاق. مۇنى تۇرعىندار ءۇشىن قولايلى جوبا دەپ سانامايمىن. 2 ملرد دوللارعا بۇدان دا جاقسى, پايدالى جوبالاردى ىسكە اسىرۋعا بولار ەدى. ماسەلەن, زاۋىت, فابريكا اشۋ سەكىلدى حالىقتى جۇمىسپەن قامتاماسىز ەتەتىن جوبالار بولسا. ال مىنا lrt-نىڭ ەش پايداسى جوق. ونىڭ ۇستىنە, قۇرىلىسى بىتپەي جاتىپ, جەمقورلىققا قاتىستى قانشاما ادامنىڭ ۇستىنەن ءىس قوزعالدى, قانشاما ادام قاشىپ ءجۇر. بۇل تۇككە دە قاجەتى جوق جوبا, دەدى ول.

وزگە ەلدەردە لرت-نىڭ قۇنى قانشا؟

وزگە ەلدەردە lrt قۇرىلىسىنا جۇمسالعان شىعىنداردى دينا ەلگەزەك بىلاي مىسالعا كەلتىرەدى:

&ndash؛ تاشكەندە 422 ملن دوللارعا 55 شاقىرىمدىق 35 ستانسا سالىنعان. 1 شاقىرىمى 7,67 ملن دوللارعا تۇسكەن.

ۇلىبريتانيانىڭ نوتينگەم قالاسىندا 337 ملن دوللارعا 14 شاقىرىمنىڭ بويىندا 23 ستانسا سالىنىپتى. 1 شاقىرىمى &ndash؛ 24 ملن دوللار.

اقش-تىڭ شارلوتتا قالاسىندا 15,4 شاقىرىمدىق lrt 462,7 ملن دوللارعا تۇسكەن. ءار كيلومەترىنىڭ قۇنى &ndash؛ 42 ملن دوللار.

وڭتۇستىك كورەيانىڭ ۋيدجونگبۋ قالاسىندا 469 ملن دوللارعا سالىنعان. ءوزى 11,1 شاقىرىم, ءار شاقىرىمى 42 ملن دوللارعا ءتۇسىپتى.

ال قازاقستاندا شە؟

استانانىڭ 11 ستانساسى lrt-سىنىڭ ءار شاقىرىمى بيۋدجەتكە 84,4 ملن دوللارعا تۇسەدى!

بيفات ەلتاەۆا

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر