ەلىمىزدە مال ازىعىن دايىنداۋ جانە ونى ءوندىرۋدىڭ جاڭا تەحنولوگيالارى ەنگىزىلەدى

ۇكىمەتتە وڭىرلەردە جەم-شوپ دايىنداۋ جۇمىستارىنىڭ بارىسى تىڭدالدى. ەلىمىزدە بيىل 11 وڭىردە تاۋارلى ءسۇت فەرمالارىن سالۋ بويىنشا اۋقىمدى جوبا باستالدى. وسىعان وراي ازىق-تۇلىكپەن قامتاماسىز ەتۋ ستراتەگيالىق ماڭىزعا يە بولادى.

رەسمي مالىمەت بويىنشا, بۇگىنگى تاڭدا بىلتىرعى قالدىقتاردى قوسا العاندا, ەلدە مال ازىعىنىڭ بارلىق ءتۇرى بويىنشا 37,2 ملن توننا جەم-شوپ دايىندالعان. مال ازىعىن دايىنداۋدىڭ تومەن كورسەتكىشى پاۆلودار (75,3%), ماڭعىستاۋ (81,0%) جانە باتىس قازاقستان (85,6%) وبلىستارىندا &ndash؛ رەسپۋبليكالىق دەڭگەيدەن تومەن. اكىمدىك وكىلدەرى جەم-شوپ دايىنداۋ ءالى دە جالعاسۋدا جانە جوسپارلى كورسەتكىشتەرگە قول جەتكىزىلەتىن جۇمىستارى ءالى دە جالعاسىپ جاتقانىن جانە الداعى ۋاقىتتا جوسپارلى كورسەتكىشتەرگە قول جەتكىزىلەتىنىن ايتتى.

جەم-شوپ ءوندىرىسىن دامىتۋ جونىندەگى 2023-2025 جىلدارعا ارنالعان وزەكتەندىرىلگەن جول كارتاسىنا سايكەس مىناداي كورسەتكىشتەرگە قول جەتكىزۋ كوزدەلگەن:

• جەم-شوپ داقىلدارىنىڭ ەگىس القاپتارىن 3,3 ملن گا دەيىن كەڭەيتۋ (2023 جىلى 3,1 ملن گا ەگىلدى)؛
• جەم-شوپ داقىلدارىنىڭ جالپى ءتۇسىمىن 5,1 ملن تونناعا دەيىن ارتتىرۋ؛
• قۇراما جەم ءوندىرىسىنىڭ كولەمىن زاتتاي 1,9 ملن تونناعا دەيىن, اقشالاي كولەمدە - 140 ملرد تەڭگەگە دەيىن ۇلعايتۋ.

ەلىمىزدە جۇمىس ىستەپ تۇرعان 66 قۇراما ازىق وندىرەتىن كاسىپورىنداردىڭ جالپى قۋاتتىلىعى جىلىنا 2,2 ملن توننا ءونىمدى قۇرايدى. بۇل الاڭداردا اۋىل شارۋاشىلىعى جانۋارلارى مەن قۇستاردىڭ بارلىق تۇرلەرى ءۇشىن تولىق تەڭدەستىرىلگەن قۇراما ازىق وندىرىلەدى. بۇل رەتتە كاسىپورىنداردىڭ جۇكتەمەسى نەبارى 41,6%-دى قۇرايدى.

«؛بۇگىنگى تاڭدا ءبىز «؛ەسكى تاسىلمەن»؛ جەم-شوپ دايىنداۋ تاسىلىنەن جاڭا تەحنولوگيالاردى ەنگىزۋگە ساپالى كوشۋدى قولعا الىپ جاتىرمىز. مۇنداي تاجىريبە باسقا ەلدەردە تابىستى جۇمىس ىستەپ كەلەدى. ءتىپتى وڭىرلەردە دايىندالعان جەم-شوپ كولەمىن دۇرىس ءبولۋ ارقىلى الداعى جىلعا جەتكىزۋگە بولار ەدى»؛, &mdash؛ دەدى س.جۇمانعارين.

ۇكىمەتتە وڭىرلەردەگى جاڭا جوبالاردىڭ ىسكە اسىرىلۋ بارىسى دا تالقىلاندى. وسىلايشا, سولتۇستىك قازاقستان وبلىسىندا dairy global experts llc-مەن (حالىقارالىق كونسالتينگتىك كومپانيا) بىرلەسە وتىرىپ قۇزىرەت ورتالىعى اشىلادى. ءسۇتتى مال شارۋاشىلىعىنا جەم-شوپ جانە ۆەتەريناريالىق كەڭەس بەرۋ باعدارلاماسى ازىرلەندى. ال اقمولا وبلىسىنىڭ زەرەندى اۋدانىندا مامانداردىڭ بىلىكتىلىگىن ارتتىرۋ باعدارلاماسى ىسكە قوسىلادى.

اۋىل شارۋاشىلىعى مينيسترلىگى زاماناۋي عىلىمنىڭ كومەگىمەن مال باعۋ مەن جەم-شوپ بازاسىن پايدالانۋ تيىمدىلىگىن ارتتىرۋ جانە ەت ءوندىرىسىن ارزانداتۋ ءۇشىن قازىرگى زامانعى ءادىسنامانى قولدانا وتىرىپ, كەم دەگەندە 20 مىڭ باسقا ارنالعان بورداقىلاۋ الاڭدارىن سالۋ بويىنشا مال شارۋاشىلىعى سالاسىنداعى ءىرى جوبالار پۋلىن قالىپتاستىرادى.