دۋبايدا برەند اشقان قازاق قىزى: كورگەنى كوپ كوش باستار

شانحايدا وقىپ, حالىقارالىق ەكونوميكا جانە ساۋدا ماماندىعىن مەڭگەرگەن ايدا قىزمەتى مەن بيزنەسىمەن قاتار, شىعارماشىلىقپەن دە اينالىسادى ەكەن. ومىرىنەن ۇزىك سىرلارىن شەرتىپ, قۇندى اقپاراتتارمەن ءبولىسىپ, youtube-تە ۆيدەو بلوگ جۇرگىزەدى.

وقۋدان ەلگە ورالعان سوڭ بىرەر جىل air astana اۋە كومپانياسىندا قىزمەت ەتىپ, اۋدارماشى بولعان. ءوزى ساياحاتتاۋعا قۇشتار. العاش رەت فيليپپيننەن باستاپ, ەندىگى الەمنىڭ 25 ەلىن ارالاپ تاستاعان ەكەن. ءقازىر ول دۋبايداعى مۇناي-گاز كومپانياسىندا جۇمىس ىستەيدى.

qamshy.kz ەلەۋلى جەتىستىكتەرگە جەتكەن كرەاتيۆتى قازاق جاستارىنا كوز قىرىن سالىپ, شەتەلدە قىزمەت ەتىپ, قازاقي برەندىن اشقان ايدا ايمەنوۆانى سوزگە تارتتى.

&ndash؛ ايدا, دۋبايدا ءقازىر قانداي قىزمەت اتقاراسىز؟
&ndash؛ مۇناي مەن گاز سالاسىندا جۇمىس ىستەيمىن. كومپانيانى اتاماي-اق قويايىن, ءبىراق مەن جۇمىس ىستەيتىن جەر وتە جاقسى. ءوز قىزمەتكەرلەرىنە قامقورلىق جاسايدى جانە جۇمىستىڭ ءوزى قىزىقتى. كومپانيانىڭ hr قىزمەتكەرىمىن. كوبىنە جاڭا قىزمەتكەرلەرمەن ينتەرۆيۋ وتكىزەمىن. تۇسىندىرە كەتەيىن, بوس ورىنعا مامان ىزدەيتىن رەكرۋتەر ەمەسپىن, وندايمەن ارنايى اگەنتتىكتەر اينالىسادى. مەن ءۇشىن ەڭ قىزىعى, ءتۇرلى ەلدەردەن كەلگەن ادامدارمەن جۇمىس ىستەۋ.

&ndash؛ 25 ەلگە ساياحات جاساعان ەكەنسىز. قانداي ەلدەر ومىرگە جايلى, مول مۇمكىندىكتەرى بار؟

&ndash؛ ارينە, ءار ەلدە مۇمكىندىكتەر بار. مىسالى, مەن جاپونياعا ساپارىمدا 3 جىلدان استام ۋاقىت سول جەردە تۇراتىن دوسىممەن كەزدەستىم. ول it سالاسىندا جۇمىس ىستەيدى, وعان بۇل ەل جۇمىسىنا دا, جانعا دا جايلى. ءبارى ادامنىڭ وزىنە بايلانىستى دەپ ويلايمىن. شەتەلدە جۇمىس پەن مۇمكىندىك ىزدەمەس بۇرىن, الدىمەن سول ەلدەگى نارىقتى زەرتتەۋدى ۇسىنار ەدىم.

&ndash؛ ءوزىڭىز كورىپ, تانىعان ەلدەرمەن قازاقستاندى سالىستىراسىز با؟
&ndash؛ قازاقستاندى شەت ەلدەرمەن ءار تۇرعىدان سالىستىرۋعا بولادى, ويتكەنى ءار ەلدىڭ ءوز ەرەكشەلىكتەرى مەن كەمشىلىكتەرى بار.
مىسالى, شۆەيساريادا تۇرعىنداردىڭ تابيعاتقا قالاي قارايتىنىن بايقادىم. ولار قورشاعان ورتانى تازا ۇستاۋعا ايرىقشا كوڭىل بولەدى. سونداي-اق, قارت ادامدار تاڭەرتەڭ سپورتپەن شۇعىلدانادى, بەلسەندى ءومىر سالتىن ساقتاۋ ءۇشىن تاۋعا جينالادى. تۋريزم جاعىنان شۆەيساريا وتە تانىمال. قاراپ وتىرساق, قازاقستاندا دا سونداي تاۋلار بار, ؛ ءتۋريزمدى دامىتاتىن ادەمى جەرلەر دا جەتكىلىكتى. مەن 2 جىلدا ءبىزدىڭ جەرىمىزدىڭ سۇلۋلىعىن كورسىن دەپ دۋبايدان بىرنەشە شەتەلدىك دوستارىمدى, تانىستارىمدى جانە ارىپتەستەرىمدى اكەلدىم. قازاقستاندىقتار ەكولوگيا ماسەلەلەرىنە كوپ كوڭىل ءبولۋى كەرەك دەپ ويلايمىن, بۇل ءار ادامنان باستالۋى كەرەك: قوقىستاردى سۇرىپتاۋ, تازالىقتى ساقتاۋ جانە ت.ب.

&ndash؛ جەتىستىككە جەتۋگە كومەكتەسەتىن 5 قاسيەتتى اتاي الاسىز با؟

1) وقۋ جانە ءبىلىم الۋ: ۇزدىكسىز وقۋ جانە ءبىلىمدى كەڭەيتۋ تۇلعانىڭ دامۋى ءۇشىن وتە ماڭىزدى دەپ ويلايمىن. جاڭا داعدىلار مەن ءبىلىم كاسىبي جانە جەكە تۇلعا رەتىندە دامۋعا كومەكتەسەدى.

2) ءوزىن-وزى تانۋ: ءوزىڭىزدىڭ كۇشتى جانە ءالسىز جاقتارىڭىزدى, قۇندىلىقتارىڭىز بەن ماقساتتارىڭىزدى ءتۇسىنۋ &ndash؛ تابىستى بولۋدىڭ, دامۋدىڭ باستى كەپىلدىگى. ءوزىن-وزى تانۋ ءسىزدىڭ كىم بولعىڭىز كەلەتىنىن جانە وسى ماقساتقا جەتۋ ءۇشىن قانداي قادامدار جاساۋ كەرەكتىگىن انىقتاۋعا كومەكتەسەدى.

3) ماقسات قويۋ: ماقساتتاردى انىقتاپ, ولارعا جەتۋ ءۇشىن جوسپار قۇرۋ فوكۋس پەن موتيۆاسيانى ساقتاۋعا كومەكتەسەدى. ماقساتتار ناقتى, قول جەتىمدى, ۋاقىتىلى بولۋى كەرەك.

4) تۇلعاارالىق قارىم-قاتىناس داعدىلارىن دامىتۋ: ادامدارمەن ءتيىمدى قارىم-قاتىناس جاساۋ قابىلەتى جەكە دامۋ مەن جەتىستىككە جەتۋدە ماڭىزدى ءرول اتقارادى. باسقانى تىڭداي ءبىلۋ, سىيلاستىق, سونداي-اق تۋىنداعان كىلكىلجىندەردى شەشۋدىڭ وڭاي جولىن تابۋ ماڭىزدى.

5) ۋاقىت. ۋاقىتتى ءتيىمدى باسقارۋ ونىمدىلىككە جانە ناتيجەلەرگە جەتۋگە كومەكتەسەدى.

&ndash؛ جەتىستىكتەرىڭىزدە اتا-اناڭىزدىڭ قانداي ۇلەسى بار؟ وتباسىڭىز جايىندا ايتىڭىزشى.
&ndash؛ ارينە! بالا كەزىمنەن اتا-انام مەنى وقۋعا, دامۋعا باۋلىدى. اكە-شەشەم كوپ قولدادى, كومەكتەستى. انام ماعان ءارقاشان ءبىلىمنىڭ كۇش ەكەنىن ايتاتىن. وڭايلىقپەن ەشنارسە بولا قالمايتىنىن, ءبارى دە ەڭبەك پەن تاباندىلىق ارقىلى كەلەتىنىن ۇقتىردى. «؛ەشنارسە اسپاننان تۇسپەيدى»؛ دەپ ايتىپ وتىراتىن.

&ndash؛ ءسىز قازاق جاستارىنىڭ شەتەلگە جۇمىسقا ورنالاسۋىنا, اعىلشىن تىلىندە رەزيۋمە تولتىرۋىنا كومەك كورسەتەسىز. قانشا ادامنىڭ شەتەلدىك كومپانيالارعا قىزمەتكە ورنالاسۋىنا جاردەمدەستىڭىز؟

&ndash؛ كوپتەگەن كونسۋلتاسيالار وتكىزدىم جانە كەڭەسىمە جۇگىنگەندەردىڭ باسىم كوپشىلىگى وزدەرى قالاعان جۇمىسقا ورنالاستى. مۇندا ەڭ باستىسى &ndash؛ تاباندىلىق! ءقازىر بىرەۋى لوندوندا, باسقالارى كاتاردا, دۋبايدا, اقش-تا جۇمىس ىستەپ ءجۇر.

&ndash؛ كيىم برەندىن شىعارۋ يدەياسى سىزگە قالاي كەلدى؟

&ndash؛ ۋنيۆەرسيتەت قابىرعاسىندا جۇرگەندە مەن بيزنەسپەن اينالىسىپ, شاڭعى كوستيۋمدەرىن ساتتىم. قىتايدان قازاقستانعا تاۋار جەتكىزىپ وتىراتىنمىن. وراۋ, جيناقتاۋعا, ءار دەتالىنە ايرىقشا ءمان بەردىم. تۇتىنۋشىلارىم ريزا بولاتىن. ءبىراق كەيىن بۇل ءىستى تاستاپ, بولاشاقتا ءوز برەندىمدى جاسايمىن دەپ وزىمە سەرت ەتتىم. بۇل كۇن 5 جىلدان كەيىن كەلدى, وسىلاي جاقىندا kosh برەندىمدى اشتىم. بۇل برەند قازاقستاننان الىستا بولسا دا, تۋعان جەرمەن بايلانىستى ساقتاۋ نيەتىنەن تۋدى.

&ndash؛ برەندتىڭ اتىن نەگە «؛كوش»؛ دەپ قويدىڭىز؟
&ndash؛ «؛كوش»؛ دەگەن كوشپەندى سوزىنەن شىقتى. بۇل ءارقاشان قوزعالىستا جۇرەتىن, ءبىر ورىندا تۇرمايتىن ادامدى بىلدىرەدى. بۇل برەند نە دەمەك؟ «؛وزىڭە ءوزىڭ ءۇي بول, وزىڭە ءوزىڭ شاتىر بول»؛, دەگەندى ەستىگەن شىعارسىز. بۇل ءبىز قايدا بولساق تا, ءارقاشان اينالامىزدا جايلى كەڭىستىك قۇرۋعا تىرىسۋىمىز كەرەك. بۇل برەند ءداستۇردى قازىرگى زامانمەن بايلانىستىرۋدان تۋدى. كيىمىمىزدىڭ ءاربىر بولشەگى ءسىزدىڭ قاي جەردىڭ تۋماسى ەكەنىڭىزدى ۇمىتتىرماۋ ءۇشىن جانە وزىنە دەگەن سەنىمدىلىك بەرۋ ءۇشىن اشىلدى. جالپى ايتقاندا, ءبىز باسقا ەلدە تۇرساق تا, قايدان كەلگەنىمىزدى ۇمىتپاۋىمىز كەرەك!

كيىمدەگى ءار پرينتكە مۇقيات قاراساڭىز, ويۋ-ورنەك رەتىندە بەينەلەنگەن جەر شارىن اڭعاراسىز. ول &ndash؛ ادامنىڭ ءوزى شىققان جەرىمەن بايلانىسىنىڭ ماڭىزدىلىعىن ەسكە سالادى.

&ndash؛ بولاشاققا جوسپارلارىڭىز بار ما؟
&ndash؛ جوسپار كوپ. ءوز برەندىمدى ودان ءارى دامىتىپ, باسقا ەلدەرگە تانىتقىم كەلەدى. ءقازىردىڭ وزىندە شەتەلدىكتەر قىزىعا ساتىپ الۋدا. جالپى, قىزمەتكە كەلەتىن بولساق, ەۋروپادا جۇمىس ىستەپ كورۋگە دە بولادى. ءبىراق ول ەلدەردە سالىقتىڭ كولەمى تىم ۇلكەن. دەي تۇرعانمەن, مەن جاڭا دۇنيەلەرگە قاشان دا اشىقپىن. باسقا ەلدەن ۇسىنىستار ءتۇسىپ جاتسا, نەگە كورمەسكە؟!

&ndash؛ قازاق جاستارىنا قانداي كەڭەس بەرەر ەدىڭىز؟
ءبىلىم &ndash؛ بولاشاققا ەڭ ماڭىزدى ينۆەستيسيا. جاڭانى ۇيرەنۋگە ۇمتىلۋ كەرەك! ساياحات, وزگە مادەنيەتپەن, ءتۇرلى ادامدارمەن تانىسۋ &ndash؛ كوكجيەكتى كەڭەيتەدى. ساتسىزدىكتەن قورىقپاۋ كەرەك.

&ndash؛ ؛ سۇحباتىڭىزعا راحمەت!

 ؛

 ؛

 ؛

 ؛

پوسموترەت ەتۋ پۋبليكاسيۋ ۆ instagram

 ؛

 ؛

 ؛

پۋبليكاسيا وت aida - kazakhstani in dubai (@aymenova)

 ؛