• usd 468.56

  • eur 497.56

  • rub 7.3

  • cny 67.18

13 شىلدە, 23:42:52
الماتى
+35°

10 قازان, 2023 ەكونوميكا

اەس سالامىز دەيدى, استانانى اۋىز سۋمەن قامتي الماي

اسقار مامين دەگەن «ۇكىمەتباسى» ەسىڭىزدە شىعار. 2023 جىلى رەسپۋبليكا حالقىن اۋىز سۋمەن تۇگەلدەي 100% قامتاماسىز ەتەمىز دەپ, باقىرايىپ تۇرىپ بوسكەن بولاتىن ءتورت جىل بۇرىن. الداعان ەكەن.

فوتو: اشىق دەرەك كوزىنەن الىنعان

اۋىز سۋ تاپشىلىعىن اۋىلدى جەر عانا ەمەس, استانا قالاسىنىڭ ءوزى كورىپ وتىر. ءقازىر شاھارداعى تۇرعىن سانى 1,4 ملن ادامعا جەتتى. تۇرعىنداردىڭ تىعىزدىعى ءقازىر 1 شارشى كيلومەترگە 1900 ادامنان كەلەدى. حالىققا سۋ جەتپەيدى, ينفوقۇرىلىم بۇنداي جۇكتەمەگە دايىن ەمەس بوپ شىقتى.

قازاقستان اۋىز سۋدى قايدان الادى؟ قازاقستانداعى ءقوپجىلدىق ورتاشا وزەن سۋلارىنىڭ كولەمى جىلىنا 102 تەكشە شاقىرىم, جەرگىلىكتى اعىن سۋلاردىڭ كولەمى شامامەن 52 تەكشە شاقىرىم. ەلىمىزدەگى سۋ رەسۋرسىنىڭ 40%-ىن ەرتىس, ىلە, سىرداريا مەن جايىق, توبىل, شۋ سەكىلدى شەت ەلدەر ارقىلى اعاتىن وزەندەر قۇرايدى. سۋ جاعىنان كورشى ەلدەرگە تاۋەلدىمىز. قىتايدان 19, وزبەكستاننان 15, رەسەيدەن 8, قىرعىزستاننان 3 تەكشە شاقىرىم سۋ الىپ وتىرمىز. ترانسشەكارالىق سۋلارعا قاتتى تاۋەلدى وڭىرلەر &ndash؛ قىزىلوردا, تۇركىستان وبلىستارى 90%, باتىس قازاقستان, اتىراۋ وبلىستارى 80%, جامبىل وبلىسى 75%.

بىرىككەن ۇلتتار ۇيىمىنىڭ دامۋ باعدارلاماسىنىڭ  ؛بولجامىنا ساي, قازاقستان 2040 جىلعا قاراي سۋعا دەگەن مۇقتاجدىعىنىڭ 50%-ىنا دەيىن تاپشىلىق سەزۋى مۇمكىن. ەكونوميكانىڭ بارلىق سالاسى سۋعا تاۋەلدى بولعاندىقتان, 2050 جىلعا قاراي ەل وڭىرلەرىندە ونىڭ تاپشىلىعىنا بايلانىستى ءجىو 6%-عا تومەندەۋى مۇمكىن.

&ndash؛ اۋىز سۋ مەن ەگىن شارۋاشىلىعىنا قاجەتتى سۋدىڭ تاپشىلىعى كەلەشەكتە ەسەلەنە تۇسەدى. مۇنىڭ ءبارى وسى سالاعا جاۋاپتى ەكولوگيا مينيسترلىگىنىڭ ماردىمسىز جۇمىس ىستەگەنىنىڭ سالدارى. بۇل &ndash؛ مينيسترلىكتىڭ عانا ەمەس, سوعان تىكەلەي باعىت-باعدار بەرىپ وتىراتىن ۇكىمەت جۇمىسىنىڭ دا ولقىلىعى. ۇكىمەت مۇناي, گاز سالاسىنا عانا باسا نازار اۋدارادى دا, ادامزاتقا ەڭ قاجەتتى رەسۋرس &ndash؛ اۋىز سۋ ماسەلەسى كوبىنە كولەڭكەدە قالىپ قالادى. مىسالى, تۇركىستان وبلىسىنداعى ىنتىماق اۋىلىندا مىڭ گەكتار باقشا ونىمدەرىن ەگەتىن ەگىستىك جەر بار. بيىل وزبەكستاننان سۋدىڭ از كەلۋ سەبەبىنەن, 300 گەكتار جەرىنە عانا سۋ جەتتى. ءقازىردىڭ وزىندە رەسپۋبليكا بويىنشا سۋ تاپشىلىعى 5 ملرد تەكشە مەتردى قۇرايدى. وسىنىڭ ەسەبىنەن قۇرعاقشىلىق پەن قۋاڭشىلىق بولدى.

قۋاڭشىلىقتان اقمولا, باتىس قازاقستان, قوستاناي جانە پاۆلودار وبلىستارىندا 170,9 مىڭ گەكتار ءداندى داقىلدار ەگىس القابى جويىلدى. ناتيجەسىندە ازىق-تۇلىك باعاسى 35%-عا قىمباتتاپ, ءقازىر ەلدە ۇن تاپشىلىعى باستالدى.

سۋ تاپشىلىعىمەن كۇرەسۋدىڭ جالعىز جولى: جاڭا تەحنولوگيالاردى پايدالانىپ, ارتەزيان سۋلارىن الۋ. سونىمەن قاتار, كورشى ەلدەرمەن جاقسى ديپلوماتيالىق بايلانىس ورناتۋىمىز قاجەت. جەر ۇستىندەگى اعىن سۋ, جەراستى سۋلارىنىڭ ەشقانداي ەسەبى جوق قازاقستاندا. ءبىز ءالى كەڭەس وداعىنان قالعان ەسكى ەسەپتى قولدانىپ ءجۇرمىز. بۇل سالاداعى عىلىمدى كۇشەيتۋ &ndash؛ ءوز الدىنا ۇلكەن ماسەلە. قازاق بيلىگى جاڭاشا ەسەپ جۇرگىزىپ, جاڭاشا ستاتيستيكا جاساۋعا كىرىسكەندە عانا تاپشىلىقپەن كۇرەسە الامىز, دەپ ءتۇسىندىردى ەكولوگ ازاماتقان ءامىرتاي.

اسەم جۇماقان

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر