مەكتەپ پەدوفيلدەردىڭ جىن ويناعىنا اينالىپ بارادى

وسىنداي قىلمىستىڭ الدىن الۋعا بولماس پا ەدى؟ ءبىزدىڭ ەلدىڭ زاڭدارى ادام قۇقىعىن, ءومىرىن قورعاۋ ەمەس, كىنالىلەردى جازالاۋمەن عانا تىنادى. بالا پسيحولوگياسىن سىندىرعان جاۋىزداردى مەيلى ون جىلعا تۇرمەگە قاما, مەيلى كاستراسيا جاسات, ءبارىبىر سىنعان تاعدىر سىندى, زالالى ءتيدى. سول ءۇشىن زورلىق-زومبىلىقتى بولدىرماۋدىڭ جولىن ىزدەۋىمىز كەرەك. بۇرىن قازاق بوي جەتكەن قىزىن «؛قىرىق ۇيدەن تىيىپ»؛, كەشقۇرىم سىرتقا شىعارمايتىن ەدى, ەندى سابيلەردى دە كوزدەن تاسا قىلمايتىن بولدىق. ؛ جالعىز ەركىنە قويىپ, سەنىپ تاپسىراتىن جەر &ndash؛ بالاباقشا مەن مەكتەپ قابىرعاسى ەدى. ەرتە جاستان الەۋمەتتىك جەلى, يۋتۋبتان ازعىنعا تولى ۆيدەو كورىپ, ويى بۇزىلعان جەتكىنشەكتەر 2-سىنىپتاعى ۇلعا زورلىق كورسەتكەن. وقيعا تۋرالى 29 ناۋرىزدا نەمولچي.kz قورى جاريالادى. قورعا الماتى وبلىسى جامبىل اۋدانى قاسىمبەك اۋىلىنىڭ جۇرتشىلىعى جۇگىنگەن.

بالاعا جاقىن مالعۇنداردىڭ جۇمىس ىزدەپ ورنالاساتىن جەرى دە وسى مەكتەپ بولىپ شىقتى. سونداعى كوزدەگەنى كۇنكورىس ەمەس, ءناپسىسىن قوزدىرعان وبەكتىسىنە جاقىن بولۋ. وتكەن جىلى قىركۇيەك ايىندا تۇركىستان وبلىسىنىڭ سارىاعاش اۋدانىندا مەكتەپ ءمۇعالىمى 9-سىنىپ وقۋشىسىن زورلاعان. سوراقىسى سول, بۇل وقيعا مەكتەپ قابىرعاسىندا بولعان.

جاز ايىندا قاراعاندى قالاسىنداعى ينتەرناتتا ديرەكتور 9-سىنىپ وقۋشىسىن زورلاۋعا ارەكەت جاساعان. ءپان ءمۇعالىمى بولعان ديرەكتور ەمتيحانعا دايىندالۋ ءۇشىن وعان قوسىمشا ساباق وتكىزۋگە نيەتتەنگەن. سول نيەتتىڭ ارتىندا سۇم ويلارى دا بولعانى انىق. كەزەكتى وسىنداي قوسىمشا ساباق كەزىندە وقۋشى قىزدىڭ قولىنان ۇستاپ, جىنىستىق قاتىناسقا يتەرمەلەگەن. پسيحولوگيالىق ءبىر وپاتتان امان قالعان قىزعا اناسى جاردەمدەسىپ, زاڭعا جۇگىنگەن.

بىراق ءمۇعالىم وقۋشى قىزعا جاس جىگىتتەي قىرىنداپ, ارتىق ءسوز ايتسا, ءبىزدىڭ قازاق بالاعا سەنە قويا ما؟ «؛ۇيات بولادى, قايداعىنى ايتپا!»؛, «؛نەمەرەسى بار. اكەڭدەي ادامعا جالا جاپپا! سەن دۇرىس تۇسىنبەي قالعان شىعارسىڭ»؛ دەپ اۋەلى وزىنە ۇرىسادى. اتا-انا ەستىلىكپەن وسىنداي ۇرەي ايتىلعاندا, سوزىنە دەن قويسا, زورلىق ازايا تۇسەر مە ەدى؟ بوتەن تۇرماق ءوز اكەسى قورلىق كورسەتىپ جاتقان زاماندا جاتتان جاقسىلىق كۇتەرمىسىڭ؟!

وسى ماسەلە بويىنشا پسيحولوگ سەرىكگۇل ءساليدىڭ پىكىرىن سۇرادىق.

&ndash؛ نەگە مەكتەپتەگى جاس بالالار زورلىق جاساۋعا بەيىم بولىپ بارادى؟ مىسال رەتىندە 5-سىنىپتاعى وقۋشىلاردىڭ 8 جاستاعى بالانى جىنىستىق قاتىناسقا ماجبۇرلەگەنىن الايىق.

&ndash؛ بۇل جاعدايدىڭ سەبەپ-سالدارى ءتۇرلى بولۋى مۇمكىن. دەمەك, بۇل بالالار سونداي ءىستى كوزبەن كوردى: پورنوگرافيا, كينو نە ۆيدەولار. سودان پايدا بولعان ءينفانتيلدى سەكسۋالدىلىقتان ەشقانداي سەزىمسىز, قىزىق ءۇشىن جاساپ كورگەن. ءۇي جايىندا بالانىڭ كوزىندە جىنىستىق قاتىناس تۋرالى سوزدەر, اڭگىمەلەر ايتۋعا بولمايدى. ونداي اقپارات بەرۋ پسيحيكاسىنا كەرى اسەر ەتەدى. ءوز تاجىريبەمنەن مىسال كەلتىرسەم, 5-سىنىپ پەن 6-سىنىپ وقۋشىلارى وزدەرىنەن بىرەر جاس كىشى بالالاردى شەشىندىرىپ, مازاق قىلىپ, كۇرەكتىڭ سابىمەن زورلاعان. زەرتتەۋ بارىسىندا ولاردىڭ ديسترۋكتيۆتى وتباسىدان شىققانى انىقتالدى. كوز الدىندا اكەسى شەشەسىن زورلاعان, ال قالعانى پورنوگرافيا كورىپ, قىزىعۋشىلىقتارى ويانعان جەتكىنشەكتەر.

&ndash؛ ۇستازدار تاراپىنان دا زورلىققا بەيىم ادامدار جۇمىس ىستەپ جاتىر. قىزمەتكە قابىلدانار الدىندا پسيحولوگيالىق ساۋلىعىن انىقتاۋ ءۇشىن پسيحياتريالىق ەمحانادا تىزىمدە تۇرماعانىن دالەلدەيتىن ءبىر پاراق قاعاز عانا سۇرايدى. سوندا مەكتەپ ورداسىن قالاي تازارتامىز؟

&ndash؛ وزەكتى سۇراق. پسيحولوگيالىق باقىلاۋ ارقىلى پەدافيليا كورىنەدى. سوندىقتان زەرتتەۋ وتە ماڭىزدى. پەدوفيليا تابۋدىڭ بۇزىلۋىنان بولادى. ۇزاق ۋاقىت فۋسترۋاسيالىق كۇيدە جۇرۋىنەن نە بالا كەزىندە بەلگىلى ءبىر تابۋدىڭ ورنىنا تۇسپەۋىنەن وسىنداي ءتان قالاۋى تۋادى. قاراپايىم تىلمەن ايتقاندا, پەدوفيليا دەگەن ءتان قۇمارلىعىن سانادان بيىك قويۋ. ولاردى جىنىستىق تۇرعىدا ايەل ەمەس كىشكەنتاي بالا قوزدىرادى. ال سول قۇمارلىعى ويانباي, ودان ءلاززات الماي ءومىر سۇرە المايدى. ويىن ىسكە اسىرۋ ءۇشىن كوبىنە لاگەر, مەكتەپ سياقتى بۇلدىرشىندەر بار جەرگە جۇمىسقا ورنالاسۋعا تىرىسادى. بولاشاقتا ۇستازداردىڭ وزىنە باقىلاۋ جۇرگىزەتىن پسيحولوگتار بولادى دەپ سەنەمىز.  ؛

&ndash؛ كىشكەنە بۇلدىرشىندەر زورلىققا تۇسكەننەن كەيىن عانا ەموسيالىق اۋىر كۇيلەرىنەن اڭعارۋعا بولادى. ال ەرەسەك بالالار كەيدە سىرت ادام كوز تىككەنىن اڭداپ, اتا-اناسىنا ەسكەرتىپ ايتسا دا, قازاقيلىققا سالىپ, اۋەلى ۇرىسىپ, سەنىم بىلدىرمەيدى. وسىنداي اتا-انالارعا نە دەيسىز؟

&ndash؛ ءقازىر اتا-انالاردىڭ كوبى سەزىم مەن وزگەلەردى سەزىنۋدى, بالانىڭ باسىنداعى بولۋى مۇمكىن قىسىم مەن قيىنشىلىقتى, قورعانىش پەن قامقورلىق كورسەتۋدى بىلمەيدى. پەرزەنتىنىڭ ايتقان سوزىنە سەنبەۋىنىڭ ءوزى دە قارىم-قاتىناستى دۇرىس ورناتپاعانىن كورسەتەدى. بۋللينگتىڭ اسقىنعان ءتۇرى زورلىق-زومبىلىققا اكەلەدى. سەبەبى ول سەزىمنەن جۇرداي. بۇل دا پەرزەنت الدىنداعى اتا-انانىڭ جاۋاپكەرشىلىكتى سەزىنۋىنە تىكەلەي قاتىستى. بالانىڭ كوزىنشە بالاعات ءسوز ايتپاۋ كەرەك, ويتكەنى سول ءار ءسوزدىڭ تۇپكى ماعىناسى جىنىستىق قاتىناسقا بايلانىستى. سونداي ءسوزدى بالاعا ايتتىڭ, دەمەك سونداي اقپاراتتى تىكەلەي بەردىڭ. تاربيە باسى وسى.

پسيحولوگ مامان ايتقانداي, پەدوفيلدەردىڭ جاعالاپ جۇرەتىن جەرى وقۋ ورداسى. مەكتەپتەگى مۇعالىمدەردىڭ ءال-اۋقاتىن كوتەرگەننەن بەرى بۇل سالاعا بارۋشىلار سانى كوبەيدى, ال ىرىكتەۋ تەك تاجىريبە مەن بىلىمگە قاراۋمەن عانا شەكتەلىپ جاتىر. پسيحولوگيالىق اۋرۋعا بەيىم, نە ءبىر اۋىتقۋشىلىعى بار ادامدار مەكتەپتە جۇمىس ىستەپ جۇرمەگەنىنە كىم كەپىل؟

مەملەكەتتىك قىزمەتكە تۇرۋ ءۇشىن ءبىلىمىن تەكسەرىپ قانا قويماي, پسيحولوگيالىق سىناقتان وتكىزەدى. نەگە مۇعالىمدەردى جۇمىسقا قابىلداماس بۇرىن باسشىلىق تەكسەرمەيدى؟ بىلتىر رەسەي ەكەش رەسەيدىڭ ءوزى ورتا ءبىلىم بەرەتىن مەكەمەلەرىندەگى ۇستازداردان پسيحولوگيالىق تەست الىپ, زورلىق-زومبىلىققا بەيىمى بار قىزمەتكەرلەردىڭ بارلىعىن شەنى مەن دارەجەسىنە قاراماي جۇمىستان شىعارىپ جىبەرگەن. قازاقستاندا دا وسىنداي تەكسەرىستەر قاجەت. جاس دەمەي, كارى دەمەي جوعارعى سىنىپ وقۋشىلارىنان باستاپ ديرەكتورعا دەيىن تەستتەن ءوتىپ, قاۋىپسىزدىكتى كۇشەيتۋ ارقىلى عانا ساقتانا الامىز.