جالعىز قازاق مەكتەبى جابىلدى

شىعىس قازاقستان وبلىسى ريددەر قالاسىندا 16 مەكتەپ بولسا, سونىڭ بىرەۋى عانا قازاق مەكتەبى. ونىڭ ءوزى سوناۋ 1936 جىل مەن 1958 جىلدارداعى قابىرعاسى سوگىلگەن ەسكى 2 عيماراتتا ورنالاسقان.

بيىل ەسكى عيماراتتاردىڭ شاتىرىنىڭ كەز كەلگەن ۋاقىتتا وپىرىلىپ ءتۇسۋى مۇمكىن ەكەنىنە ءارى جوندەۋ جۇمىستارىنا قاجەتتى بيۋدجەت قاراستىرىلماعاندىقتان, مەكتەپ جابىلدى.

بۇعان دەيىندە ريددەر قالاسىنىڭ تۇرعىندارى قازاقشا ءبىلىم بەرەتىن مەكتەپكە جاڭا عيمارات بەرۋ ماسەلەسىن جىلدار بويى كوتەرىپ كەلگەن. ءبىراق قۇمعا سۋ سەپكەندەي»؛ تۇرعىنداردىڭ وتىنىشىنە جەرگىلىكتى بيلىكتەگىلەر پىسقىرىپ تا قاراماعان.

• 2012 جىلى ريددەر قالاسىنا كوشىپ كەلگەنىمدە, بۇل مەكتەپتىڭ قابىرعاسى جارىلىپ جاتقان. سوندا مەكتەپتەگى مۇعالىمدەر مەن ديرەكتورى دا قوسىلىپ, جارىق قابىرعانى جاماعانبىز. مىنە, ەندى مەكتەبىمىز ابدەن توزدى. بالالارىمىزدى ارالاس مەكتەپتەرگە بەرگىمىز كەلمەيدى. ولار تەك تازا قازاق تىلىندە وقىسا دەيمىز. مەكتەپ مۇعالىمدەرىنىڭ ءبىلىم بەرۋ دەڭگەيلەرى وتە جوعارى. وكىنىشكە وراي, وڭىرىمىزدە قازاق مەكتەپتەرىنە كوڭىل ءبولۋ وتە تومەن, &ndash؛ دەيدى ريددەر قالاسىنىڭ تۇرعىنى سەرىكقازى شاكىروۆ.

ايتا كەتسەك, «؛شاڭىراق»؛ مەكتەبى جابىلماس بۇرىن وندا 580 بالا ءبىلىم الىپ كەلگەن. ءارى مەكتەپتە قازاق تىلىندە ءبىلىم بەرەتىن ساۋاتتى كادرلار دا جەتكىلىكتى. تۇرعىنداردىڭ پىكىرىنشە, قانشا جەردەن مەكتەپ توزسا دا, مەكتەپ وقۋشىلارى ءبىلىم, سپورت جاعىنان رەسپۋبليكالىق جارىستارعا قاتىسىپ, كۋبوك, مەدالدار يەلەنىپ, جاقسى كورسەتكىشتەر كورسەتىپ كەلگەنىن ايتادى.