فوتو: ۆيدەودان كادر
وپپوزيسيالىق بەلسەندى, دەموكراتيالىق پارتيا باستاماشىل توبىنىڭ مۇشەسى ابزال دوستياروۆ قاڭتار وقيعاسىنىڭ ءبىر جىلدىعى قارساڭىندا پوليسيا قىزمەتكەرلەرى 4 جاسار قىزىمەن قوسا كۇشتەپ بولىمشەگە اكەتكەن وقيعا ءالى دە قۇزىرلى ورگانداردىڭ نازارىنان تىس قالىپ وتىرعانىن ايتادى. بەلسەندىنىڭ سوزىنشە, قىزى پسيحولوگيالىق تراۆما الىپ, كوشەگە شىعۋعا قورقىپ قالعان.
ابزال دوستياروۆقا ادۆوكاتى 9 قاڭتارداعى جاعداي بويىنشا 5 قاڭتاردا تۇسىرگەن ارىزى نەگىزىندە ەشقانداي پروسەدۋرا باستالماعانىن جەتكىزگەن.
«؛بالا قۇقىعىنىڭ اياقاستى بولعانى ەلەۋسىز قالاتىن بولسا, ءتىپتى نە دەرىمدى دە بىلمەيمىن. وندا ەل بولۋىمىز قيىن-اۋ»؛ دەيدى بەلسەندى.
وقيعا بولعان كۇننەن بەرى «؛بالا قۇقىقتارى جونىندەگى ۋاكىل ارۋجان ساين قايدا, نەگە ءۇنسىز»؛ دەۋشىلەر كوپ. بالا قۇقىقتارى جونىندەگى ۋاكىلدىڭ بۇعان ايتار جاۋابى تومەندەگىدەي:
؛
&ndash؛ ءبىز كەلىپ تۇسەتىن ءار شاعىمدى قارايمىز. بۇل جەردە بالانىڭ قۇقىعىن قورعاۋ جولىندا ناتيجە بەرەتىن ارەكەت جاساۋ اسا ماڭىزدى. ءارى بۇل &ndash؛ الەۋمەتتىك جەلىدە كوممەنتاريي جازعاننان اناعۇرلىم ءتيىمدى. ءبىز ابزالدىڭ زايىبى دانامەن بايلانىستامىز, پروكۋراتۋرا مەن ىشكى ىستەر مينيسترلىگىنە ۇندەۋ دايىنداپ جاتىرمىز, ؛&ndash؛ دەدى ارۋجان ساين. ؛
ابزال دوستياروۆ بالا قۇقىقتارى جونىندەگى ۋاكىل كەڭسەسىندەگىلەردەن كەڭەس العانىن راستاپ وتىر. الايدا «؛ولارعا ءوزىمىز شىقتىق, بار بولعانى ءبىر رەت جۇما كۇنى (6 قاڭتار &ndash؛ رەد) سويلەستىك»؛ دەيدى.
ماجىلىس دەپۋتاتى قازىبەك يسا دا «؛اق جول»؛ پارتياسى فراكسياسىنىڭ اتىنان باس پروكۋراتۋرا مەن ىشكى ىستەر مينيسترلىگىنە ارنايى حات ازىرلەنىپ جاتقانىن, بۇگىن جولداناتىنىن ءمالىم ەتتى. دەپۋتات وپپوزيسيالىق كوزقاراستاعى بەلسەندىگە ايتارى بارىن, ءبىراق بالا قۇقىعى ماسەلەسىندە ساياسي الاڭداعى اڭگىمەنى ىسىرىپ قويۋ كەرەگىن قوسا كەتتى.
؛
&ndash؛ جانبولات ماماي مەن ابزال دوستياروۆ اقجول پارتياسىن الدەنەشە رەت نەگىزسىز سىناپ, بىزگە جالا جاپتى. ءبىراق زاڭ الدىندا ءبارىمىز تەڭبىز. ءبارىمىزدىڭ قۇقىعىمىز تەڭدەي ساقتالۋى مىندەتتى. اسىرەسە بالا قۇقىعى. زاڭ ساياساتتاعى اڭگىمەلەر مەن كوزقاراس قايشىلىعىنان جوعارى تۇرۋعا ءتيىس. سوندىقتان دوستارياروۆتى كىشكەنتاي قىزىمەن ۇستاپ اكەتكەن وقيعاعا بايلانىستى ازات پەرۋاشەۆپەن («؛اق جول»؛ پارتياسىنىڭ ءتوراعاسى &ndash؛ رەد.) بىرگە باس پروكۋراتۋرا مەن ىشكى ىستەر مينيسترلىگىنە حات ازىرلەپ جاتىرمىز. بۇگىن جىبەرەمىز, &ndash؛ دەدى دەپۋتات. ؛
قۇقىققورعاۋشى مارجان اسپاندياروۆانىڭ ايتۋىنشا, بەلسەندىنى 4 جاسار قىزىمەن قوسا كۇشتەپ اكەتۋ پوليسيا قىزمەتكەرلەرىنىڭ تومەنگى مورالدىق-ەتيكالىق كەلبەتىنەن حابار بەرەدى. ؛
&ndash؛ ءبىزدىڭ پوليسەيلەردىڭ كوبىندە مورال دا, ەتيكا دا, ساۋات تا ءبىلىم دە جوق. دەنى ادامگەرشىلىكتەن جۇرداي. ۆيدەونى كورىپ ەكراننىڭ مىنا جاعىنداعى ءبىزدىڭ ءوزىمىز جامان بولىپ وتىرمىز. ال بالا قانداي تراۆما الدى, اناسى قانداي كۇيدە... ونى ويلاۋدىڭ ءوزى اۋىر. ۇلتتىق قاۋىپسىزدىك كوميتەتىن ۇلتقا ءقاۋىپتى كوميتەتكە اينالدىرعانىن, پوليسيا قىزمەتكەرلەرى جەمقور, قىلمىسكەر بولىپ كەتكەنىن قاڭتار وقيعاسى, وزگە دە كۇندەلىكتى جاعدايلار تالاي دالەلدەپ بەردى. بۇل جاعداي پوليسيا قىزمەتكەرلەرىنىڭ ادام قۇقىعىن اياقاستى ەتۋگە ەتى ۇيرەنىپ كەتكەنىن, ارەكەتتەرى ءۇشىن ەشقانداي جازا بولمايتىنىن بىلەتىندەرىن انىق كورسەتەدى. ءىس سوتقا دەيىن جەتەتىنىنە سەنبەيمىن. ارى كەتسە, قوعام تالابىنان سوڭ پوليسەيلەرگە تارتىپتىك جازا قولداناتىن شىعار. ال بۇنداي وقيعا دەموكراتياسى دامىعان ەلدە بولسا, ۇلكەن شۋعا ۇلاسار ەدى, &ndash؛ دەيدى ول. ؛
مارجان اسپاندياروۆا پوليسيا قىزمەتكەرلەرىنىڭ وسىنداي ارەكەتتەرى مەن وعان لايىقتى قۇقىقتىق باعا بەرمەۋ ازاماتتىق قوعامدى ۇرەيلەندىرۋ, ساياساتتان الشاقتاتۋ ءۇشىن جاسالادى دەگەن پىكىردە.
&ndash؛ بيلىك ءبىر جاعىنان زاڭسىزدىقتى وسىلاي كوپشىلىككە جاريا تۇردە جاساۋ ارقىلى كىمدە-كىم بەلسەندى بولسا, ويىن اشىق ايتىپ, بيلىككە تالاپ قويسا, كورەتىنى وسى بولادى, وسىلاي ايامايمىز دەگەندى اشىق تۇردە كورسەتىپ وتىر. سول ءۇشىن دە بۇعان دۇرىس قۇقىقتىق باعا بەرمەيدى. ەگەر وزدەرىنىڭ زاڭسىز ارەكەتىن مويىنداسا, وزگە دە بەلسەندىلەر كورگەن زاڭسىزدىقتارى تۋرالى ايتا باستاۋى مۇمكىن. ال وندايلار وتە كوپ. قازاقستاندا بەلسەندىلەردى قۋدالاۋدىڭ ءتۇر-تۇرىن كورىپ ءجۇرمىز, &ndash؛ دەيدى ول.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر