• usd 468.56

  • eur 497.56

  • rub 7.3

  • cny 67.18

18 ماۋسىم, 04:44:13
الماتى
+35°

قازاقستاندىقتار اراسىندا ينۆەستيسيا سالۋعا دەگەن قىزىعۋشىلىق ۇلكەن قارقىنمەن ارتىپ كەلەدى. 2022 جىلعى العاشقى جارتىجىلدىق قورىتىندىسى بويىنشا باعالى قاعازدار ورتالىق دەپوزيتارييىندە 367 مىڭ شوت تىركەلگەن. بۇل ؛&ndash؛ 1 قاڭتارداعى كورسەتكىشتەن 64 پايىزعا جوعارى. ال ءبىر جىل بۇرىنعى ماننەن ەكى ەسەگە كوپ. شوتتاردىڭ 99 پايىزى جەكە تۇلعالاردىڭ ۇلەسىنە تيەدى. جاستار اراسىندا جىلدام تارالىپ قاتقان قور بيرجاسىنا كىرەردە نە تۋرالى ءبىلۋ كەرەك, قانداي ريسكتەر بار, الاياق بروكەرلەرگە تاپ بولىپ قالماۋدىڭ جولى قانداي؟ تومەندەگى ماتەريالدا جاڭا باستاپ جاتقان ينۆەستورلار مەن قور نارىعى تۋرالى جالپى تۇسىنىك قالىپتاسقىرعىسى كەلەتىندەر ءۇشىن وسىنداي ساۋالدارعا جاۋاپ بەرىلەدى.

ينۆەستيسيا جاستار اراسىندا جىلدام تارالىپ جاتقان سالا دەۋىمىز بەكەر ەمەس. ساندارعا قاراساق, 2022 جىلدىڭ العاشقى جارتىسىندا بروكەرلىك شوتتاردىڭ 18 بەن 24 جاس ارالىعىنداعى يەلەرىنىڭ ۇلەسى ءۇش ەسەگە ارتىپ, 70 مىڭدى قۇراعان. 25-34 جاس ارالىعىنداعى ينۆەستورلار سانى 110 مىڭنان اسادى. 35-54 جاس ارالىعىندا 128 مىڭ ينۆەستور, 55-تەن اسقان 47 مىڭ ينۆەستور تىركەلگەن.

ينۆەستيسيا سالاسىنىڭ تارتىمدىلىعىنا جاھاندىق ترەندتەن بولەك, ينفلياسيا ايتارلىقتاي اسەر ەتىپ وتىر. كەي وتانداستارىمىز ينۆەستيسياعا قىمباتشىلىق قىسىپ, قوسىمشا تابىس كوزىن ىزدەپ كەلىپ جاتسا, ەندى ءبىرى قولدا بار قاراجاتتى ساقتاۋ مەن كوبەيتۋدى ويلايدى. ينفلياسيا دەپوزيت بويىنشا كىرىستى جۇتىپ قويىپ جاتقاندىقتان, ينۆەستيسيانىڭ تارتىمدىلىعى دا ارتا تۇسۋدە.

قور نارىعىنا قالاي دۇرىس كىرگەن ءجون؟

ماماندار قور نارىعىنا قالاي دۇرىس كىرۋ كەرەك دەگەن سۇراقتىڭ ناقتى وبەكتيۆتى جاۋابى جوق ەكەنىن ايتادى. ويتكەنى ءار ينۆەستور ءوزى دۇرىس كورگەن قاداممەن باستايدى. دەسە دە ەندى باستاپ جاتقان ينۆەستور قور نارىعى ەسىگىن العاش اشقاندا ەستە ساقتاۋعا ءتيىس كەيبىر ەرەجەلەر بار. قور نارىعى بويىنشا ساراپشى ايا الدابەرگەنوۆا جاس ينۆەستورلاردىڭ كادەسىنە جارايتىن 7 كەڭەس ۇسىنادى.

1) ينۆەستيسيانى قارىزدانىپ جاساۋعا بولمايدى

باستاۋشى ينۆەستورلار ءجيى جاسايتىن قاتەلىكتەر قاتارىنا نەسيە نەمەسە قارىزعا الىنعان اقشانى, كەيدە سوڭعى تيىنىن قور نارىعىنا سالىپ جىبەرىپ پايدا كۇتۋدى جاتقىزۋعا بولادى. نارىق قۇبىلمالى ءارى الدىن الا 100% بولجاۋ قيىن. بۇگىن قارىزعا العان اقشامەن اكسيا ساتىپ الىپ, ونىڭ ءوسۋىن كۇتىپ وتىرعاندا, ەرتەڭ اكسيا قۇنى ءتۇسىپ كەتۋى مۇمكىن. وسىلايشا, شىعىنعا ۇشىراماۋ ءۇشىن قور نارىعىنا اقشانى قارىزعا الىپ كىرمەۋ كەرەك.

2) ناقتى ستراتەگيا بولعانى دۇرىس

بيرجا ارقىلى تابىس تابۋدى ويلاعان ادام الدىن الا ستراتەگيا قۇرعان ءجون. ستراتەگيا ادەتتە ۇزاقمەرزىمدى جانە قىسقامەرزىمدى بولىپ بولىنەدى. نارىقتا داعدارىس بولىپ, اكسيالار قاتتى قۇلاسا نەمەسە كەرىسىنشە, تەز ءوسىپ جاتسا, دۇرىس قۇرىلعان ستراتەگيا ينۆەستوردى شىعىنعا ۇشىراۋدان ساقتايدى. ال نارىق قۇبىلىپ جاتقاندا اسىعىس شەشىم جاساۋدان قورعايدى.

3) «؛قاۋىپسىزدىك كوپشىگىن»؛ جاساۋ قاجەت

ينۆەستورلار اراسىندا 4-5 ايلىق تابىستان تۇراتىن اقشا كولەمىن «؛قاۋىپسىزدىك كوپشىگى»؛ دەپ ايتادى. ول نە ءۇشىن قاجەت؟

بيرجاعا شىعۋدان بۇرىن قاراجاتتىڭ بەلگىلى ءبىر مولشەرىن بولەك الىپ قويۋ كەرەك. الداعى ۋاقىتتا نەگىزىگى تابىس ازايىپ نەمەسە ينۆەست-پورتفەل ناشارلاپ كەتكەن جاعدايدا «؛قاۋىپسىزدىك كوپشىگى»؛ ينۆەستوردى اكسيالاردى ساتۋدان ساقتايدى. قانداي دا ءبىر اكسيالار ساتىپ الۋعا قولايلى بولىپ تۇرسا دا, ول ءۇشىن «؛قاۋىپسىزدىك كوپشىگىنەن»؛ اقشا شىعارۋعا بولمايدى.

4) 20/20/60 ەرەجەسى

مىقتى ساراپشىلاردىڭ باسىم بولىگى باستاۋشى ينۆەستورلارعا 20/20/60 ەرەجەسىن ساقتاۋعا كەڭەس بەرەدى. ول دەگەنىمىز پورتفەلدىڭ 20%-ىن etf (ۇلەستەرىن بيرجادا ساتىپ الۋعا نەمەسە ساتۋعا بولاتىن قورلار), 20%-ىن يپق-لار (كاسىپقويلاردىڭ ستراتەگياسىنا سايكەس باسقارىلاتىن باعالى ؛ قاعازداردان تۇراتىن دايىن پورتفەل) جانە 60%-ىن اكسيالاردان قۇراۋعا كەڭەس بەرەدى. وسىنداي بالانس نارىقتا كۇتپەگەن داعدارىس بولا قالعان جاعدايدا پورتفەلدى ءتۇرلى قاتەردەن ساقتايدى.

5) ينۆەستيسيانى تۇسىنەتىن سالالارعا سالۋ كەرەك

تانىمال ينۆەستور پيتەر لينچ وزىنەن باعالى قاعازدار تۋرالى كەڭەس سۇراعاندا, ء«؛وزىڭىز تۇسىنەتىن سالا اكسيالارىن الىڭىز»؛ دەيدى. بۇل ؛&ndash؛ قور نارىعىنا ەندى كىرىپ جاتقان ادامدار ءۇشىن دە پايدالى كەڭەس. عارىش, نەيروحيرۋرگيا نەمەسە بلوكچەين سالالارى پرەسپەكتيۆالى بولىپ كورىنگەنىمەن, ولار قالاي جۇمىس ىستەيتىنىن تۇسىنبەسەڭىز, ودان دا ءوزىڭىز كۇندەلىكتى ءونىمىن تۇتىناتىن, كورىپ, ءبىلىپ جۇرگەن كومپانيا اكسيالارىن العانىڭىز دۇرىس. ويتكەنى, كومپانيا جۇمىسى العا باسىپ جاتىر ما, الدە قۇردىمعا كەتە مە ءبارىن بايقاي الاسىز. ال سىزگە جۇمىس ىستەۋ مەحانيزمى تانىس ەمەس كومپانيالارمەن شىعىنعا ۇشىراۋ ءقاۋىپى جوعارى.

6) قارجى جايلى ءبىلىمدى ۇنەمى ارتتىرىپ وتىرۋ قاجەت

قور نارىعىنا كىرگەن سوڭ ينۆەستيسيا تۋرالى كىتاپتاردى كوبىرەك وقىعان ءجون. مىسالى, بەندجامين گرەمنىڭ «؛اقىلدى ينۆەستور»؛ اتتى كىتابىنان كوپ پايدالى مالىمەتتەر الۋعا بولادى. كىتاپ وقىپ, تاجىريبەلى ساراپشىلار ۆەبينارىنا قاتىسىپ ۇنەمى ءبىلىمدى جەتىلدىرىپ وتىرعان دۇرىس.

7) «؛كوگىلدىر چيپتەردەن»؛ باستاۋعا بولادى

قور نارىعىندا «؛كوگىلدىر چيپتەر»؛ دەپ اتالىپ كەتكەن كومپانيا اكسيالارى بار. ولار ادەتتە ۇزاق جىلدار بويى اكسيا باعاسى ءوسىپ كەلەتىن, تۇراقتى ديۆيدەند تولەيتىن جانە قارجىلاي جاعدايى جاقسى تانىمال كومپانيالاردان تۇرادى. مىسالى, nike (#nke), coca-cola (#ko), wallmart (#wmt) سياقتى كومپانيالاردى كوگىلدىر چيپتەر دەپ اتايدى. وسىنداي كومپانيا اكسيالارى نارىق اۋىتقىپ, قۇبىلعاندا ونشا كوپ شىعىنعا ۇشىراتپاي, ديۆيدەند اكەلىپ تۇرادى.

 ؛

قور نارىعىندا الاياقتارعا الدانىپ قالماۋدىڭ جولى قانداي؟

 ؛

قور نارىعىنداعى وپەراسيالاردى ينۆەستور ءوز بەتىنشە ىستەي المايدى. بيرجادا كەز كەلگەن قۇندى قاعازدى ساتىپ الۋ ءۇشىن دەلدال قاجەت. دەلدال قىزمەتىن بروكەرلەر اتقارادى. باعالى قاعازدارمەن جاسالاتىن بارلىق وپەراسيالار بروكەردىڭ ساۋدا پلاتفورمالارى ارقىلى ونلاين رەجيمدە جۇزەگە اسادى. بيرجادا بروكەرلىك قىزمەتپەن ءتيىستى ليسەنزياسى بار بروكەرلىك كومپانيا عانا اينالىسا الادى. قازاقستاندا ليسەنزياسى بار 39 بروكەر-ديلەر جۇمىس ىستەيدى. ونىڭ 19-ى ەكىنشى دەڭگەيدەگى بانكتەر بولسا, 20-سى باسقارۋشى كومپانيالار. ليسەنزياسى بار بروكەرلەر مەن باسقارۋشى كومپانيالار تۋرالى قارجى نارىعىن رەتتەۋ جانە دامىتۋ اگەنتتىگىنىڭ رەسمي سايتىنان ؛كورۋگە بولادى. بروكەردىڭ ليسەنزياسى تۋرالى اقپارات ونىڭ ينتەرنەت رەسۋرسىندا جاريالانۋعا ءتيىس. ونىڭ جالعان نە شىنايى ەكەنىن اگەنتتىك سايتىنداعى دەرەكپەن سايكەستەندىرۋ ارقىلى بىلۋگە بولادى.

 ؛

بروكەر ينۆەستورعا بيرجاعا كىرۋگە مۇمكىندىك بەرەتىن بروكەرلىك شوت اشۋعا كومەكتەسىپ, قانداي باعالى قاعازداردى ساتىپ الۋ كەرەگى تۋرالى تاپسىرمانى ورىندايدى. ارينە, وسى قىزمەتى ءۇشىن كەلىسىلگەن كولەمدە كوميسسيا تۇرىندە اقى الادى. تۇسىنىسپەستىك تۋماس ءۇشىن كوميسسيا تۋرالى ەكجەي-تەگجەيلى ءبىلىپ العان دۇرىس. بروكەر ينۆەستورعا كەڭەس بەرىپ, نارىقتاعى جاعداي, قولايلى اكسيالار جايلى ماعلۇمات ۇسىنا الادى, الايدا سوڭعى شەشىمدى ينۆەستور ءوزى قابىلداپ, قابىلدانعان شەشىمنىڭ سالدارى ءۇشىن جاۋاپكەرشىلىكتى ءوزى ارقالايدى. بروكەردىڭ قىزمەتىنە قاتىستى اسا ماڭىزدى نارسە ؛&ndash؛ بروكەر ەشقاشان شوتتى دەرەۋ تولتىرۋدى تالاپ ەتپەيدى, جوعارى كىرىستەر مەن تولەمدەرگە دە ۋادە بەرمەيدى. ەگەر بروكەر پايداعا قارىق بولاسىڭ دەسە, وندا ول الاياق بولىپ شىعۋى ابدەن مۇمكىن.

قور نارىعىندا تابىسقا كەپىلدىك بەرىلمەيدى, ءبىراق...

اكسيا, وبليگاسيا, بيرجالىق قورلار بولسىن, ينۆەستورعا تابىسقا كەپىلدىك بەرمەيدى. الايدا جوعارىداعى ەرەجەلەردى قاپەردە ۇستاپ قور نارىعىندا شەكسىز تابىسكە كەنەلۋ مۇمكىندىگى مولىنان. سونداي-اق باستاپقىدا ينۆەستور بولۋ ءۇشىن قوماقتى قارجى مىندەتتى ەمەس. شاعىن قاراجاتپەن نەگىزگى جۇمىسپەن اينالىسىپ تا ؛ ينۆەستيسيامەن شۇعىلدانۋعا بولادى. تەك قور نارىعىنا دۇرىس ستراتەگيا قۇرىپ, ءبىرشاما ءبىلىم جيناپ بارىپ كىرگەن ابزال. ال جوعارىداعى اقپاراتتار بازالىق بىلىمگە جارارلىق ماعلۇمات قانا.

مەلىس سەيداحمەتوۆ

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر