تەڭگە قايتكەندە تۇراقتايدى؟ بيلىكتىڭ الدىندا قانداي جول تۇر؟

ۋكرايناعا باسىپ كىرۋىنە بايلانىستى رەسەيگە سالىنىپ جاتقان ەكونوميكالىق سانكسيالاردىڭ سالدارىنان رەسەي ءرۋبلىنىڭ قۇنسىزدانۋى تەڭگەگە دە اسەر ەتىپ, قازاقستاننىڭ ۇلتتىق ۆاليۋتاسى سوڭعى ەكى اپتادا بۇرىن-سوڭدى بولماعان شامادا السىرەدى. ۇلتتىق بانك 11 ناۋرىزداعى دوللار باعامىن 509,8 تەڭگە دەپ بەلگىلەدى. تەڭگە قۇنسىزدانۋىنىڭ تەرىس اسەرىن ازاماتتار ءقازىردىڭ وزىندە قىمباتشىلىق تۇرىندە سەزىنىپ ؛ جاتىر. جاعداي وڭالماسا, ونسىز دا تابىسىنىڭ كوبىن ازىق-تۇلىككە جۇمسايتىن قازاقستاندىقتاردىڭ تۇرمىسى تىپتەن تۇرالاپ قالعالى تۇر. ۆاليۋتا نارىعىندا نە بولىپ جاتىر, ۇكىمەت تەڭگەنى قالاي ۇستاپ تۇرا الادى, تىعىرىقتان شىعۋدىڭ جولى قانداي, وسى جانە وزگە دە سۇراقتاردىڭ جاۋابىن ؛ryskulov analytics ورتالىعىنىڭ ديرەكتورى, قارجىگەر ؛جاسۇلان كۋشەباەۆ قامشى پورتالىنا بەرگەن شاعىن سۇحباتتا ايتىپ بەردى.

&ndash؛ ۇكىمەت وسى ۋاقىتقا دەيىن تەڭگە باعامى ءرۋبلدىڭ جاعدايى مەن مۇناي باعاسىنا قاتتى بايلانىستى ەكەنىن ايتاتىن. ەگەر ەكەۋى قۇلدىراسا, تەڭگە قۇنسىزدانادى, ەگەر رۋبل نىعايىپ, مۇناي باعاسى وسسە, تەڭگە دە نىعايادى دەپ تۇسىندىرەتىن. ال ءقازىر رۋبل قۇنسىزدانىپ, مۇناي قىمباتتاپ جاتىر. brent ماركالى مۇنايدىڭ باررەلى ؛111.97 دوللارعا جەتتى. ؛بىراق تەڭگە كۇننەن كۇنگە قۇنسىزدانىپ بارادى؟ بۇنى قالاي تۇسىنۋگە بولادى؟ تەڭگە باعامىنا ءدال ءقازىر نە اسەر ەتىپ وتىر؟

&ndash؛ قالىپتى جاعدايدا, ياعني سوعىس بولماعاندا بۇگىنگىدەي مۇناي باعاسىنىڭ قىمباتتاۋىنان تەڭگە نىعايار ەدى. الايدا ءقازىر سيتۋاسيا مۇلدە باسقاشا. بۇگىندە رەسەي ەكونوميكاسىنا سانكسيالار كوپتەپ سالىنۋىنا بايلانىستى رۋبل السىرەپ جاتىر. رەسەي قازاقستاننىڭ ۇلكەن ساۋدا سەرىكتەسى بولعاندىقتان, تەڭگە رۋبل تۇزاعىندا قالىپ قويدى دەۋگە بولادى. ياعني تەڭگەنىڭ قۇبىلۋىنا تەك مۇناي باعاسى عانا ەمەس, ءرۋبلدىڭ جاعدايى دا اسەر ەتەدى. بىزدە سوڭعى بەس جىلدا ءرۋبلدىڭ تەڭگەگە شاققانداعى باعامى 5 تەڭگەدەن تۇسكەن جوق. ال بۇگىنگى ۇلتتىق بانك دەرەگىنشە, 1 رۋبل 4,5 تەڭگە بولىپ تۇر. ءرۋبلدىڭ قۇنسىزدانۋى تەڭگەنىڭ رۋبلگە شاققاندا نىعايۋىنا اكەلىپ جاتىر. بۇل قازىرگى جاعدايدا ەكونوميكامىزعا ءقاۋىپتى. ويتكەنى ءبىز رەسەيمەن ەركىن ساۋدا ايماعىندامىز, ياعني بىر-بىرىمىزبەن كەدەنسىز تاۋار الماسامىز. سايكەسىنشە, رۋبل السىرەپ, تەڭگە نىعايار بولسا, ءبىزدىڭ بيزنەسمەندەر رەسەيدەن تاۋار الىپ, قازاقستانعا ساتا باستاۋى مۇمكىن. ال بۇل &ndash؛ ۆاليۋتامىزدىڭ رەسەي ەكونوميكاسىنا ءوتىپ كەتۋىنە اكەلىپ سوعادى. سالدارىنان وتاندىق بيزنەسكە دەگەن سۇرانىس تومەندەيدى. سوندىقتان ۇكىمەت مۇنداي قادامعا بارا الماي, تەڭگەنى ءرۋبلدىڭ بۇرىنعى باعامىنا سايكەستەندىرۋگە تىرىسادى. ياعني رۋبل قۇنسىزدانسا, تەڭگە دە قۇنسىزدانادى.

&ndash؛ سوڭعى ۋاقىتتا قازاقستاننىڭ ۆاليۋتا ساياساتىن رەسەي ءرۋبلىنىڭ ىقپالىنان شىعارۋ كەرەكتىگى تۋرالى ءجيى ايتىلىپ جاتىر. بۇل تەوريالىق تۇرعىدا مۇمكىن بە؟ ول ءۇشىن نە ىستەۋ كەرەك؟

&ndash؛ تەڭگەنى رۋبل ىقپالىنان شىعارۋ بۇگىنگى جاعدايدا وتە اۋىر. ويتكەنى ءبىز ءبىر ەركىن ساۋدا ايماعىندامىز. رەسەي ءرۋبلىنىڭ ىقپالىنان شىعۋ ءۇشىن الدىمەن قازاقستان ەۋرازيالىق ەكونوميكالىق وداقتان شىعۋى كەرەك. ول ساياسي ەرىك-جىگەردى قاجەت ەتەدى. ءبىزدىڭ بيلىك وعان بارا الا ما, جوق پا ول جاعىن ۋاقىت كورسەتەر. ەگەر وداقتان شىقساق, سوندا ءبىزدىڭ بيزنەسمەندەر رەسەيدەن تاۋار ساتىپ العاندا كەدەندىك, باسقا دا سالىقتارمەن ۆاليۋتا باعاندارى اراسىنداعى كىشكەنە وزگەرىستەر وتاندىق وندىرىسكە اسا اسەر ەتپەيدى. رەسەيمەن ساۋدا قاتىناسىندا ءوزىمىزدىڭ پروتەكسيونيستىك ەكونوميكالىق ساياساتقا كوشۋ كەرەك دەپ ويلايمىن. بۇل &ndash؛ تەڭگەنىڭ جاعدايىن جاقسارتىپ قانا قويماي, ءوزىمىزدىڭ كاسىپكەرلەرگە دە ۇلكەن قولداۋ بولادى.

&ndash؛ سوندا تەڭگەنى نىعايتۋدىڭ, ەكونوميكانى كۇشەيتۋدىڭ ەۋرازيالىق ەكونوميكالىق وداق قۇرامىنان شىقپاي جاساۋعا بولاتىنداي امالى جوق پا؟

&ndash؛ ەاەو-دان شىقپاستان جاعدايدى رەتتەۋ شارالارىنىڭ اسەرى قىسقا مەرزىمدى عانا بولۋى مۇمكىن. ينتەرۆەنسيا جاساۋ ارقىلى, شەكتەۋلەر قويۋ, دەپوزيتتەن اقشا الۋدا تەڭگەلىك سىياقىنى ارتتىرۋ ارقىلى حالىقتى تەڭگە ۇستاۋعا ىنتالاندىرۋعا, تەڭگەگە دەگەن سۇرانىستى جوعارىلاتۋعا بولادى. ءبىراق مۇنىڭ تيىمدىلىگى ۋاقىتشا عانا. ەگەر ەۋرازيالىق ەكونوميكالىق وداقتا قالا بەرەتىن بولساق, ۇلتتىق بانك پەن ۇكىمەت سيتۋاسيادان شىعۋدىڭ باسقا, ۇزاقمەرزىمدى جولدارىن قاراستىرۋى كەرەك.

&ndash؛ سىزدىڭشە قازاقستاننىڭ مۇمكىندىگىمەن ءارى بۇگىنگى سيتۋاسيانى ەسكەرىپ, قانداي ۇزاقمەرزىمدى جوبالاردى جۇزەگە اسىرۋعا بولادى؟

&ndash؛ وندا ءوندىرىستى كۇشەيتۋ كەرەك. ءوندىرىس مىقتى بولماي, مىقتى ەكونوميكا قۇرۋ, ۇلتتىق ۆاليۋتانى كۇشەيتۋ مۇمكىن ەمەس. تەڭگەگە دەگەن سۇرانىستى ۇلتتىق ءوندىرىس تۋدىرادى. سوندىقتان تاماق, جەڭىل, حيميا ونەركاسىبى سياقتى قازاقستاننىڭ قولىنان كەلەتىن وندىرىستەردى اشۋ كەرەك. بۇدان بولەك رەسەي نارىعىنان كەتىپ جاتقان شەتەلدىك كومپانيالاردى وزىيىزگە تارتۋعا مۇمكىندىك تۋىپ تۇر. ءاربىر كريزيستە جاقسى جاققا قاراي پايدالانۋعا بولاتىنداي مۇمكىندىكتەر بار. رەسەيدەن كەتكەن ينۆەستورلار ءۇشىن ورتا ازيا نارىعى تارتىمدى بولاتىنى تۇسىنىكتى. ويتكەنى ولارعا بۇل جاق تانىس, جۇمىس ىستەپ كورگەن, ونىڭ ۇستىنە ورتا ازيا دا ۇلكەن نارىق. سوندىقتان ءقازىر رەسەيدەن كەتىپ جاتقان ينۆەستورلاردى قازاقستانعا تارتىپ, مەملەكەت تاراپىنان قولداپ, قازاقستاندا بيزنەسىن جۇرگىزۋگە جاقسى جاعداي جاساۋعا نازار اۋدارعان ءجون. بۇل &ndash؛ قىسقا ۋاقىتتا تيىمدىلىگىن كورسەتپەيدى, ءبىراق الداعى ۋاقىتتا ءبىز ورتا ازياداعى ەكونوميكالىق ھابقا اينالۋىمىز مۇمكىن. ول كەزدە ۇلتتىق ۆاليۋتا ءۇشىن الاڭدايتىنداي سەبەپ بولمايدى. وسى ارقىلى ءبىز وزىمىزدە شىققان تاۋارلاردى رەسەيگە ساتا الامىز. بىزدە رەسەيمەن لوگيستيكا جاقسى جولعا قويىلعان. ءبىراق اقش پەن ۇلىبريتانيا ساياساتكەرلەرى رەسەيدى تولىقتاي تۇنشىقتىرۋ ءۇشىن ونىڭ كورشىلەرىنە دە سانكسيا سالۋ تۋرالى ايتىپ جاتىر. بۇل قانشالىقتى جۇزەگە اساتىنىن ۋاقىت كورسەتەدى. وسى مۇمكىندىكتى پايدالانامىز دەپ ءبىز دە سانكسياعا ءىلىنىپ كەتۋىمىز عاجاپ ەمەس. ول الداعى جاعدايلار ايقىندالا تۇسكەندە, بەلگىلى بولادى.