• usd 468.56

  • eur 497.56

  • rub 7.3

  • cny 67.18

29 ناۋرىز, 01:54:14
+35°

اقتوبە وبلىسىنىڭ اكىمى وڭداسىن ورازالين اۋىل شارۋاشىلىعى, تاماق جانە وڭدەۋ ونەركاسىبى قىزمەتكەرلەرى كۇنىنە ارنالعان سالتاناتتى شاراعا قاتىستى.

مەرەكە مارتوك اۋىلىنىڭ مادەنيەت ۇيىندە ءوتىپ, وعان اۋىل شارۋاشىلىعى سالاسىنىڭ وزاتتارى مەن ارداگەرلەرى, اۋدان اكىمدەرى, اۋىل شارۋاشىلىعى تاۋارىن وندىرۋشىلەر قاتىستى.

جينالعانداردى قۇتتىقتاعان وبلىس اكىمى وڭداسىن ورازالين وڭىردەگى اگروونەركاسىپ كەشەنىنىڭ قىزمەتكەرلەرى ەڭبەكقورلىعىمەن جانە جاۋاپكەرشىلىگىمەن كوپتەگەن سالالاردا وڭ ناتيجەلەرگە قول جەتكىزىپ وتىرعانىن اتاپ ءوتتى.

"تاۋەلسىزدىك العان جىلداردان بەرى ءمۇيىزدى ءىرى قارا 110,2%, جىلقى 111,1%, سۋارمالى القاپ جەرلەرىنىڭ كولەمى 109,7 % ارتتى. اۋىل شارۋاشىلىعى سالاسىندا بۇگىن وڭىردە 34 مىڭعا جۋىق ادام ەڭبەك ەتەدى. جىلىنا اۋىل شارۋاشىلىعى سالاسىندا شامامەن مىڭعا جۋىق شارۋاشىلىق اشىلادى. ؛ 2021 جىلى 861 قوجالىق قۇرىلدى. اعىمداعى جىلى اۋىل ؛ شارۋاشىلىعى تاۋارىن وندىرۋشىلەردى سۋبسيديالاۋعا 24,3 ملرد. تەڭگە ءبولىنىپ, 2020 جىلمەن سالىستىرعاندا مەملەكەتتىك قولداۋ كولەمى 25% ءوستى. مۇنداي ؛ قولداۋدىڭ ناتيجەسىندە مال باسىنىڭ سانى ارتىپ, اۋىلشارۋاشىلىق تەحنيكاسىن جاڭارتۋ بويىنشا الدىڭعى ورىندامىز. بارشاڭىزعا وتانىمىزدىڭ ازىق-تۇلىك قاۋىپسىزدىگىن قامتاماسىز ەتۋ جولىنداعى تاباندى ەڭبەكتەرىڭىز بەن ءوز ىستەرىڭىزگە ادالدىقتارىڭىز, تۋعان جەرگە دەگەن سۇيىسپەنشىلىكتەرىڭىز ءۇشىن العىس ايتامىز",- دەدى وڭداسىن ورازالين.

وڭىر باسشىسى وبلىس باسشىلىعى اگروونەركاسىپ كەشەنىنە ەلەۋلى نازار اۋداراتىنىن باسا ايتتى.

اۋىل شارۋاشىلىعى كاسىپورىندارىنىڭ ۇزدىك ەڭبەككەرلەرىنە قر اۋىل شارۋاشىلىعى مينيسترلىگى مەن وبلىس اكىمى اتىنان توسبەلگىلەر, مەدالدار, قۇرمەت گراموتالارى مەن العىس حاتتار تابىس ەتىلدى. بارلىعى 62 ادام ماراپاتتالدى. ؛سالتاناتتى شارا كونسەرتتىك باعدارلامامەن جالعاسىپ, اۋىل شارۋاشىلىعى تەحنيكاسىنىڭ, مال جانە اۋىل شارۋاشىلىعى ونىمدەرىنىڭ كورمەسى ۇيىمداستىرىلدى.

 ؛

اقتوبە وبلىسى اكىمىنىڭ ءباسپاسوز قىزمەتى

"قامشى" سىلتەيدى
ىلمەك سوزدەر: اقتوبە وبلىسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر