• usd 468.56

  • eur 497.56

  • rub 7.3

  • cny 67.18

29 ناۋرىز, 16:51:08
الماتى
+35°

كەشە عانا اقش-تىڭ ەڭ ءىرى بانك جۇيەسى jp morgan كورپوراسياسى وسى جازدان باستاپ ءىرى كليەنتتەرى ءۇشىن كريتوۆاليۋتامەن قور ساقتايتىنىن مالىمدەدى. ؛

كريپتوۆاليۋتا تاقىرىبى كوپتەگەن ادامداردى عانا ەمەس مەملەكەتتەردىڭ ءوزىن مازالاي باستادى.

زەرتتەپ قاراساق, كريپتوۆاليۋتانى قولدايتىندار دا, وعان قارسى بولاتىندار دا كوپ. دەگەنمەن بۇل ۆاليۋتانى قولدايتىندار مەن قولداناتىندار ۋاقىت وتكەن سايىن كوبەيىپ كەلەدى. عالامدىق ەكونوميكاداعى ونىڭ ۇلەسى ارتىپ كەلەدى. ونىڭ ءبىر سەبەبى, كريپتوۆاليۋتانىڭ اشىقتىعى جانە "سيفرلىق التىن" سيپاتى بولۋىندا.

كريپتوۆاليۋتانىڭ بولاشاعىنا سەنەتىن ؛ الەمدىك الپاۋىت كومپانيالار مەن قارجى ينستيتۋتتارىنىڭ ءتىپتى, مەملەكەتتەردىڭ سانى ۋاقىت وتكەن سايىن كوبەيىپ جاتىر.

قىتاي بيلىگى كريپتوۆاليۋتانى ينۆەستيسيا مۇمكىندىگى رەتىندە كوتەرۋدە. ەۋروپا ەلدەرى دە سيفرلىق ۆاليۋتانى تەزدەن دايىنداۋ كەرەك ەكەنىن ايتتى. اقش-تىڭ ءىرى بانكتەرى مەن قارجىلىق كورپوراسيالارى كريپتوۆاليۋتاعا كوشكەنىن جانە كوشەتىنىن بىرىنەن كەيىن ءبىرى جاريالاۋدا.

paypal بيتكوين قولداناتىنىن مالىمدەدى. mastercard اۋدارىمدارى بيتكوين ارقىلى بولاتىنىن حابارلادى. apple pay كريپتوۆاليۋتا ارقىلى زات ساتىپ الۋعا بولاتىنىن ايتتى. tesla كومپانياسى 1.5 ملد دولدارعا بيتكوين ساتىپ الدى جانە كولىكتەرى بيتكوينمەن ساتىلاتىنىن جاريالادى. twitter جانە gerneral motors كومپانيالارى دا بيتكوينمەن جۇمىس جاسايتىنىن ايتتى.
ءتىپتى, اقش قارجى الپاۋىتتارى jp morgan جانە goldman sachs بيتكويندى قولداپ, قۋاتتاپ جانە قولداناتىنىن مالىمدەدى.

الەمدە وسىنداي ءىرى قارجىلىق ترانسفورماسيا ءجۇرىپ جاتقان كەزدە, عالامدىق جاعدايدى باعامداپ, ەرتەرەك دۇرىس شەشىم قابىلدانباسا, كوپتەگەن ەلدەردىڭ بيۋدجەتى بانكروتتىققا ۇشىراۋى ابدەن مۇمكىن. ؛

كەيبىر قارجىلىق مامانداردىڭ اقپاراتىنا سايكەس, 2030 جىلعا قاراي كريپتوۆاليۋتا عالامدىق نەگىزگى قۇندى ۆاليۋتاعا اينالىپ, قازىرگى حالىقارالىق ايىرباس ۆاليۋتا ستاتۋسىنداعى اقش دوللارىنىڭ ءوزى قۇنىن تولىق جوعالتۋى ىقتيمال. ؛

مەملەكەتتىڭ بيۋدجەتى مەن ۇلتتىق قور حالىقتىڭ مۇددەسىنە قىزمەت ەتۋگە مىندەتتى بولعاندىقتان, وسىنداي تاريحي ساتتە جاۋاپتى قۇزىرلى ورىندار ۇلتتىق قوردىڭ ءبىراز بولىگىن ەرتەرەك كريپتوۆاليۋتامەن ساقتاۋدى قاراستىرۋى كەرەك, بۇل ۋاقىت كۇتتىرمەيتىن تاريحي مومەنت دەپ ەسەپتەيمىن. ولاي بولماعاندا, ءبارى دە كەش بولۋى مۇمكىن.

جۋرناليست: ؛

تالعار دالەلعازى ؛

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر