• usd 424.85

  • eur 504.21

  • rub 5.84

  • cny 65.86

24 قىركۇيەك, 15:30:34
الماتى
+18°

سانسىزباەۆا ساندۋعاش قايراتقىزى &ndash؛ بەلگيانىڭ ۋاقىتشا تۇرعىنى. بۇل ەلگە جولداسى تورەبەك بەرىكبول ەكەۋى 4 بالاسىمەن كوشىپ بارعان. قامشى ءتىلشىسى جۇمىس بارىسىمەن شەتەلدە تۇرىپ جاتقان قازاق وتباسىنىڭ تۇرمىس-تىرشىلىگىمەن تانىستى.

كوپبالالى وتباسى بەلگياعا قالاي كوشىپ كەلدى؟

&ndash؛ جولداسىم شىمكەنتتەن, مەن تۇركىستاننىڭ تۋماسىمىن. وتباسىن قۇرعان سوڭ الماتى قالاسىندا تۇردىق. جولداسىم &ndash؛ ماتەماتيكا سالاسىندا عىلىمي قىزمەتكەر, شەتەلدىك phd دوكتورانت. 2019 جىلى ونىڭ عىلىمي جۇمىستارىنا قىزىعۋشىلىق بىلدىرگەن پروفەسسور جاقسى ۇسىنىس جاساپ, بەلگياعا جۇمىسقا شاقىرۋ جىبەردى. بۇعان دەيىن كۇيەۋىم فرانسيانىڭ پاريج قالاسىنداعى ۋنيۆەرسيتەتتەردىڭ بىرىنە "بولاشاق" ستيپەندياسىن ۇتىپ العان. الايدا وتباسىلىق جاعدايعا بايلانىستى بۇل مۇمكىندىكتەن باس تارتقان ەدىك. ال بەلگياعا جۇمىس ىستەۋگە شاقىرتۋ كەلگەندە, قاتتى قۋاندىق. 6 اي دايىندالىپ, وتباسىمىزبەن كوشىپ باردىق, &ndash؛ دەيدى ساندۋعاش قايراتقىزى.

ونىڭ ايتۋىنشا, بەلگياعا قونىس اۋدارۋ وڭاي بولماعان. ۇلتى, ءومىر ءسۇرۋ سالتى, ءتىلى بولەك ورتاعا ۇيرەنىسۋ ءبىراز ۋاقىتتى العان.

&ndash؛ ءبىراق ءوسىپ, ءبىلىم العىسى كەلەتىن ادامعا ەشنارسە كەدەرگى ەمەس ەكەن. بىزگە بارلىق جاعدايىمىزدى جاساپ بەرگەن سوڭ وڭايىراق بولدى. مۇندا قازاقستانمەن سالىستىرعاندا, جالاقى جوعارى. جولداسىمنىڭ بىلىمىنە, جاساعان جۇمىس دەڭگەيىنە ساي جاقسى ايلىق تولەنەدى. الايدا ءبىزدىڭ نەگىزگى ماقساتىمىز وسى جاقتا تۇراقتاپ قالۋ ەمەس. شەتەلدە تاجىريبە جيناپ, قازاقستان عىلىمىن دامىتۋعا ۇلەس قوسقىمىز كەلەدى, ؛&ndash؛ دەيدى ول.

فوتو: ساندۋعاش سانسىزباەۆانىڭ جەكە مۇراعاتىنان

"بالالار 2,5 جاستان باستاپ مەكتەپكە بارادى"

ساندۋعاش بەلگياداعى ءبىلىم بەرۋ جۇيەسىنىڭ وزىندىك ەرەكشەلىكتەرى تۋرالى ايتىپ بەردى.

&ndash؛ جولداسىم تورەبەك ەكەۋمىز 4 بالا تاربيەلەپ وتىرمىز. بالالارىمىز بەلگيانىڭ ءبىلىم جۇيەسىنە ساي مەكتەپكە باراتىن جاستا. سەبەبى مۇندا 2,5 جاستان باستاپ 6 جاسقا دەيىن مەكتەپتىڭ مىندەتتى ەمەس دايارلىق سىنىبىنا بارۋى كەرەك.

بىلىم بەرۋ جۇيەسى قازاقستاننان وزگەشە. بەلگيادا 4-سىنىپقا دەيىن تەك ءوز تىلدەرىندە ءبىلىم بەرەدى. مەكتەپتە ماتەماتيكا ءپانىن وتە جەڭىل, وڭاي جولدارمەن ۇيرەتەتىنى ەرەكشە ۇنايدى. سونداي-اق بەلگيا مەكتەپتەرىندە ءتىل بىلمەيتىن بالالارعا دا ەرەكشە كوڭىل بولەدى. سول سەبەپتى مۇندا تۇرۋ ءۇشىن بالانىڭ ءتىل بىلمەۋى كەدەرگى ەمەس. ؛الايدا وقۋشىلاردىڭ مەكتەپتە كوپ ۋاقىت وتكىزەتىنى ۇنامايدى. تاڭعى ساعات 8:15-تەن تۇسكى ساعات 15:25-كە دەيىن, ال كەيبىر مەكتەپتەردە ساعات 16:00-گە دەيىن مەكتەپتە بولادى, ؛&ndash؛ دەيدى كوپبالالى انا.

ساندۋعاش قايراتقىزى بەلگيا مەكتەبىندە وقۋشىلارعا ءبىر جىنىستى قارىم-قاتىناستى قالىپتى دەپ ۇيرەتەتىنىنە الاڭدايتىنىن جەتكىزدى.

&ndash؛ ماعان بالالارعا مەكتەپ قابىرعاسىندا ءبىرجىنىستى قارىم-قاتىناستى قالىپتى نارسە دەپ ۇيرەتەتىنى قاتتى ۇنامادى. تۇسىنىگى قالىپتاسپاعان بالاعا بۇل تۋرالى ايتۋ مەن ءۇشىن جات نارسە, &ndash؛ دەدى ول.

فوتو: ساندۋعاش سانسىزباەۆانىڭ جەكە مۇراعاتىنان

مەديسينا. ايەلدەر. كارانتين

بەلگيادا كارانتين قاتاڭ. بارلىق رەستوراندار, تاماقتاناتىن ورىندار جابىق. دۇكەندەرگە كەزەكپەن كىرەمىز. جوعارى وقۋ ورىندارى جانە ءبىراز جۇمىس ورىندارى ونلاين تۇردە جۇمىس ىستەيدى.

بەلگيا مەديسينا جاعىنان ەۋروپا ەلدەرىنىڭ ىشىندە جاقسى دامىعانداردىڭ قاتارىندا.

وزىمىزدە مەديسينالىق كومەككە جۇگىنەتىندەي اۋىر جاعداي بولمادى. ءتىسىم اۋىرىپ ەكى رەت ەمدەتكەنىمدە, دارىگەرلەر جۇمىستى 2-4 ساعات بويى وتە مۇقيات, اسقان ۇقىپتىلىقپەن ىستەدى.

بۇل مەملەكەت جالپى ادام قۇقىعى جاقسى قورعالعان ەلدەردىڭ ءبىرى عوي. دەسە دە ايەلدەر ءوز قۇقىعى ەرلەرمەن تەڭ ەمەس دەپ سانايدى. سول ءۇشىن 8 ناۋرىزدا تالاپتارىن ايتىپ, ميتينگكە شىعادى. ونىڭ باستى سەبەپتەرىنىڭ ءبىرى ؛&ndash؛ جالاقىلارى ەرلەردەن تومەن دەپ ەسەپتەيدى. 8 ناۋرىزدى مەيرام رەتىندە تويلامايمىز دەپ تە شۋلاپ جاتادى.

"گەندەرلىك تەڭدىك" دەگەنىمەن, دەكرەتتىك دەمالىستا بالا 3 ايعا تولعانعا دەيىن عانا وتىرادى. ودان سوڭ نارەستەلەرىن بالاباقشاعا تاستاپ, جۇمىسقا كىرىسەدى

بەلگيادا قازاقتار ناۋرىز مەرەكەسىن قالاي تويلايدى؟

ناۋرىزدى اسىعا كۇتىپ تويلايتىن قازاقتارعا شەتەلدە جۇرگەندەرى كەدەرگى ەمەس. بەلگياداعى قازاقتار پاندەمياعا دەيىن "شاڭىراق" اتتى قازاقستان بىرلەستىگىنىڭ قولداۋىمەن ناۋرىز مەرەكەسىن ۇلان-اسىر ەتىپ تويلاپ كەلدىك. بىر-بىرىمىزبەن تانىسىپ, ءداستۇرلى اندەرىمىزدى ايتىپ, كۇيىمىزدى تارتتىق. ۇلتتىق تاعامدارىمىزدى دايىنداپ, داستارحان جايىپ, ۇلكەن-كىشى بىر-بىرىنە سىي جاساپ, عاجاپ مەرەكە وتەتىن.

بۇكىل الەمدى دۇرلىكتىرگەن اتى جامان ىندەت كەلگەلى 2 جىل قاتارىنان ۇلتتىق مەرەكەمىزدى جەرگىلىكتى قازاقتارمەن بىرگە تويلاي المادىق. وتباسىمىزبەن ناۋرىز كوجەمىزدى ءپىسىرىپ, ەلىمىزدەن الىپ كەلگەن قازى-قارتامىزدى داستارقانعا قويدىق. بالالارعا ناۋرىز مەيرامى جايلى ءتۇسىندىرىپ, ۇلتتىق اسپاپتارىمىزدى تانىستىرىپ, داستارقان باسىندا اتاپ وتتىك.

فوتو: ساندۋعاش سانسىزباەۆانىڭ جەكە مۇراعاتىنان

"شەتەلدە ءبىلىم العان سوڭ..."

بەلگيا تابيعاتىمەن دە, ادامدارىمەن دە ۇنادى. اسىرەسە, جەرگىلىكتى تۇرعىنداردىڭ كومپلەكسىز, وزدەرى ءۇشىن ءومىر سۇرەتىندەرى ۇنايدى. حالىق ويىن ەركىن جەتكىزەتىنى بايقالادى.

مۇندا تۇرعاننىڭ جاقسى جاعى &ndash؛ ەۋروپا ەلدەرىنە ساياحات جاساۋ وڭاي ءارى ارزان. وتباسىلى, بالالى-شاعالى ءبىز ءۇشىن بۇل وتە ءتيىمدى. بولاشاقتا ساياحاتتاعىم كەلەتىن ەلدەر كوپ. امەريكا قۇراما شتاتتارىندا, تۇركيا, اۋستراليا, جاپونيا سەكىلدى ەلدەردە بولعىم كەلەدى. كوشىپ بارماساق تا, قىدىرۋدى ارماندايمىن.

ار قازاق دامىعان ەلدە تاجىريبە جيناپ, ءبىلىم السا دەگەن ارمانىم بار. نەگىزى اعىلشىن ءتىلىن بىلسەڭ, ءوز ءىسىڭنىڭ مامانى بولساڭ, كەز كەلگەن ەلدە جۇمىس ىستەۋگە مۇمكىندىك بار. ءقازىر ينتەرنەت ارقىلى جۇمىس بەرۋشىلەرمەن ونلاين فورماتتا سويلەسىپ, كەزدەسۋلەرگە قاتىسىپ, كاسىبيلىگىڭدى دالەلدەسەڭ جەتكىلىكتى. وزىمىزگە شەكتەۋ جاساماي, مۇمكىندىكتەردى پايدالانا ءبىلۋ كەرەك. ءبىراق شەتەلدە ءبىلىم العان سوڭ, قاراباسىمىزدى عانا ويلاماعانىمىز ءجون. قازاقستانعا ورالعان سوڭ, ەلىمىزدىڭ وركەندەۋىنە ۇلەس قوسساق دەيمىز.

قۇندىزاي وتەگەن

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر