“توقىراۋ كەزدەرى تاكسيست تە بولعان”. بۇگىن نۇرتىلەۋ يمانعاليۇلى جەر قوينىنا تاپسىرىلدى

اقپاننىڭ ء17-ى كۇنى قازاق تەلەۆيزياسى ورنى تولماس قايعىعا دۋشار بولدى. قازاق تەلەۆيزياسى عانا ەمەس, قازاق ەلى قاپىدا نۇرتىلەۋ يمانعاليۇلى سىندى ارىستاي ازاماتىنان ايرىلىپ قالدى. وسى تۇستا ءباسپاسوز اتاۋلى, ۇزەڭگىلەس دوس, جورا-جولداس قايعىدان قارا جامىلا وتىرىپ, ؛"باي-قۋاتتى بولايىق" دەگەن سوزىمەن ەل جادىندا قالعان ارداگەر ءجۋرناليستىڭ كاسىبي قىرى تۋرالى جارىسا جازىپ جاتتى. ءيا, راس, وعان داۋ جوق, تەلەۆيزيا سالاسىنا سانالى عۇمىرىنىڭ تابانى كۇرەكتەي 47 جىلىن ارناعان اعامىزدىڭ كاسىبيلىگىنە ءمىن جوق. ؛ دەگەنمەن ەل كوكەيىندە ەڭ ءبىرىنشى "نۇرتىلەۋ اعامىزدىڭ كەنەتتەن ومىرمەن قوش ايتىسۋىنا نە سەبەپ؟", "الدە, سوزىلمالى دەرتى بار ما ەدى؟" دەگەن نەمەسە "ول كىسىنىڭ ەفيردەن تىس ءومىرى مەن ادامي بولمىسى قانداي ەدى؟" دەگەن كوپتەگەن سۇراقتار قالدى. ەندەشە, قامشى ءتىلشىسى بۇگىن عانا جەر قوينىنا تاپسىرىلعان جۋرناليستيكا مەترى, الاشتىڭ ارقا تۇتار ازاماتى نۇرتىلەۋ يمانعاليۇلىنىڭ ؛ كوزىن كورگەن زامانداستارىنان, ءتالىمىن العان ءىنى-قارىنداس شاكىرتتەرىنەن ەستەلىك الۋدى ءجون كوردى.

قىسىلتاياڭ شاقتا تاكسيست بولىپ تا وتباسىن اسىراعان...

سەرىك جانبولات, جۋرناليست: ؛

&ndash؛ نۇرتىلەۋ اعامىزدىڭ بولمىسى, مىنەزى ەفيردەن-اق كورىنىپ تۇراتىن. ءسوزى ءمىردىڭ وعىنداي ەدى عوي, شىركىن؟!. الدىندا قانداي ادام وتىرسا دا, كەرەك دۇنيەسىن سۇراپ, بار شىندىعىن ايتقىزباي, جىبەرمەيتىن. كاسىبي شەبەرلىك تۇرعىسىنان ايتار بولساق, ول تەلەۆيزيا سالاسىنىڭ بايتەرەگى بولدى. الايدا حالىقتى ول كىسىنىڭ جۋرناليستىگىنەن دە بولەك, ومىردە قانداي ادام بولعانى قىزىقتىرادى عوي. ەفيردە قاتال كورىنگەنىمەن, اعامىز ومىردە باسقاشا ەدى عوي. ءبىر كەرەمەتى, ول كىسى ەشقاشان ءوزىنىڭ ازاماتتىق, ادامگەرشىلىك قاسيەتىنەن تايقىپ كورگەن ەمەس. اسىرەسە, باۋىرلارى مەن شاكىرتتەرىنە كومەكتەسىپ, قولداۋ ءۇشىن بارىن سالاتىن. مۇنىسىن كەيدە وزىمىزشە "پايدالانىپ" تا قالاتىن ەدىك. سەبەبى اعامىز ؛ بىرەۋگە قول ۇشىن بەرگەنى ءۇشىن ءبىر رەت تە بولسا, ەسەپتەسىپ كورگەن ەمەس. ءتىپتى قاجەت بولسا, كومەكتەسۋ ءۇشىن ءوزىنىڭ اتاعى مەن ابىرويىن دا سالىپ جىبەرەتىن. باۋىرلارىنا, شاكىرتتەرىنە دەگەن ىقىلاسى وتە كەرەمەت بولاتىن. ءسال كورىنبەي, حابارسىز كەتسەك, ءوزى ىزدەپ, "قايدا ءجۇرسىڭ؟" دەپ ۇرىسپاسا دا, ءبىراز ۇيالتىپ الاتىن.

ەكىنشىدەن, ول كىسىنىڭ عۇلامالىعى دا بار ەدى. تاڭ قالاسىڭ. ءبىر قىسىلتاياڭ ساتتەردە اياق استىنان جول تاۋىپ كەتەتىن. اسىرەسە, جوعارى جاقتاعى كىسىلەرمەن سويلەسكەن كەزدە, كوكەيىندەگى سۇراعىن تاپقىرلىقپەن اينالدىرىپ كەلىپ قويىپ جىبەرگەندە, انا كىسىلەر ەرىكسىز كۇلىپ جىبەرەتىن.

مىنەزىنە قاراپ, ەلدىڭ ءبارى "ايەلىمەن قالاي سويلەسەر ەكەن؟" دەپ ويلايدى. الايدا نۇرتىلەۋ اعانىڭ ەڭ باستى قاسيەتى &ndash؛ جۇرەگى وتە جۇمساق ەدى. ءسوزىڭدى سوڭىنا دەيىن تىڭدايتىن, ؛&ndash؛ دەيدى جۋرناليست.

سەرىك جانبولات 90 جىلداردىڭ توقىراۋىندا نۇرتىلەۋ اعامىزدىڭ تەلەۆيزيادان كورىنبەي كەتىپ, وتباسىن اسىراۋ ءۇشىن ءتىپتى تاكسيست تا بولىپ كەتكەنىن ايتىپ قالدى. ونداعى ماقسات سونداي اسقار تاۋداي بيىك تۇلعانىڭ "مەن &ndash؛ نۇرتىلەۋمىن" دەپ اسقاقتاماي, زامانىنا قاراي بەيىمدەلىپ, كوپپەن بىرگە قيىندىق كورگەنىن ۇلگى ەتۋ ەدى.

&ndash؛ دومبىرا شەرتىپ, ولەڭ شىعاراتىن. كەزىندە گيتارامەن دا ءان سالىپتى.

ول كىسى ەفيردەن تىنىس الاتىن, ستۋديادا تۇمىلدىرىعىن شەشىپ قويا بەرگەن بۇركىتتەي ەركىن قالىقتايتىن. الايدا اعامىز ومىردە ءبىر كىسىدەي قيىندىق كوردى. اسىرەسە, بەتكە ايتا سالاتىن تىك مىنەزىن كوپ ادام ۇناتا بەرمەيتىن. سودان بولار, 90 جىلداردىڭ ورتاسىندا, ەلدەن بەرەكە كەتكەن ۋاقىتتا, تەلەۆيزيا سالاسىنان ءبىراز الىستاپ تا قالدى. سوندا دا ول كىسى ەشقانداي جۇمىستان قاشقان جوق, ارلانبادى دا. وتباسىن اسىراۋ ءۇشىن تاكسيست بولىپ تا كەتتى. ءوزىن قاراپايىم حالىقتان بيىك ۇستاماعانى عوي بۇل. ؛ ءومىرىنىڭ قيلى كەزەڭىندە ەزىلىپ-مۇجىلىپ كەتكەن جوق, بار قيىندىقتى موينىمەن كوتەرە ءبىلدى, ؛&ndash؛ دەپ ەسكە الدى سەرىك جانبولات.

"ومىردەن وتەتىنىن ەكى اپتا بۇرىن سەزگەن ەكەن..."

اقجەلەڭ راحاتدين, ؛جۋرناليست: ؛

&ndash؛ نۇرتىلەۋ اعا كىندىك اكەم بولىپ كەلەدى. ۇنەمى ونىڭ قامقورلىعىن سەزىپ جۇرەتىن ەدىم. وقۋدى اياقتاعاندا, "تەلەجۋرناليست ءيميدجى" دەگەن تاقىرىپتا كوزى ءتىرى اڭىزداردان دەپ, نۇرتىلەۋ اعانىڭ ءيميدجىن الىپ, ديپلوم قورعادىم. ول كىسى بالا سەكىلدى اڭعال ەدى, مەنىڭ تيتتەي عانا زەرتتەۋىمە ەرەكشە قۋانىپ, ءماز بولدى.

"قاراكەت" باعدارلاماسىنىڭ ؛ العاشقى شىعارىلىمىن مەن دايىنداعان حابارمەن باستايتىن بولدى. سوندا ول حابار ەفيرگە شىققان كۇننىڭ ەرتەسى كەلىپ: "ەندى سەن ءۇشىن الاڭدامايتىن بولدىم. جاقسى جۋرناليست بولاسىڭ" دەپ, ماڭدايىمنان سۇيگەنى بار.

نۇرتىلەۋ اعا قازاقتىڭ ءجون-جورالعىسىن, ءسالت-داستۇرىن وتە جاقسى بىلەتىن. ۇزاتۋ تويىمدا قاراپايىم تىلەك ايتىپ قويا سالماي, جاستارعا عيبرات بولاتىن اڭگىمە ايتىلۋ كەرەك دەپ, جارتى ساعاتتاي سويلەگەن ەدى, ؛&ndash؛ دەيدى ول.

وسى تۇستا اقجەلەڭ راحاتدين ەل كوكەيىندە تۇرعان ەڭ باستى ساۋال ؛ &ndash؛ "نەدەن كوز جۇمدى؟" دەگەنگە جاۋاپ بەردى.

&ndash؛ اعامىز ومىردەن وتەتىنىن ەكى اپتا بۇرىن سەزگەن ەكەن. ءتىپتى سىرقاتىنىڭ اۋىر ەكەنىن, كوكتەمگە دەيىن جەتە المايتىنىن جاقىندارىن جيناپ اشىپ تا ايتقان. ارتىندا قالعان ءىستىڭ ءبارىن كەرەك ادامدارعا تاپسىرىپ كەتىپتى. ءبىراق تۋىستارىنىڭ بارىنە ەمەس, تەك ءوزىنىڭ ءۇش قىزىنا عانا حابار بەرىپتى. "حالىقتىڭ جادىندا جارقىراعان بەينەم قالسىن. مەن عانا ەمەس, قىرىقتىڭ قىرقاسىندا قىلشىلداپ تۇرعان بەيسەن ءىنىمدى (قۇرانبەك &ndash؛ ؛اۆتور) دە بۇكىل ەل تىلەۋىن تىلەپ الىپ, امان الىپ قالا المادى عوي", ؛&ndash؛ دەگەن ەكەن...

اقجەلەڭ راحاتدين نۇرتىلەۋ اعانىڭ ۇنەمى دايىندىقتا جۇرەتىنىن ەسكە الدى.

&ndash؛ ول كىسى كاسىبي جۋرناليست بولسا دا, ۇنەمى دايىندالىپ جۇرەتىن. تاجىريبەم جەتەدى عوي دەپ جۇمىسقا بەي-جاي قارامايتىن ەدى. كەيىپكەرلەرىن ؛ تەرەڭ زەرتتەپ, بار قىرىن اشۋعا تىرىساتىن. ءتىپتى تۇسىرىلىمدەردەن سوڭ, مونتاجىنا دا ارالاساتىن, &ndash؛ دەدى ول.

تۇتاس ءبىر سوعىمدى شىلىڭگىر شىلدەدە بالكوندا بۇلدىرمەي ساقتاعان...

بەلگىلى جۋرناليست ايگۇل احانبايقىزى, نۇرتىلەۋ يمانعاليۇلىنىڭ بولمىسى مەن ادامي تۇلعاسىن ؛ اشاتىن ءبىر ەمەس, ەكى بىردەي ماقالا جازعان. ؛

&ndash؛ اعامەن ەكەۋمىز ءبىر اۋىلدانبىز. ءىلياس جانسۇگىروۆتىڭ ولەڭدەرىن جاتتاپ وسكەن ءار بۋىننىڭ وكىلى بولساق تا, ەكەۋمىزدى ورتاقتاستىراتىن نارسە &ndash؛ جۋرناليست بولعانىمىز. ءبىر الماتىنىڭ اۋاسىن جۇتىپ جۇرسەك تە, ول تەلەجۋرناليست, مەن گازەت ءجۋرناليسى بولعاندىقتان, جولىمىز اسا توعىسا بەرمەدى. ءبىراق كەزدەسە قالساق, اعالىق اق پەيىلىن كورسەتىپ قالۋعا تىرىساتىن. مەن دە ول كىسىگە اعام دەپ ەركەلەيتىنمىن.

ول كىسى جايلى كوزى تىرىسىندە ەكى ماقالا جازدىم. 90 جىلداردىڭ سوڭىندا "جاس الاش" گازەتىندە "بەتپە-بەت" اۆتورلىق باعدارلاماسىنداعى اعانىڭ بەينەسىنە, تۇلعاسىنا ءسۇيسىنىپ, العاشقى ماقالام جارىق كوردى. وندا اعانىڭ باعدارلاماعا كەيىپكەردى شاقىرىپ, رينگتەگى بوكسشى سەكىلدى باس كوتەرتپەي, وزەكتى سۇراقتارىمەن "سوققىنىڭ استىنا الاتىن" قاسيەتى جايلى جازدىم. ال ەكىنشى ماقالام 2012 جىلى 60 جاسقا تولعان قۇرمەتىنە جاريالاندى, ؛&ndash؛ دەيدى احانبايقىزى.

ونىڭ ايتۋىنشا, نۇرتىلەۋ اعا بيلياردتى شەبەر ويناعان. سونداي-اق قولىنداعىسىن وزگەلەرگە ءبولىسىپ بەرەتىن ءمارت كىسى بولعان.

&ndash؛ مىنەزى مەن ءسوزى ۇيلەسىم تاپقان, تۋرا سويلەيتىن, ءبىتىمى بولەك ازامات ەدى. كوپتىڭ ىشىندە شوقتىعى بيىك بولىپ تۇراتىن. egemen ؛ qazaqstan گازەتىنىڭ 100 جىلدىعى اياسىندا قالامگەرلەر اراسىندا شەرحان مۇرتازا اتىنداعى بيليارد تۋرنيرىندە نۇرتىلەۋ اعانىڭ مىقتى ويىنشى ەكەنىنە جانە مارتتىگىنە كۋا بولدىم. اعانىڭ توڭىرەگى تۇگەل بىلەدى: ول جۋرناليستەر اراسىندا تاستاياقتىڭ شەبەرى ەدى. سول كەزدە ۇتىپ العان جۇلدەسىنىڭ جارتىسىن گازەتتە ىستەيتىن 4 قىزعا تەڭدەي ەتىپ ءبولىپ بەرە سالدى. سوندا اعامىزدىڭ جومارتتىعىنا ءبارىمىز ريزا بولعان ەدىك.

ءىلياس جانسۇگىروۆتىڭ 125 جىلدىعىندا بار كۇشىن سالدى. تويدىڭ تەك اۋدان كولەمىندە وتپەي, رەسپۋبليكالىق ماسشتابتا ءوتۋى ءۇشىن ءوزىنىڭ بار اتىن, ابىرويىن سالدى. عىلىمي-تەوريالىق كونفەرەنسيالار ۇيىمداستىردى, كوكپار شاۋىپ, بايگە تىكتىردى. اقىندار ءمۇشايراسىنىڭ جاقسى وتۋىنە مۇرىندىق بولدى, ؛&ndash؛ دەپ ەسكە الدى ول.

جۋرناليستىڭ ايتۋىنشا, نۇرتىلەۋ يمانعاليۇلى ءوز كاسىبىنىڭ قانداي شەبەرى بولسا, تۇرمىس-تىرشىلىكتە دە ءار ىسىنە اسا ۇقىپتىلىقپەن قاراعان.

&ndash؛ نۇرتىلەۋ اعامىز تۇرمىستا دا ەپتى ەدى. "تۇتاس سوعىمدى شىلىڭگىر شىلدەدە بالكوندا بۇلدىرمەي ساقتاعانمىن" دەگەنىنىڭ ءوزى &ndash؛ وسىنىڭ ايعاعى. اعامىز قازاقتىڭ سالت-جورالعىلارىنا, سونىڭ ىشىندە, سوعىمعا دا بەي-جاي قارامايتىن ەدى, ؛&ndash؛ دەپ ءسوزىن تۇيىندەدى ؛ايگۇل احانبايقىزى.