كورنەكى سۋرەت
نۇر-سۇلتان قالاسىنداعى ۇلتتىق اكادەميالىق كىتاپحانادا سەنات ءتوراعاسى ماۋلەن اشىمباەۆتىڭ قاتىسۋىمەن "ازاتتىق جولىنداعى اقتاڭداقتار: اشارشىلىق زارداپتارىنا شىنايى تاريحي كوزقاراس" تاقىرىبىنا ارنالعان دوڭگەلەك ۇستەل ءوتتى. ءىس-شارا بارىسىندا وتاندىق جانە شەتەلدىك عالىمدار قازاق دالاسىنداعى اشارشىلىقتىڭ زاردابى, سەبەبى مەن سالدارى تۋرالى پىكىر ءبىلدىرىپ, وسى باعىتتاعى ماسەلەلەردى تالقىلادى.
سەنات سپيكەرى ماۋلەن اشىمباەۆ اشارشىلىق تاقىرىبىن ساياسيلاندىرماي, وعان عىلىمي تۇرعىدان قاراۋدىڭ ماڭىزدى ەكەنىن ايتتى.
&ndash؛ الاپات اشارشىلىق &ndash؛ ەشكىمدى بەيجاي قالدىرمايتىن تاقىرىپ. سوندىقتان وسى ناۋبەتكە قاتىستى قوعامدا سانالۋان پىكىر قالىپتاسقانى بەلگىلى. دەگەنمەن, ءبىز, ءبىرىنشى كەزەكتە, عىلىمي كوزقاراسقا باسىمدىق بەرۋىمىز كەرەك. سەبەبى, حالقىمىزعا اشارشىلىقتىڭ اششى اقيقاتىن عالىمدارىمىز عانا اشىپ, دالەلدى تۇردە جەتكىزە الادى, ؛&ndash؛ دەدى ماۋلەن اشىمباەۆ.
ول ءۇشىن ءتيىستى ارحيۆ دەرەكتەرىنە قول جەتكىزۋ, ولاردى جۇيەلەۋ جانە مۇقيات زەردەلەۋ, وڭىرلەرمەن جانە ونداعى اشارشىلىق تاقىرىبىن زەرتتەپ جۇرگەن عالىمدارمەن تىعىز بايلانىس ورناتۋ, كورشىلەس ەلدەردىڭ ارحيۆ ماتەريالدارىمەن ءجىتى تانىسۋ, "عاسىر ناۋبەتى" كۋاگەرلەرىنىڭ ءتۇرلى ەستەلىكتەرىن جيناقتاۋ قاجەت ەكەنىنە نازار اۋداردى.
سەنات ءتوراعاسى ءوز سوزىندە 30-جىلدارداعى اشارشىلىق سول تۇستاعى كەڭەس وداعىنداعى ەلدەردى تۇتاس شارپىعانىن, سوندىقتان مۇنى بەلگىلى ءبىر ۇلتقا جاسالعان قىلمىس دەپ قاراستىرۋعا كەلمەيتىنىن جەتكىزدى.
&ndash؛ قازاقستانمەن قوسا, ۋكراينا, بەلارۋس, مولدوۆا, رەسەيدىڭ بىرنەشە ايماعى, ونىڭ ىشىندە ەدىل بويى, سولتۇستىك كاۆكاز حالقى اشتىققا ۇشىرادى. عالىمداردىڭ مالىمەتىنە سۇيەنسەك, 30-جىلدارداعى اشتىقتا كەڭەس وداعىندا جەتى ميلليوننان استام ادام كوز جۇمعان. وسى تۇرعىدان العاندا, اشتىقتى بەلگىلى ءبىر ۇلتقا قاراتا جاسالعان قىلمىس دەپ ايتۋعا كەلمەيتىن شىعار. بۇل &ndash؛ ەڭ الدىمەن, سول كەزدەگى بيلىك جۇيەسىنىڭ قاتە ساياساتىنىڭ اۋىر سالدارى, ؛&ndash؛ دەدى ماۋلەن اشىمباەۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر