"؛قويىن اتا"؛ قوعامدىق دەرت پە, الدە "؛استارلى اقيقات"؛ جابىلسىن با؟

كتك ارناسىنان بەرىلەتىن "استارلى اقيقات" باعدارلاماسى سوڭعى كەزدەرى كىلەڭ ؛ حالىق اراسىنداعى ازعىندىقتى "جارنامالاۋعا" كوشكەندەي. بەسىكتەن بەلى شىقپاي جاتىپ, بەسىك تەربەتكەن نازاكاتتىڭ جىرىن جەتى سەرياعا سوزعانى ازداي, ەندى كەلىپ كەلىنىمەن اۋەيى بولعان قايىن اتانى كورسەتىپ, قوعامدى ءدۇر سىلكىندىردى. بۇگىندە وسى توڭىرەكتە پىكىرلەر ەكىگە جارىلۋدا: ءبىرى ؛&ndash؛ "ۇلتتىق قۇندىلىقتارىمىزعا كىر كەلتىرەتىن بۇل باعدارلاما جابىلسىن", "ازعىن ارەكەت جايلى جارياعا جار سالاتىن اقپاراتتار تاراتىلماسىن" دەيدى. ال ەندى ءبىرى ؛&ndash؛ "باعدارلاما ەل ىشىندەگى بار ماسەلەنى كوتەرىپ وتىر" دەگەن پىكىردە. قامشى ءتىلشىسى وسى تاقىرىپ اياسىندا جۋرناليست پەن پسيحولوگ, الەۋمەتتانۋشى سەكىلدى مامانداردىڭ پىكىرىن سۇراپ كوردى.

جۋرناليست ارمان سقابىلۇلى ميلليونداعان جۇرتتىڭ ىشىندەگى بىرەۋىندە عانا كەزدەسەتىن مۇنداي سۇمدىق وقيعالاردى حالىققا جاريا ەتۋگە بولمايدى دەپ دابىل قاعۋدا. ؛

&ndash؛ مۇنداي جاعدايدى كوپشىلىكتىڭ الدىنا شىعارماۋ كەرەك. شىنىن ايتقاندا, ءبىر عانا وتباسىنىڭ باسىنداعى مۇنداي ارسىز قىلىقتى بۇكىل حالىقتىڭ باسىنا تۇسكەن نارسە سياقتى ەتىپ كورسەتۋگە بولمايدى. مىسالى, مۇحتار اۋەزوۆ حح عاسىردىڭ 50-60-جىلدارى قودار مەن قامقانىڭ باسىنداعى وقيعانى بىلمەدى ەمەس, ءبىلدى. بىرەۋلەر ونى "اۋەزوۆ سوسياليستىك رەاليزم كەزىندە قۇنانبايدى جامان ەتىپ كورسەتۋ ءۇشىن وسىنداي تاسىلگە باردى", ؛&ndash؛ دەيدى. مەنىڭشە, ول كىسى حالىققا مۇنداي جيىركەنىشتى ارەكەتتى كورسەتكىسى كەلگەن جوق.

مەن و باستان "قۇنانباي" ءفيلمى شىققان كەزدە قودار مەن قامقا وقيعاسىنىڭ كورسەتىلۋىنە قارسى بولدىم. مۇسىلمان ەمەس ەلدەردە وسىعان ۇقساس دۇنيەلەر اشىق ايتىلا بەرەتىن شىعار. ءبىراق سولاردىڭ ءوزى مۇنداي اقپاراتتارعا جول بەرمەيدى.

سونداي-اق م. شولوحوۆتىڭ "تىنىق دونىندا" داريا دەگەن كەلىن بار. كۇيەۋى گريگوريي ءى دۇنيەجۇزىلىك سوعىسقا كەتكەندە, سوعان ەرەگىسكەن ول "بىردەڭە بۇلدىرگىسى" كەلەدى. ءبىراق قايىن اتاسى باس تارتادى. بۇل &ndash؛ شولوحوۆتىڭ ەرلىگى. سول ارقىلى ول كازاك دەگەن حالىقتىڭ لاس ارەكەتكە بارمايتىنىن كورسەتكەن. اۋەزوۆ تە ول وقيعانى بايانداعىسى كەلگەن جوق. ەندەشە, نەگە بىزدىكىلەر بۇگىندە سونى كورسەتىپ جاتىر؟ ميىم جەتپەيدى, ؛&ndash؛ دەيدى ول. ؛

جۋرناليست بۇل ماسەلەگە ؛اقپارات جانە قوعامدىق دامۋ ءمينيسترى ايدا بالاەۆادان باستاپ كىرىسۋى كەرەك ەكەنىن ايتتى.

&ndash؛ بۇل باعدارلامانى اقتاپ جاتقاندار "باعدارلاما ۇناماسا, نەگە كورەسىزدەر؟ ەشكىم كورمەسە, باعدارلاما ءوزى-اق جابىلادى" دەيدى. مۇنىمەن كەلىسپەيمىن. بولمايدى! اقپارات جانە قوعامدىق دامۋ ءمينيسترى ايدا بالاەۆادان باستاپ بۇل ماسەلەگە كىرىسۋى كەرەك. جوعارى جاقتا حالىقتىڭ جانىن, ءتانىن, جۇرەگىن تۇسىنەتىن ادامدار وتىرۋى كەرەك.

وزىم مينيسترلىككە كىرىپ شىقتىم. ءبىراق مەنىڭ ايتقاندارىمدى تۇسىنەتىن ءبىر ادام كورگەن جوقپىن. بالاەۆانىڭ وزىمەن كەزدەسكەنىم بار. بۇل ماسەلەنى مينيستر ءتۇسىنۋى مۇمكىن دەپ ويلايمىن. ءبىراق ءالى دە كۇمانىم بار. سەبەبى "قالاۋلىمعا" بايلانىستى حات جازىپ كوردىك. ءبىراق كورىپ وتىرعاندارىڭىزداي, ءقازىر ول اتاۋىن وزگەرتىپ قايتا دۇرىلدەتىپ جاتىر. بۇل جەردە ءبىر عانا نارسە بار, ول &ndash؛ قالاي بولعان كۇندە دە حالىقتىڭ ءتىلىن, ءدىنىن, ءدىلىن قۇرتۋ عانا.

ازعىن ارەكەتتەر "قۇنانباي" فيلمىندە, ودان كەيىن "اباي" سەريالىندا دا بولدى. مۇنداي سوراقىلىق قازاق ەمەس, باسقا ۇلتتىڭ وتباسىندا بولسا دا "استارلى اقيقاتقا" شىعاردى. ءبارىمىز وسى نارسەگە كىرىسىپ كەتەيىك وندا! قايىن اتالار كەلىنىنە شاپسىن, "قويىن اتاعا" اينالسىن! وسى نارسەلەرگە الىپ كەلە جاتقان &ndash؛ ؛ ساسىق يدەولوگيا. ەندەشە, نەگە مەن ونى قولداۋىم كەرەك؟! ؛&ndash؛ دەيدى ارمان سقابىلۇلى.

جۋرناليست ريشات اسقاربەكۇلى باعدارلاما ازعىندىقتى ناسيحاتتاپ ءجۇر, سوندىقتان "استارلى اقيقات" باعدارلاماسى جابىلسىن دەپ ءبىر-اق كەسىپ ايتتى. ؛

&ndash؛ بۇل باعدارلاما ازعىندىقتى تەك كورسەتىپ قويماي, شىن مانىندە, ونى ناسيحاتتاپ وتىر. كەيبىرەۋلەر "مۇنداي ماسەلەنى قوعامعا كورسەتپەسە, شەشىلمەيدى. جەرگىلىكتى اكىمدىكتىڭ يدەولوگياسى اقساپ تۇرعانىنان, حالىقپەن جۇمىس ىستەلمەي جاتقانىنىڭ كەسىرىنەن وسىنداي ماسەلەلەر جاسىرىن بولىپ قالدى. مۇنى جۋرناليستەر قوعامعا شىعارعاننان كەيىن بارىپ, اكىمدىكتەرگە جەتىپ جاتىر" دەيدى. ول دا دۇرىس شىعار. ءبىراق مەنىڭ سۋبەكتيۆتى پىكىرىم: باعدارلامانى ماسەلەنىڭ شەشىمىن ىزدەۋ ءۇشىن جاسايدى دەگەنگە سەنبەيمىن. سەبەبى ءقازىر, جاسىراتىنى جوق, رەسۋرستار وقىرمانىن كوبەيتۋ ءۇشىن جۇمىس ىستەيدى. كەيبىرەۋلەر جەكە يۋتۋب كانال اشىپ, ءتىپتى ينتيمدىك تۇرعىداعى اڭگىمەلەردى دە ايتىپ ءجۇر. حالىققا وسى جاعى ءوتىمدى دەپ ويلايتىندار كوپ. بۇگىنگى مەديانىڭ كەلبەتى, باعىتى سونداي بولعاننان كەيىن, ايىپتاۋعا دا بولماس. دەسە دە, ءبىزدىڭ ۇلتتىق نامىسىمىز, وزىمىزگە ءتان ەرەكشەلىكتەرىمىز بار. سوندىقتان وسىنداي ماسەلەنى قوعامعا شىعارىپ كورسەتۋدى جيىركەنىشتى دەپ قابىلدايمىن, ؛&ndash؛ دەيدى ول.

ريشات اسقاربەكۇلى دا ارمان سقابىلۇلى سەكىلدى ءبىر عانا وتباسىنىڭ دەڭگەيى "بەلدەن تومەن" ءتۇسىپ كەتكەنىن بۇكىل حالىققا ءتان سەكىلدى كورسەتۋدىڭ قاجەتى جوق دەگەن پىكىردە.

&ndash؛ باعدارلامانى نەگىزى كورمەيتىن ەدىم. الەۋمەتتىك جەلىدە تالقىلانىپ جاتقان سوڭ, ارنايى اشىپ قارادىم. شىن مانىندە, وتە جيىركەنىشتى, ءتىپتى جۇرەگىم اينىعانىن جاسىرا المايمىن. باعدارلامانى جاساپ وتىرعان جۇرگىزۋشى, رەداكتورلار سول جاعىن قاپەردەن شىعارىپ العانى وتە وكىنىشتى. قازاقتىڭ وتباسى قۇندىلىعىن قاي جەردە دە ماقتانىپ ايتىپ جۇرەمىز عوي. باسقالاردان سول جاعىنان ەرەكشەلەنەمىز. 300 جىلدان بەرى بىرگە تۇرىپ كەلە جاتقان ۇلتتار مەن كورشى ەلدەن كەلگەن وزگە ۇلتتىڭ وكىلدەرىنە قاراعاندا, ءبىز, قازاق ءالى دە بولسا, قان تازالىعى مەن تەكتىلىك سىندى قۇندىلىقتار جونىنەن وزگەلەردەن وق بويى وزىق تۇرعانىمىز انىق.

ال باعدارلاماداعى باسقا ۇلتتىڭ ادامدارى ەكەنى كورىنىپ تۇر. ءبىزدىڭ دە ارامىزدا مۇنداي وقيعالار بار شىعار. ءبىراق سونى اشكەرەلەپ, جەككورىنىشتى ەتىپ, باسقالارعا كۇلكى قىلىپ كورسەتىپ وتىرعانىنا قاتتى ۋايىمدادىم, &ndash؛ دەيدى ريشات اسقاربەكۇلى.

پسيحولوگ كۇلماش ەلشىباەۆا باعدارلامادا كوتەرىلگەن ماسەلەلەر قوعامدا بار ەكەنىن ايتتى. ؛

&ndash؛ باعدارلامادا كوتەرىلگەن تاقىرىپ &ndash؛ قوعامدا قوردالانعان پروبلەما. "استارلى اقيقاتتى" ول ءۇشىن ايىپتاماۋ كەرەك, سەبەبى ول تەك اينانىڭ ءرولىن ويناپ وتىر. ياعني, ەل ىشىندەگى ەڭ ءبىر وزەكتى ماسەلەلەردى كوتەرۋ ارقىلى حالىققا وي سالاتىن سەكىلدى. ايتسە دە تاياقتىڭ ەكى ۇشى بارىن ەسكەرسەك, بۇل ءبىر جاعىنان مۇنداي ازعىندىققا جارناما سەكىلدى كورىنۋى دە مۇمكىن. حالىق كورىپ, "وي, سۇمدىق-اي!" دەپ جاتىر. بۇرىن سۋيسيد تە, مۇنداي سۇمدىقتار دا بولدى, ءبىراق اشىق ايتىلمايتىن, ؛&ndash؛ دەيدى ول.

پسيحولوگ ماسەلەنىڭ ءتۇپ توركىنىن وتباسىندا ءار ادام ءوزىنىڭ الەۋمەتتىك ءرولىن دۇرىس اتقارماي وتىرعانىنان كورەدى. ؛

&ndash؛ "قۇناجىن كوزىن سۇزبەسە, بۇقا ءجىبىن ۇزبەيدى" دەگەن ماتەل بار. ازعىندىق &ndash؛ كەلىننىڭ وتباسىنداعى تاربيەنىڭ دۇرىس ەمەستىگىنەن بولىپ تۇر. تەك بۇل وتباسى عانا ەمەس, بۇگىندە كوپشىلىك اكەنى سىيلاۋدان, پىكىرىن تىڭداۋدان قالدىق. ءوزىم دە انامىن, ؛الايدا مەن تاپ مىنا وقيعادا انالاردى دا كىنالار ەدىم. سەبەبى "انا ءبىر قولىمەن الەمدى تەربەتسە, ەكىنشى قولىمەن بەسىكتى تەربەتەدى" دەيدى. تۇسىنە بىلگەن ادامعا وسى سوزدە قانشا ماعىنا جاتىر. مەن ءوز باسىم باعدارلاماعا شىققان ايەلدەن پسيحولوگيالىق تۇراقتىلىقتى بايقاعان جوقپىن. وتباسىندا اركىم ءوزىنىڭ الەۋمەتتىك ءرولىن اتقارۋى كەرەك دەگەنىم سول: مىنا جەردە انا دۇرىس بولماي تۇر. وتاعاسى دا سوعان ەرەگىسىپ, سونىڭ كەسىرى, مىنە, نەگە ۇلاسىپ وتىر, ؛&ndash؛ دەيدى ول.

الەۋمەتتانۋشى ؛سالتانات ؛ورازبەكوۆا مۇنداي ازعىندىق ارەكەتتەرگە تۇرمىستىڭ تارشىلىعىن سىلتاۋ ەتۋگە بولمايتىنىن ايتتى.

&ndash؛ ءبىزدىڭ قوعامدا وتباسى ينستيتۋتى بەلگىلى ءبىر فۋنكسيالارىن جوعالتىپ العان سەكىلدى. ءداستۇرلى تاربيەمىزدەن الىستاپ بارا جاتقاندايمىز. بار ماسەلە وسىندا, تۇرمىستىق جاعدايدىڭ تومەندىگىندە تۇرعان ەشتەڭە دە جوق. ؛ سوندىقتان وسى نارسەنى العا ؛ تارتىپ, ادامداردىڭ ازعىندىق ارەكەتىن اقتاپ الۋدىڭ كەرەگى جوق. مۇنداي وقيعالار الدىمەن پسيحولوگياعا, سودان سوڭ جان-جاقتان الىنعان اقپاراتتارعا بايلانىستى دەپ ويلايمىن, ؛&ndash؛ دەيدى ول.

وسىنداي ەكىگە جارىلعان قوعام پىكىرىن تىڭداپ العان سوڭ, قامشى ءتىلشىسى سىڭارجاق پىكىر بولىپ قالماس ءۇشىن "استارلى اقيقات" باعدارلاماسىنىڭ پروديۋسەرى ساندۋعاش ەسەنبەكوۆاعا قوڭىراۋ شالىپ, كەيىپكەردىڭ قالاي تابىلعانىن سۇراۋدى ءجون كوردى. سەبەبى ەل ىشىندە "كەيىپكەرلەرگە ستۋدياعا شىققانى ءۇشىن اقشا تولەگەن شىعار, ايتپەسە قالاي ءوز ابىرويلارىن توگىپ, وسىندايدى اشىپ ايتادى دەيسىڭ؟" دەگەن پىكىر ەستىلىپ قالىپ جاتتى. ؛

&ndash؛ رەداكسياعا ءتۇرلى ادامدار پروبلەماسىن ايتىپ حابارلاسادى. ءبىز ولارعا ويلانۋعا ۋاقىت بەرەمىز. ءدال وسى وتباسى ماسەلەلەرىن ايتىپ حابارلاسقان سوڭ, ءبىز بىردەن ەلپ ەتىپ, ەفيرگە شىعارا سالماي, ولارعا ويلانۋعا 2 جارىم اي ۋاقىت بەردىك. وزدەرى قويماي حابارلاسىپ, ماسەلەسىن ورتاق تالقىعا سالىپ, شەشىپ بەرۋىمىزدى ؛ سۇرادى. ءبىز سوسىن عانا استارىن اقتارىپ, اقيقاتقا جەتتىك, &ndash؛ دەدى پروديۋسەر قىسقا عانا. ؛