16 قازان, 2020 فوتو-ارحيۆ
فوتو: مىڭجىلقى بەردىقوجاەۆتىڭ جەكە مۇراعاتىنان الىندى
نەيروحيرۋرگ دارىگەر مىڭجىلقى بەردىقوجاەۆ جازدا كوروناۆيرۋس ينفەكسياسىنىڭ جەڭىل تۇرىمەن اۋىرعان ناۋقاستار جەلتوقساندا قايتادان سىرقاتتانۋى مۇمكىن ەكەنىن ايتتى.
&ndash؛ شەنەۋنىكتەر ەسەپ بەرۋى بارىسىندا كوروناۆيرۋستىڭ ەكىنشى تولقىنىنا دايىن ەكەنىن ايتۋدا. ءبىراق ەكىنشى تولقىنعا ءجۇز پايىز دايىن بولۋ مۇمكىن ەمەس. جاز, كوكتەم ايلارىنداعى جاعدايعا قاراعاندا ءقازىر الدەقايدا دايىنىراقپىز. ەگەر ەلدە ادامدار تاعى دا جاپپاي ۆيرۋس جۇقتىرىپ, اۋىراتىن بولسا, قايتادان حالىق وتتەگى ىزدەپ كەتەتىندەي جاعداي تۋىنداۋى مۇمكىن. سوندىقتان ۇكىمەتتىڭ دايىنبىز دەۋى ؛&ndash؛ ادامدارعا "جالعان" سەنىم, ءۇمىت بەرۋ. وسىدان اباي بولعانىمىز دۇرىس, &ndash؛ دەيدى دارىگەر. ؛
ول قازىرگى ۋاقىتتا قاجەتتى شارالار قابىلدانىپ, كارانتين تالاپتارىنىڭ كۇشەيتىلىپ جاتقانىن اتاپ ءوتتى.
&ndash؛ ءقازىر ەلدە توتەنشە جاعداي رەجيمىن ەنگىزۋ ەرتەرەك. ءبىراق لوكداۋىنداعىداي ءسال جەڭىلىرەك, كارانتين رەجيمىن ەنگىزگەن دۇرىس. ونىڭ بارلىعى ءقازىر ەنگىزىلىپ جاتىر. ءبىراق لوكداۋننىڭ كەرى اسەرى ادامدار قاراجات جاعىنان قامتىلماي, قينالىپ قالۋىندا. فرانسيانىڭ تاجىريبەسىن الىپ قارايتىن بولساق, قيىن جاعدايدان كارانتينسىز شىعا المايتىن سياقتىمىز. سوندىقتان وسى ەلدىڭ تاجىريبەسىن ەسكەرە وتىرىپ, كارانتين شارالارىن ەنگىزگەن دۇرىس, &ndash؛ دەدى ول.
ونىڭ سوزىنشە, ۆيرۋس جۇقتىرىپ, اۋىرىپ شىققان ادامداردىڭ قايتادان اۋىرۋ ءقاۋپى بار.
&ndash؛ كوكتەمدە, جازدا اۋىرىپ شىققان ادامداردىڭ ىشىندە جەڭىل تۇرىمەن اۋىرعاندار كۇزدەگى تولقىندا قايتادان اۋىرۋى مۇمكىن. ءبىراق مۇنىڭ قانشىلىقتى ىقتيمال ەكەنىن ناقتى ەشكىم ايتا المايدى. ونى ۋاقىتى كەلگەندە بىلەمىز. قازىرگى مينيسترلىكتىڭ مالىمدەپ وتىرعان ستاتيستيكاسىن ايتۋ قيىن. ۇكىمەت كارانتيندى كۇشەيتكەنىنە قاراعاندا ەكىنشى تولقىن باستالىپ كەلە جاتىر. سونىمەن قاتار, ولار كۆي- دەرەكتەرىن كەشىكتىرىپ بەرۋى دە مۇمكىن. سىنامالاردىڭ كەشىكتىرىلىپ بەرىلۋى رەسمي ستاتيستيكاعا اسەر ەتەدى. ءبىراق ناۋقاستار سانىنىڭ كوبەيىپ كەلە جاتقانى قازىردەن-اق كورىنىپ تۇر, &ndash؛ دەپ ءسوزىن تۇيىندەدى مىڭجىلقى بەردىقوجاەۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر