08 قازان, 2020 ساياسات
فوتو: qamshy.kz
قازاقستان پرەزيدەنتى قاسىم-جومارت توقاەۆ پەن وزبەكستان پرەزيدەنتى شاۆكات ميرزيёەۆپەن تەلەفون ارقىلى سويلەستى. بۇل تۋرالى akorda.kz حابارلادى. ؛
قازاقستان مەن وزبەكستان پرەزيدەنتتەرى ؛كوپعاسىرلىق اجىراماس دوستىق پەن تاتۋ كورشىلىككە, ءوزارا سەنىم مەن ستراتەگيالىق سەرىكتەستىك قاعيداتىنا نەگىزدەلگەن ەكىجاقتى قاتىناستاردىڭ قازىرگى احۋالى مەن ونى ءارى قاراي دامىتۋدىڭ پەرسپەكتيۆالارىن تالقىلادى.
قاسىم-جومارت توقاەۆ پەن شاۆكات ميرزيёەۆ ءوزارا ىقپالداستىقتىڭ جوعارى دەڭگەيىن جانە كوروناۆيرۋس ىندەتىنىڭ سالدارىن تەزىرەك ەڭسەرۋ ماقساتىندا ەكى ەل ۇكىمەتتەرىنىڭ اراسىنداعى تاجىريبە الماسۋدى ەرەكشە اتاپ ءوتتى.
اڭگىمەلەسۋ بارىسىندا تاۋار اينالىمىن ارتتىرۋعا, بيزنەس پەن ايماقتىق دەڭگەيدەگى ءىس-قيمىلداردى كەڭەيتۋگە, سونداي-اق, مادەني-گۋمانيتارلىق بايلانىستاردى نىعايتۋعا باعىتتالعان بىرلەسكەن جوبالاردى ىلگەرىلەتۋگە باسا ءمان بەرىلدى.
توقاەۆ پەن ميرزيёەۆ وڭىردەگى جاعدايعا بايلانىستى پىكىر الماستى. سونداي-اق, قىرعىزستانداعى احۋال ەلدىڭ كونستيتۋسياسى مەن زاڭنامالىق نورمالارىنا سايكەس تەزىرەك تۇراقتاناتىنىنا سەنىم ءبىلدىردى.
قاسىم-جومارت توقاەۆ قازاقستاننىڭ باۋىرلاس قىرعىز ەلىمەن وداقتاستىق بايلانىستاردى جانە ستراتەگيالىق سەرىكتەستىكتى نىعايتۋعا ەرەكشە ءمان بەرىپ وتىرعانىن ايتتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر