اقان ساتاەۆ: ء"؛قازاقفيلمدى"؛ ورتەگەن قىلمىسكەرلەردى تابامىز

"قازاقفيلم" اق باسشىسى, كينورەجيسسەر, پروديۋسەر اقان ساتاەۆ 14 تامىز كۇنى كينوستۋديا عيماراتىندا شىققان ورتكە قاتىستى پىكىر ءبىلدىردى. ؛

"قازاقفيلمدى" بىرەۋدىڭ ورتەگەندىگى انىق. باقىتىمىزعا وراي, زارداپ شەككەندەر جوق. بىزگە قاتتى زيانى كەلمەدى. سوندىقتان ءبىز ءوز جۇمىسىمىزدى جالعاستىرامىز. مەن بۇل قىلمىسكەرلەردى تابامىز دەپ سەنەمىن" دەدى ديرەكتور ءوزىنىڭ ينستاگرامداعى پاراقشاسىندا.

رەجيسسەر ؛"قازاق حاندىعى" سەريالىن ءتۇسىرۋ كەزىندە جاسالعان كولەمدى دەكوراسيانىڭ ؛ ورتەنىپ كەتكەنىن مالىمدەدى. ؛دەكوراسيادان 200 مەتر قاشىقتىقتا ورتەنگەن ەكىنشى نىسان - اعاش قويماسى.

ا.ساتاەۆ ءورت سوندىرۋشىلەرگە جانە قالا باسشىلىعىنا توتەنشە جاعدايدى تەز جانە ءتيىمدى شەشكەندەرى ءۇشىن العىس ايتتى.

الماتى قالاسىنىڭ توتەنشە جاعدايلار دەپارتامەنتىنىڭ مالىمەتىنە سايكەس, 21.33-تە باستالعان ءورتتىڭ ءبىرىنشى وشاعى 23 ساعات 10 مينۋتتا, ال ەكىنشىسى 23 ساعات 26 مينۋتتا جويىلعان. ءورتتى سوندىرۋگە تج دەپارتامەنتىنەن 53 قىزمەتكەر مەن 16 بىرلىك تەحنيكا, پوليسيا دەپارتامەنتىنەن 30 قىزمەتكەر مەن 10 بىرلىك تەحنيكا, جەدەل مەديسينالىق كومەك مەكەمەسىنەن 6 قىزمەتكەر, 2 بىرلىك تەحنيكا جانە الماتى قالاسى اكىمى اپپاراتىنىڭ قۇتقارۋ قىزمەتىنەن 4 جۇمىسكەر مەن 4 بىرلىك تەحنيكا جۇمىلدىرىلدى.