• usd 468.56

  • eur 497.56

  • rub 7.3

  • cny 67.18

29 ناۋرىز, 17:31:46
الماتى
+35°

اقتوبە وبلىسىنىڭ اكىمى وڭداسىن ورازالين ىرعىز, ايتەكە بي, بايعانين جانە شالقار اۋداندارىنىڭ اكىمدەرىن قابىلدادى. ولار اۋداندارىنىڭ وسى جىلدىڭ التى ايى ىشىندە الەۋمەتتىك-ەكونوميكالىق دامۋىنىڭ قورىتىندىسى تۋرالى بايانداپ, ەكىنشى جارتىجىلدىڭ نەگىزگى دامۋ باسىمدىقتارىن انىقتادى. اۋداندارداعى سانيتارلىق-ەپيدەميولوگيالىق جاعداي دا ءوڭىر باسشىسىنىڭ قاتاڭ باقىلاۋىندا.

اۋدان باسشىلارى جاعدايدىڭ تۇراقتى ەكەنىن, قاجەتتى دارى-دارمەكپەن جانە كەرەۋەت ورىندارىمەن قامتىلىپ جاتقاندىعىن ايتتى.


"سىزدەر ءتۇرعىنداردى تولعاندىراتىن ماسەلەنى جاقسى بىلۋلەرىڭىز قاجەت جانە سوعان جەدەل ارەكەت ەتۋلەرىڭىز ءتيىس. بىزدە پرەزيدەنتتىڭ اگرارلىق سەكتوردى دامىتۋ بويىنشا تاپسىرماسىن ورىنداۋعا بارلىق مۇمكىندىك بار. نيەتى بار, ەڭ باستىسى جۇمىس ىستەگىسى كەلەتىن شارۋالاردى بارىنشا قولداۋ كەرەك. سىزدەر الەۋمەتتىك نىسانداردى, اۆتوكولىك جولدارىن جوندەۋ جۇمىستارىنىڭ بارلىعىن ساپالى ءارى ۋاقىتىندا اياقتاۋلارىڭىز قاجەت",- دەدى ءوڭىر باسشىسى.
وڭىر باسشىسى ايتەكە بي اۋدانى اكىمى دارحان ەرماعامبەتوۆتىڭ نازارىن قارابۇتاق اۋىلىنا اۋداردى.


"بۇل بۇرىنعى اۋدان ورتالىعى. ەلدى مەكەننىڭ الەۋەتى جوعارى. ونىڭ اۋماعىمەن "باتىس ەۋروپا-باتىس قىتاي" حالىقارالىق اۆتوكولىك ءدالىزى وتەدى. بارلىق مۇمكىندىكتى پايدالانۋ كەرەك", - دەدى وبلىس اكىمى. كەزدەسۋ سوڭىندا اۋدانداردى الەۋمەتتىك-ەكونوميكالىق جاعىنان ءارى قاراي دامىتۋعا باعىتتالعان ءبىرقاتار تاپسىرمالار بەرىلدى, الداعى ۋاقىتتا باستى نازاردى اۋىل شارۋاشىلىعىن دامىتاتىن مەملەكەتتىك باعدارلامالاردىڭ, "بيزنەستىڭ جول كارتاسىنىڭ", ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ جۇزەگە اسىرىلۋىن قاداعالاپ وتىرۋ تاپسىرىلدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر