اقتوبەدە ناۋقاستاردى قابىلداۋعا قوسىمشا 600 ورىن اشىلدى

اقتوبە وبلىسىنىڭ اكىمى وڭداسىن ورازالين مارات وسپانوۆ اتىنداعى باتىس قازاقستان مەملەكەتتىك مەديسينالىق ۋنيۆەرسيتەتىندە بولدى. اتالعان وقۋ وردادا ستۋدەنتتەر جاتاقحاناسىنىڭ 600 ورىنى پنەۆمونياعا شالدىققاندارعا ارنالعان. ناۋقاستارعا قالاداعى ءۇش بىردەي پوليكلينيكانىڭ قىزمەتكەرلەرى كومەك كورسەتەتىن بولادى.

سونىمەن قاتار, وقۋ عيماراتىنىڭ جانىنداعى اققاعاز دوسجانوۆا اتىنداعى ءماجىلىس زالى تۇرعىنداردىڭ ساۋالدارىنا جاۋاپ بەرەتىن سall &ndash؛ ورتالىققا اينالادى. اتالعان call ورتالىق بۇعان دەيىن حالىققا قىزمەت كورسەتىپ كەلگەن 906-606 ءنومىرلى call ورتالىققا قوسىمشا بولماق. تاجىريبەلى ماماندار مەن پروفەسسورلىق دارەجەدەگى 10 دارىگەر تۇرعىنداردان ءجيى تۇسەتىن سۇراقتارعا جاۋاپ بەرەدى.

سونداي-اق, دارىگەرلەرمەن ۆيدەوبايلانىسقا شىعىپ اقپارات الۋىنا مۇمكىندىك تۋىپ, تاۋلىك بويى قىزمەت كورسەتەدى دەگەن جوسپار بار.

«؛دارۋ»؛ كلينيكاسى»؛ مەديسينالىق وڭالتۋ ورتالىعىندا اشىلعان 150 ورىن قازىرگى تاڭدا 174-كە كوبەيتىلگەن. مۇندا دا پنەۆمونياعا شالدىققاندار ەم الىپ جاتىر. ءوڭىر باسشىسى مەديسينالىق مەكەمە باسشىلارىنا قىزمەت ءتۇرىنىڭ ساپالى جۇرگىزىلۋىن, كەز-كەلگەن شۇعىل شارالارعا ءازىر بولۋ قاجەتتىگىن تاپسىردى.

«؛ازاماتتاردىڭ ءومىرى مەن دەنساۋلىعى باستى نازاردا. اتقارۋشى ورگان رەتىندە ازاماتتاردىڭ ءومىرىن ساقتاپ قالۋ, ولاردىڭ ايىعىپ كەتۋى ءۇشىن جان-جاقتى شارالاردى قولعا الىپ وتىرمىز. سونداي-اق, ۆيرۋستىڭ تارالۋىن بولدىرماۋ شارالارى قاتاڭ باقىلاۋدا»؛ دەدى وڭداسىن ورازالين.

قازىرگى تاڭدا وبلىستا 2583 ورىن بولسا, ونىڭ ىشىندە پروۆيزورلىق 2194 قۇرايدى. 337 ينفەكسيالىق ورىن بار. ء725-ى كۇندىزگى ستاسيونارلىق ورىندارعا ارنالعان. 12 شىلدەدەن باستاپ كلينيكالىق بالالار اۋرۋحاناسىنان قوسىمشا پروۆيزورلىق 100 ورىن ىسكە قوسىلادى.