ماڭعىستاۋدا بىرنەشە سۋ تۇشىتۋ زاۋىتى اشىلادى

شولەيتتى ايماقتا ورنالاسقان ماڭعىستاۋدىڭ كەيبىر اۋداندارىندا ءوڭىر تۇرعىندارىن كوكتەم جانە جاز مەزگىلىندە اۋىز سۋمەن قامتۋ وزەكتى ماسەلەلەردىڭ ءبىرى. اسىرەسە, سۋارۋ ماۋسىمىندا سۇرانىستىڭ كوپتىگىنە بايلانىستى زاۋىتتاردا اۋىز سۋدى ءوندىرۋ كولەمى جەتكىلىكسىز. سوندىقتان كەيبىر ەلدى مەكەندەردى 100 پايىز سۋمەن قامتۋ مۇمكىن بولماي تۇر. تىرشىلىك ءنارىن بارىنە تەڭ ۇيلەستىرۋ ءۇشىن تۇرعىندار تىعىز ورنالاسقان قالا, اۋدانداردا اۋىز سۋ كەستە بويىنشا بەرىلەدى. ماسەلەن, اقتاۋ قالاسىن سۋمەن قامتىپ وتىرعان ماەك تاۋلىگىنە 50 مىڭ, ال «؛كاسپيي»؛ سۋ تۇشىتۋ زاۋىتى 20 مىڭ تەكشە مەتر سۋ شىعارادى. قازىرگى ۋاقىتتا بيۋدجەتتەن قوسىمشا قاراجات ءبولىنىپ, «؛كاسپيي»؛ سۋ تۇشىتۋ زاۋىتىنىڭ قۋاتىن 23000 م3 دەيىن ارتتىرۋ جۇمىستارى باستالدى. سۋى تاپشى وڭىردە اۋىز سۋدى تابۋ جانە ونى ءتيىمدى پايدالانۋ &ndash؛ باستى ماقسات. وبلىس اكىمى سەرىكباي ترۇموۆ سۋدىڭ كولەمىن كوبەيتۋ باعىتىندا جۇرگىزىلىپ جاتقان جاڭا جوبالاردى اتاپ ءوتتى.

ايماق باسشىسىنىڭ ايتۋىنشا, ۇكىمەت باسشىسىنىڭ تاپسىرماسىنا سايكەس «؛كاسپيي»؛ سۋ تۇشىتۋ زاۋىتى جانىنان 20 مىڭ تەكشە مەتر سۋ قوندىرعىسىن ورناتىپ, زاۋىتتىڭ قۋاتتىلىعىن ۇلعايتۋ جونىندە جوبا جاساقتالۋدا. قۇرىلىس جۇمىستارى اياقتالسا, كەلەر جىلدىڭ اياعىندا مۇنايلى اۋدانى تولىقتاي سۋمەن قامتىلاتىن بولادى. ال, كەندىرلى كۋرورتتىق ايماعىندا قۋاتى تاۋلىگىنە 50 000 م3 سۋ تۇشىتۋ زاۋىتى قۇرىلىسىن سالۋ جوباسى ىسكە اسىرىلماق. قازىرگى تاڭدا قاجەتتى قۇجاتتارى جاساقتالىپ, مەملەكەتتىك ساراپتامانىڭ قاراۋىنا ۇسىنىلدى. ناتيجەسىندە, جاڭاوزەن قالاسىنىڭ تۇرعىندارى تولىقتاي اۋىز سۋمەن قامتىلادى. بۇل جۇمىستاردى «؛قازمۇنايگاز»؛ اق جۇزەگە اسىرادى دەپ كۇتىلۋدە. «؛سونىمەن قاتار «؛قاراجانباس»؛ كەن ورنىندا سۋ تۇشىتۋ زاۋىتىنىڭ قۇرىلىسى بويىنشا جۇمىستار جۇرگىزىلۋدە. ءبىر جارىم جىلدا جاڭا زاۋىتتىڭ قۇرىلىسى اياقتالسا, اتالعان كەن ورىننىڭ سۋمەن قامتىلۋ ماسەلەسىنىڭ شەشىلۋىنە سەپ بولماق. سونداي-اق قيعاش-ماڭعىستاۋ ارقىلى پايدالانىپ وتىرعان كەن ورىننىڭ 17000 م3 سۋىن, ءوڭىر تۇرعىندارىنا جىبەرۋ مۇمكىندىگى پايدا بولادى.

جالپى وبلىس كولەمىندە سۋدىڭ كولەمىن ارتتىرۋ باعىتىنداعى جۇمىستار كەزەڭ-كەزەڭىمەن جاسالىپ جاتىر. وسى جوبالار جۇزەگە اسسا, وبلىستا اۋىز سۋ تاپشىلىعى تولىق جويىلادى»؛, دەدى ءوڭىر باسشىسى سەرىكباي وتەلگەنۇلى.