بۇل بيلىكتىڭ حالىقتى جازعىرۋدان باسقا اي̆نالىساتىن ءىسى جوق پا ءوزى؟

سانيتارلىق نورمالاردى دۇرىس ساقتاماي̆ جاتقان كىم؟
-حالىق!
-ۆيرۋس بار دەگەنگە سەنبەي̆ سەندەلىپ جۇرگەن كىم؟
-حالىق!
-ىندەتتىڭ جاپپاي̆ تارالىپ جاتقانىنا كىم كىنالى؟
-تاعى دا حالىق! حالىق, حالىق...
بۇل ەلدىڭ تۇبىندە بارىنە كىنالى بوپ شىعاتىن حالىق دەگەن ءبىر "قوجاسى" بار, اي̆تەۋىر. ال وزدەرى شەتتەرىنەن "اقىلدى", "تاپ-تازا"...

تالاپتى ورىنداماساڭدار كارانتيندى كۇشەي̆تەمىز دەپ ۇركىتىپ, قورقىتاتىندارى دا - حالىق. قىسقاسى الىسقاندارى - حالىق, كۇرەسكەندەرى - حالىق. بۇل بيلىكتىڭ حالىقتى جازعىرۋدان باسقا اي̆نالىساتىن ءىسى جوق پا ءوزى؟ جۋاس حالىقتى جۇندەي̆ بەرگەننەن نە ۇتامىز دەي̆دى سوندا؟ قورقىتىپ تاربيەلەگەن جاسقانشاق ۇرپاقتان ەرتەڭ قانداي̆ قاي̆سار ۇل مەن قىز شىعادى؟..

ەگەر بيلىك حالىقتىڭ سەنىمىنەن اي̆ىرىلماسا جاعداي̆ وسىلاي̆ ۋشىعاتىن با ەدى؟ حالقىنىڭ سەنىمىن العان ەلدەردىڭ ىندەت جاعداي̆ىن باقىلاپ كوردىڭىز بە؟ الىسقا بارماي̆-اق, كورشى وزبەكتەردى قاراڭىزشى. 37 ملن حالقىنىڭ ىشىندە ۆيرۋس جۇقتىرعاندارىنىڭ سانى 5 مىڭعا جەتپەي̆دى... مۇنداعى ماسەلە اقپاراتتىڭ ازدىعىندا, اي̆تقانعا ۇقپاعاندىقتا نەمەسە بازبىرەۋلەر وي̆لاعانداي̆ قازاقتاردىڭ ساناسىزدىعىندا ەمەس. حالىق بيلىككە سەنبەي̆دى. بار كىلتيپان وسىندا. اي̆تپەسە, وزبەكتىڭ مەديسيناسى كۇشتى عوي̆ دەي̆سىز بە؟ الدە ۆيرۋستىڭ قاۋىپتىلىگىن باسقالاردان ارتىق ۇعىپ كەتىپ پە؟ ونداي̆ ەلدەردە بيلىككە سەنىم ارتقان حالقى بار. اي̆ىرمامىز وسى-اق...

قازىرگى حالىقتىڭ كۇي̆ى پەرزەنت جولىندا جانىن پيدا ەتكەن انا وبرازىن ەلەستەتەدى. ونداي̆ انا ءوز باسىن, ءوز دەنساۋلىعىن وي̆لاي̆ ما؟ جەكە باسىنا تونگەن كەز كەلگەن قاۋىپتەن قورقا ما؟ سول سياقتى جەكە باس, بالا-شاعا قامىنىڭ قاسىندا حالىق ءۇشىن ۆيرۋسىڭ دا, باسقاڭ دا قوقىنىشتى ەمەس. تۇرمىس قامى جولىندا كەز كەلگەن قاتەرمەن بەتپە-بەت كەلۋگە بار.

حالىقتىق ساناداعى ءقاۋىپتىڭ ورىندارى اۋىسىپ كەتكەن... ونى ەمدەۋ كەرەك. ءبىز ءۇشىن بالكىم كوروناۆيرۋستان دا قاتەرلى ىندەت وسى شىعار؟ ال قوعامعا تونەگەن قاتەردىڭ جالعىز ەمى - بىرلىك پەن سەنىم ەكەنىن ءتۇسىنۋ كەرەك.

قىسقاسى, بيلىك پەن حالىقتىڭ اراسىندا بىرلىكتىڭ, ىنتىماق پەن سەنىمنىڭ جوقتىعى ۆيرۋستىڭ فونىندا تاعى دا باي̆قالدى. بۇي̆تەتىن بولسا ەرتەڭ ۇلتتىڭ باسىنا قاتەر تونگەن جاعداي̆دا قاي̆تپەكپىز؟ ەلەستەتۋدىڭ ءوزى قورقىنىشتى...

حالىقتىڭ سەنىمى ءۇشىن تەر توكپەگەن, ەلدىڭ قامىن شىن وي̆لاماي̆تىن بيلىكتىڭ وڭباسى انىق. مۇنى وي̆لاپ جاتقان ولار بار ما؟ ءاي̆...

ەرتاي ءنۇسىپجانوۆ,

facebook پاراقشاسىنان