• usd 468.56

  • eur 497.56

  • rub 7.3

  • cny 67.18

20 شىلدە, 13:53:36
الماتى
+35°

بۇگىن مەرەكە كورىنەدى. «؛قازاقستان حالقى بىرلىگىنىڭ كۇنى»؛ دەپ جاتىر. اتى جاقسى. بۇرىنىراقتا بۇل تاپ كۇرەسىنىڭ مەرەكەسى, جۇمىسشىلاردىڭ ميتينگكە, دەمونستراسياعا شىعاتىن كۇنى بولاتىن. زامان وزگەردى دە, مەرەكەنىڭ دە ءمانى قوسا وزگەردى. «؛ميتينگ, دەمونستراسيا»؛ دەسە ءقازىر قازاقستان ۇكىمەتىنىڭ جۇرەگى ۇشىپ, جانى شوشيدى.

رەسەيدە ءبىرىنشى مامىر &ndash؛ كوكتەم مەن ەڭبەك مەرەكەسى. تاجىكستاندا تاپ سولاي. بۇل كۇن ارمەنيادا, ۋكراينادا, بەلورۋسسيادا, اۆستريادا, ارگەنينادا «؛ەڭبەك مەرەكەسى»؛. ال ءبىزدىڭ ەلىمىزدە «؛قازاقستان حالقى بىرلىگىنىڭ كۇنى»؛ دەپ اتالادى. ءبىراق وسى مەرەكەگە مەنىڭ ءىشىم جىلىمايدى. قولدان جاسالعاندىعى كورىنىپ تۇرادى. قابىعى جىلتىراق, ءىشى بوس! فورماسى بار دا مازمۇنى جوق.

دۇرىسىندا مەملەكەتتىڭ ىشكى تىنىشتىعى مەن تۇراقتىلىعى مەملەكەت قۇراۋشى ۇلتتىڭ تولەرەنتتىلىعىنا تىكەلەي تاۋەلدى. قاراساڭىز, ءدال قازاقتاي تولەرانتتى, قازاقتاي مومىن حالىق جوق. ءبىراق ەلدەگى بۇكىل ساياسات مەملەكەت قۇراۋشى ۇلتتىڭ توڭىرەگىنە, مەملەكەتتىك ءتىلدىڭ توڭىرەگىنە توپتاستىرىلعاندا عانا باياندى.

 ؛

ماسەلەن, رەسەيدە بارلىق ىشكى ساياسات ورىس حالقى مەن ورىس ءتىلىنىڭ توڭىرەگىنە, گۇرجىستاندا گۇرجى حالقى مەن گۇرجى ءتىلىنىڭ توڭىرەگىنە, وزبەكستاندا وزبەك حالقى مەن وزبەك ءتىلىنىڭ توڭىرەگىنە شوعىرلاندىرىلعان.

 ؛

سول سياقتى بىزدە دە مەملەكەت قۇراۋشى ۇلت رەتىندە قازاق حالقى قازاقستاندا تۇرىپ جاتقان ءتۇرلى ۇلت وكىلدەرىنە قامقور ءارى ولاردىڭ دامۋىنا جاۋاپتى ەكەندىگى كونستيتۋسيالىق نورمالارمەن بەكىتىلۋگە ءتيىس ەدى. ەلدەگى كۇللى ساياسات قازاق حالقىنىڭ توڭىرەگىنە شوعىرلاندىرىلعاندا عانا مىقتى ارماتۋراداي وزەك پايدا بولاتىن.

ال ءىس جۇزىندە قالاي بولىپ شىقتى؟

 ؛

بىزدە 130 ۇلت تۇرادى دەپ جالپاقشەشەي بولامىز. دەموگرافيالىق قۇرىلىمعا قاراساڭىز سانى 100 مىڭنان اساتىن نەبارى توعىز عانا ەتنوس بار.

 ؛

قازاق حالقىنىڭ مارتەبەسى سولارمەن بىردەي دياسپورالىق دەڭگەيگە ءتۇسىپ قالعان. قازاقستان قازاق حالقىنىڭ مەملەكەتتىلىگى بولعانىمەن ونى ەشكىم مويىنداپ جاتقان جوق.

مويىنداتاتىن مەملەكەتتىڭ سۇرى اناۋ: كونستيتۋسيالىق نورمانى ورىنداۋدى تالاپ ەتۋدىڭ ورنىنا بوتەن ءتىلدىڭ الدىندا تىزەرلەپ تۇرعان. ءار ەتنوس &ndash؛ وزىنشە ءبىر قۇداي. تۇرمىستىق قارىم-قاتىناستا قازاقتاردى مەنسىنگىسى كەلمەيدى. ءوز ەلى, ءوز جەرىندە ادىلەتسىزدىككە شىداماعان قازاق جىگىتتەرى كەي تۇستا امالسىز ءوز نامىسىن جۇدىرىقپەن قورعاۋعا ءماجبۇر.

تۇرلى دياسپورلاردىڭ باسىن قوساتىن وزەكتىڭ (ستەرەجەن) بولماۋى ءدارى تولتىرىلعان كەسپەكتىڭ ۇستىندە وتىرعانداي اسەر بەرەدى! ءومىرىمىز كۇتپەگەن وقىس وقيعالارعا تولى. قازاق-شەشەن (جاڭاوزەن &ndash؛ 1989), (وسكەمەن &ndash؛ 1992), (اقتاۋ &ndash؛ 2006), (مالوۆودنوە &ndash؛ 2007), قازاق-تۇرىك (تەڭىز &ndash؛ 2006), (بۋىرىل &ndash؛ 2016), قازاق-ۇيعىر (شەلەك &ndash؛ 2006), قازاق-كۇرد (ماياتاس &ndash؛ 2007), قازاق-تاجىك (بوستاندىق اۋىلى, وقو &ndash؛ 2015), قازاق-ارميان (قاراعاندى &ndash؛ 2018), قازاق-دۇڭعان (قورداي &ndash؛ 2020) قاقتىعىستارى سونىڭ دالەلى.

دياسپورالاردىڭ باسىن قوسۋعا ءتيىستى قازاقستان حالقى اسسامبلەياسى «؛ارماتۋراسى»؛ بولماعان سوڭ مۇلدە دارمەنسىز, تازا بۋتافوريالىق قۇرىلىمعا اينالعان. سودان قازاقستان «؛بىرلىگى»؛ وتە امورفتى, بەرەكەتى كەم. بۇگىندە قازاقستانداعى ۇلتارالىق يدەولوگيا تەك نازارباەۆ ەسىمىنە تاۋەلدى. ونىڭ ءوزى ۋاقىتشا. جاعداي ۇرەيلى.

وسىنداي جاعدايدا «؛قازاقستان حالقى بىرلىگىنىڭ كۇنى»؛ سياقتى اتى بار دا زاتى جوق ساياسي مەرەكەنىڭ اتاۋىن جاي «؛ەڭبەك مەرەكەسى»؛ دەي سالعان ءجون شىعار. ال شىنايى ساياسي مەرەكە ەتەمىز دەسەك, قازاق حالقىنىڭ مەملەكەت قۇراۋشى مارتەبەسى كونستيتۋسيالىق جولمەن باياندى ەتىلۋگە ءتيىس!

بىر ۇلتتىڭ, ءبىر ءتىلدىڭ, ءبىر ءدىننىڭ اينالاسىنا توپتاسقان مەملەكەت قانا ۇتادى!

مارات ءبايدىلداۇلى (توقاشباەۆ)

جازۋشى-پۋبليسيست

facebook پاراقشاسىنان

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر