• usd 468.56

  • eur 497.56

  • rub 7.3

  • cny 67.18

18 ماۋسىم, 05:34:18
الماتى
+35°

قۇرمەتتى ؛مارگۋلان سەيسەمباي!

مىناۋ وسپادار بيلىكتىڭ ءۇيىڭىزدى تورۋىلداپ, جەكە ومىرىڭىزگە قول سۇعىپ وتىرعانى وتانىمىز ورتاق بولعاندىقتان مەنى دە الاڭداتۋدا. قايراتكەر عالىم ساكەن وزبەكۇلى اعامىزدىڭ «؛حالىقتى ۇرەيدە ۇستاپ, قوقان-لوقى كورسەتەتىن بيلىكتە ەش قادىر-قاسيەت بولمايدى»؛ دەپ ايتقان ءسوزى ەسىمە قايتا-قايتا ءتۇسىپ, نالىپ وتىرعان جايىم بار. وسىدان-اق قۇقىقتىق مەملەكەت ورناتۋ سۇراعى تەز بولا سالاتىن شارۋا ەمەس ەكەنىن بايقاۋعا بولادى. ءبىراق بۇل جاعدايدى تۇزەتۋگە بولمايدى دەگەن ءسوز ەمەس. وزدەرىڭىز سەكىلدى ازاماتتار جول كورسەتپەي, ءىس ونبەيتىنى بەلگىلى. سەبەبى ۇجىمدىق سانا ءبىرىنشى كەزەكتە سوزگە ەمەس, ىسكە سەنىپ, ميفكە ەمەس, ريتۋالدىڭ اتقارىلۋىنا نازار اۋدارادى. تۇلعاعا, شىنايى كوشباسشىعا ەرەدى ءھام ەلىكتەيدى. قازاق ؛&ndash؛ كورگەنىن ىستەيتىن حالىق ەكەنىن وزىڭىزدە جاقسى بىلەسىز. سوندىقتان دا باسىڭىزعا ءتونىپ تۇرعان قاۋىپ-قاتەرگە قاراماستان, تومەندەگى ماسەلەگە قاتىستى ۇستانىمىڭىزدى جۇرتتىڭ بىلگىسى كەلەدى دەپ ويلايمىن.

بىرىنشىدەن, سوناۋ 90-جج. جۇرگىزىلگەن جەكەشەلەندىرۋ پروسەسسى بۇكىل قازاقستان حالقىنا تيەسىلى مەملەكەتتىك مەنشىكتى ات توبەلىندەي 3-4% ازاماتقا ۇلەستىرىپ بەردى. سول كەزدە ءساتتى قيمىلداپ قالعان ازاماتتاردىڭ ىشىندە ءوزىڭىز دە بارسىز. ادال يەلەنۋشى رەتىندە كاپيتالدى جولعا قويىپ, قاجىر-قايراتىڭىزدىڭ ارقاسىندا ۇلكەن جەتىستىكتەرگە جەتتىڭىز. ونى مويىنداۋ قاجەت. ايتپەسە, سولاردىڭ كوپشىلىگى ارامتاماقتىق تانىتىپ, ىشىپ-جەمنەن اسا الماي, ۇلتتىق ەكونوميكاعا مىسقالداي دا پايدا اكەلگەن جوق. ءبىراق, بۇل 90% استام حالىقتىڭ «؛مەملەكەتتىك مەنشىكتەن تەڭدەي ۇلەستى بولۋ ھاحىن»؛ اياققا تاپتاعانىن جوققا شىعارا المايدى. تەڭدىك &ndash؛ قۇقىقتىڭ فۋندامەنتالدى قاسيەتى. سوندىقتان دا 90-جج. جۇرگەن جەكەشەلەندىرۋگە بەلگىلى زاڭگەر, اكادەميك ۆ.س. نەرسەسيانس «؛انتيكونستيتۋسيالىق»؛ دەپ باعا بەرسە, قازاقستاندىق زاڭ عىلىمىنىڭ پاتريارحى, اكادەميك س.ز.زيمانوۆ ونىڭ «؛اق-قاراسىن انىقتاۋ»؛ قاجەتتىگىن ايتقان بولاتىن.

ەكىنشىدەن, «؛سىنىقتان باسقانىڭ ءبارى جۇعادى»؛ دەمەكشى, زاڭسىز جەكەشەلەندىرۋدەن دەمدە بايىپ شىققان ات توبەلىندەي ازاماتتىڭ ەپتىلىگى &ndash؛ ء«؛بىر كۇندە بايۋ»؛ دەپ اتالاتىن ءميفتى زاڭداستىرىپ, كوررۋپسيالىق قوعامنىڭ تۇساۋىن كەسىپ بەردى. سانسىز ۋاقىتىڭدى سارپ ەتىپ, ادال ەڭبەكپەن مال تابۋدىڭ ورنىنا, ءبىر ساتتە بايىپ شىعا كەلەتىن «؛قىمقىرۋشى, جىمقىرۋشى»؛ مىنەزدى قالىپتاستىردى. وسى كۇنى تاياقتىڭ ءبىر ۇشى وزىڭىزگە قايتا اينالىپ ءتيىپ, زاردابىن تارتىپ وتىرسىز. بۇلاي ەلدىگىمىزدى تۇزەي المايتىنىمىز بەسەنەدەن بەلگىلى. سول سەبەپتى قوعامدىق سانانى جاڭعىرتۋ &ndash؛ ونى ساۋىقتىرۋ ارقىلى ىسكە اسىپ, جىبەرگەن قاتەلىكتەرىمىزدى مويىنداپ-تۇزەتۋدەن باستالعانى ابزال. بۇل تۋرالى ويىمىزدى بىرنەشە جىل بۇرىن جازعان دا بولاتىنبىز ؛https://www.facebook.com/permalink.php؟story_fbid=164868034132923&؛id=100018291819521

سوندىقتان دا جەكەشەلەندىرۋ كەزىندە بايىپ شىققان وسى كۇنگى قازاق بايلارى تابىس اكەلىپ وتىرعان بيزنەسىنىڭ ء49%-ىن حالىقتىڭ اتىنا جازىپ بەرۋى ءتيىس دەپ سانايمىن.

سىز «؛الەل اگرو»؛اق-عى بيزنەستىڭ ء46%-ى سينگاپۋرلىق, ياعني شەتەلدىك اكسيونەرگە تيەسىلى ەكەندىگىن ايتىپ وتىرسىز. قازاقستان حالقى وسى ۇلەستى يەمدەنۋگە, ءسويتىپ الەۋمەتتىك ءومىرىن وڭتايلاندىرۋعا حاقىلى ەمەس دەپ ساناساڭىز ءۋاجىڭىزدى تىڭداعىمىز كەلەدى. ۋاعىندا حالىقتىڭ ۇلەسىنەن بايۋعا مۇمكىندىك العان اعايىن, ەتەك-جەڭىن جيعان سوڭ بەنەفيسيارىندا ۇمىتپاعانى دۇرىس بولار ەدى. بۇل الەۋمەتتىك جاۋاپكەرشىلىكتى عانا ەمەس, ەلدەگى جەمقورلىق سانانى قابىرعادان سوگىپ, قۇقىقتىق مەملەكەت قۇرۋعا دەگەن سەنىمىمىزدى ىرگەدەن قالاۋشى ەدى. ايتپەسە, تەڭدىگى "ۇستاعاننىڭ قولىندا, تىستەگەننىڭ اۋزىندا" كەتكەن قوعامدا ەرتە مە, كەش پە روبين گۋدتار شىعارى انىق.

سوندىقتاندا بۇل باعىتتاعى جۇمىستار «؛ۇلتتىق الەۋمەتتىك قور»؛ (بۇدان ءارى - قور) نىسانىندا ۇيىمداستىرىلىپ, قارجىلىق تۇسىمدەر حالىقتىڭ الەۋمەتتىك ماسەلەلەسىن شەشۋگە جۇمسالۋى ءتيىس. بۇل بايلاردىڭ قاتارىنا ءسىز عانا ەمەس, forbes تىزىمىنە ەنەتىن قوس پرەزيدەنتتىڭ ءۇرىم-بۇتاعى (تيمۋر كۋليباەۆ, داريعا نازارباەۆا, دينارا نازارباەۆا, تيمۋر توقاەۆ), نومەنكلاتۋرا وكىلدەرى, رەزيدەنت وليگارحتار (شوديەۆ, يبراگيموۆ, ماشكەۆيچ) مەن وپپوزيسياداعى ازاماتتار (م.ابليازوۆ) بىردە-بىرى الالانباي, تەگىستەي قابىلدانعانى ءجون. قور جۇمىسى جارعىدا كوزدەلگەن ماقساتتارعا ساي قازاقستاننىڭ بارلىق اۋدان ورتالىقتارىندا زاماناۋي مەكتەپ-ينتەرناتتار مەن ەمحانالار جەلىسىن سالۋ سەكىلدى الەۋمەتتىك دامۋدىڭ ورنىقتى جوبالارىن قولعا الۋى ءتيىس. وسى كۇنى بار بيزنەسىن دەكلاراسيالاپ, قورعا ء49%-ىن جازىپ بەرگەندەر, الداعى ۋاقىتتا اشىلاتىن بيزنەسىنە 100% دەربەس يەلىك ەتە الادى. سوندىقتان دا ەرتەرەك اتسالىسقان قالتالى ازاماتتار, ەل الدىنداعى قارىزىنان دا ەرتەرەك قۇتىلا باستايدى.

ارينە, بۇل ايتىلعاندار, وكىنىشكە قاراي ؛&ndash؛ ۋتوپيا. ءبىراق ۋتوپيانىڭ تابيعاتى دا سول, ونىڭ شاراسىزدىقتان تۋىندايتىندىعى, بەلدەن باسقان باسبۇزارلىق پەن دەسپوتتىق بيلىككە قارسى امال رەتىندە دۇنيەگە كەلەتىندىگى (پلاتون, توماس مور ت.ب.). سوعان قاراماستان, ءسىزدىڭ تاراپتان اتقارىلىپ جاتقان كوپتەگەن الەۋمەتتىك جوبالاردان "ەل الدىنداعى بورىشتى وتەۋ" سيپاتىنداعى مازمۇن بايقالادى. بۇلاردى بيلىكتەن قورقىپ جاساۋدا دەگەن ويدان اۋلاقپىن. وسى جۇمىستارىڭىزعا جۇيەلىلىك سيپات بەرسەڭىز, ساپالىق تۇرعىدان جاڭا دەڭگەيگە كوتەرىلىپ, قوعامدىق سانادا ۇدەرىس تۋدىرارى ءسوزسىز. ول ءۇشىن ءوزىڭىز باستاپ, وسىنداي قوردى اشۋعا ءتيىسسىز.

مۇنداي ۋتوپيالىق ۇسىنىستى حالىقتىڭ ەسەبىنەن كوگەرگەن كوپ بايدىڭ بىردە-بىرى قولدامايتىنى انىق. سوندىقتان دا ءسىزدىڭ قولىڭىزدا ادامدارعا وت اكەلىپ بەرگەن پرومەتەي سەكىلدى قۇبىلىس تۋدىراتىن كوشباسشىلىق مۇمكىندىك بار. وعان ورەڭىز دە جەتەدى, حالىق تا قولداۋ تانىتارى انىق. ەلىمىزگە وسىنداي جاڭا كوش پەن قۇدايلاردىڭ قاھارىنان ىقپايتىن پرومەتەيدەي كوشباسشى كەرەك.

قالاي بولعاندا دا ءبىز تاراپتان شىندىق پەن ادىلەتكە نەگىزدەلگەن اكادەميالىق پىكىرىمىزدى ايتتىق, تاريحي شەشىم قابىلداۋ ازىرگە ءسىزدىڭ ەنشىڭىزدە قالا تۇرادى.

قازىبەك ءداۋىتالى,

facebook پاراقشاسىنان

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر