كارانتين

 ؛

&ndash؛ ؛بالام, ۇيگە قايتاسىڭ با؟

&ndash؛ دەمالىستا باراتىن شىعارمىن. ءقازىر بەلگىسىز...

&ndash؛ مىنا جاعدايدا ادام الاڭدايدى ەكەن. ۇيگە كەلگەنىڭ دۇرىس ەدى...

&ndash؛ الاڭداماڭىزشى! ەلدىڭ ءبارى كوشەدە ءجۇر. ماسكالارىن تاعىپ العان. مەن دە ساۋمىن عوي!

&ndash؛ جارايدى, بالام. ابايلاشى.

انا مەن بالانىڭ اراسىنداعى قىسقا ديالوگ وسىلاي اياقتالدى.

 ؛

ەكى كۇن بۇرىن

 ؛

كوشەدە سابىلىسقان ادامدارمەن بىرگە سمارتفونىنا ءۇڭىلىپ كەلە جاتقان قاناتتى ەشتەڭە الاڭداتقان جوق. كۇندەلىكتى تىرشىلىك. جۇمىسقا بارىپ-كەلىپ جاتقان قالا تۇرعىندارى. تەك ءبارىنىڭ قولىنداعى سمارتفوندا ءار مينۋت سايىن ۇزدىكسىز الەم جاڭالىقتارى اينالىپ جاتىر. كۇن ساناپ دەرتتىڭ الدىن الۋ مۇمكىن بولماي بارا جاتقانى تۋرالى جاڭالىق قايتا-قايتا كەلگەن سايىن جۇرت ۇرەيلەنۋدىڭ ورنىنا, ءبارىنىڭ استارىنان ساياسي ويىن ىزدەپ, كەيبىرى ءتىپتى ازىلگە اينالدىرىپ جاتىر. ايالدامانىڭ قاسىنا كەلگەن كەزدە عانا باسىن كوتەرگەن قانات 56-اۆتوبۋستىڭ توقتاعانىن كوردى. لەزدە ىشكە ەنىپ, قالتاسىنان 150 تەڭگەسىن شىعارىپ جۇرگىزۋشىگە بەردى. بيلەتىن الىپ شەت جاققا قاراي ىعىسىپ تۇرا قالدى. ءدال قاسىندا تۇرعان جاس جىگىتتىڭ تەلەفونمەن سويلەسىپ جاتقان اڭگىمەسىن قۇلاعى شالدى: «؛وي, بۇل دەگەن ساياسات دەيدى عوي. ۆيرۋس دەگەن وتىرىك ەكەن. ءيا, ءبارىن ادەيى ۇرەيلەندىرىپ جاتىر-مىس. ءقازىر اۆتوبۋستامىن. كەيىن حابارلاسامىن»؛ دەپ, تۇتقانى قويىپ, الارعان كوزىمەن قاناتقا ءبىر قاراپ, سمارتفونىنا ءبىر قاراپ ىڭعايسىزدانعان ادامنىڭ كەيپىن تانىتىپ تۇرا قالدى.

قانات وزىنە تانىس ايالداماعا كەلىپ ەسىكتەن شىققالى تۇرعاندا ارتىندا تۇرعان وزىمەن قاتارلاس قىز:

&ndash؛ ؛كەشىرىڭىز, كومەكتەسىپ جىبەرەسىز بە؟&ndash؛ دەپ, قيىلىپ قارادى. ۇستاپ تۇرعان سمارتفوندى قالتاسىنا سۇڭگىتىپ جىبەرىپ, قىزدىڭ شاماسى كەلمەي تۇرعان سومكەسىن كوتەرىپ بىرگە ءتۇستى.

&ndash؛ ؛ ء ؛سىز قاي جاققا باراسىز؟

&ndash؛ ؛  ؛مەن اناۋ بەس قاباتتى ۇيدە تۇرامىن.

&ndash؛ ؛ قىزىق, مەن دە سول ءۇيدىڭ قاسىنداعى ون قاباتتى ۇيدە تۇرامىن. ۇيگە دەيىن اپارىپ بەرە الاسىز با سومكەنى؟

&ndash؛ ؛ ارينە, اكەلىڭىز!

قانات بەيتانىس قىزدىڭ زىلدەي سومكەسىن اۋىرسىنسا دا, نامىسقا تىرىسىپ كوتەرىپ كەلەدى. كوز تارتاتىن سۇلۋلىعىنا تامسانىپ, تانىسقىسى كەلدى.

&ndash؛ اۋىلدان كەلە جاتسىز با؟

&ndash؛ جوق. نەگە سۇرادىڭىز؟

&ndash؛ مىنا سومكەنى جالعىز كوتەرىپ كەلگەنىڭىزگە سەنبەيمىن,&ndash؛ دەپ قانات ىرجيدى.

&ndash؛ ؛اۋىلدان قالاعا كوشىپ كەلگەلى ون جىلدان اسىپ كەتتى. ءقازىر وسىندا قالادا تۇرامىن. اتا-انام جانە باۋىرلارىم بار. اتا-اجەمىز عانا اۋىلدا قالدى. مەن ءقازىر عانا ۇشاقتان ءتۇستىم. بىرنەشە اي بولدى ۇيدەگىلەردى ساعىندىم. جۇمىس ساپارىنان ورالدىم. ءوزىڭىز شە؟

&ndash؛ ؛تۇسىنىكتى. مەن وسىندا پاتەر جالداپ تۇرامىن. اتا-انام باسقا جاقتا تۇرادى. ءقازىر جاعداي قيىنداپ كەتتى عوي. ۇيدەگىلەر الاڭداپ جاتىر.

&ndash؛ ؛يا, مەنىڭ دە ۇيگە اسىعىس كەلۋىمە وسى سەبەپ بولدى. ەۋروپادا ادامدار كوشەگە شىعۋعا قورقادى. العاشىندا ءمان بەرمەگەن ەدىك. ءقازىر ول جاقتاعى جاعداي مۇلدە باسقا. تەك الماتىعا كەلگەن كەزدە قۇجىناپ جۇرگەن ادامداردى كورىپ تاڭ قالدىم.

&ndash؛ ؛بىزدىڭ حالىق تەگىنەن مىقتى عوي. قۇدايدان تىلەك تىلەپ, دۇعامەن-اق ءبارىنىڭ ەمىن تابادى.

&ndash؛ بالكىم...

ەكەۋى ءۇيدىڭ الدىنا جەتىپ, قىزدى ليفتكە دەيىن شىعارىپ سالدى. قول الىسىپ, بىر-بىرىنە العىسىن ءبىلدىردى دە ەكى جاققا كەتتى. قالتاسىنا سۇڭگىتىپ جىبەرگەن سمارتفونىن الىپ ۇيىنە قاراي بەتتەدى.

ەسىكتەن كىرگەن بەتتە ۇيدە ەشكىم جوق ەكەنىن ءتۇسىندى. تەلەديداردى قوسىپ, اس ۇيگە كىرىپ شاي قويدى. كيىمدەرىن شەشىپ جاتىپ, تەلەديداردان «؛شۇعىل جاڭالىقتار»؛ دەگەن داۋىستى ەستىپ, جانىنا جۇگىرىپ كەلدى. تەلەديدار الدىندا ەل پرەزيدەنتى سويلەپ, حالىققا ارنايى ۇندەۋ جاسادى. ەلدە الەم كۇرەسىپ جاتقان ىندەتكە قارسى شارا قولدانۋ ءۇشىن ەل استاناسى مەن الماتى قالاسىندا كارانتين جاريالايتىنىن ايتتى. كارانتين ەكى كۇننەن كەيىن كۇشىنە ەنىپ, بارلىق كولىك قوزعالىسى مەن ادامداردىڭ قوعامدىق جەرگە بارۋىنا شەكتەۋ قويىلاتىنىن, بۇل ىندەتتىڭ ادامنان ادامعا تەز جۇعۋىنا بايلانىستى بارلىق ساقتىق شارالارى مەن ءتارتىپ ەنگىزەتىنىن  ؛مالىمدەدى. ءبارىن ەستىپ تۇرعان قانات ءبىر وزگەرىس بولاتىنداي تەرەزەنىڭ الدىنا كەلدى. دالادا بەيقام جۇرتتىڭ تىرشىلىگى. كولىكتەرىنەن ءتۇسىپ جاتقاندار, ايالدامادا اۆتوبۋس كۇتىپ تۇرعاندار, ۇيىنە بازاردان قايتقاندار, ەشقانداي ءبىر وزگەرىس جوق. تەك قاناتتىڭ جۇرەگى تىنىش ەمەس, كوڭىلى الاي-دۇلەي كۇي كەشە باستادى. ءار ويدىڭ جەتەگىنە ؛ ەرىپ كەتكەنىن بايقاماي قالسا كەرەك, تەلەفونى شىرىلداپ جاتىر. جۇگىرىپ باردى دا تۇتقانى كوتەردى.

&ndash؛ ؛بالام, ەستىدىڭ بە؟

&ndash؛ ؛يا, ەستىدىم. ەرتەڭ كەشكە ۇيگە شىعامىن. ءالى ەكى كۇن ۋاقىت بار عوي. كارانتين كۇشىنە تەك ەكى كۇننەن كەيىن ەنەدى عوي, اناشىم؟!

&ndash؛ ؛بالام, ەڭ دۇرىسى بۇگىن شىعىپ كەتسەڭ جاقسى بولار ەدى. اكەڭ دە الاڭداي باستادى.

&ndash؛ ؛بۇگىن شىعا المايمىن, ەرتەڭ كەشكە شىعامىن. ءسوز بەرەمىن.

اناسىن كوندىرىپ, كوڭىلىن توق قىلۋعا تىرىسقان بالا اقىرى ەرتەڭ كەشكە جولعا شىعاتىن بولىپ كەلىستى.

ەكىنتى ۋاقىتى كىردى. قانات دالادا ءجۇرىپ قايتۋعا سىرتقا شىقتى. كوز الدىندا تۇرعان ءدارىحاناعا كىرىپ, ماسكا سۇراپ ەدى, ساتۋشى تاۋسىلىپ قالعانىن ايتتى. سوڭعى ءدارىحاناعا كىرگەن ادامداي سالى سۋعا كەتتى. ايالداماعا كەلىپ توقتاعان اۆتوبۋسقا جۇگىرىپ بارىپ ءمىندى دە بوس تۇرعان ورىندىققا جايعاستى. بەت العان جاعى &ndash؛ ­؛دوسىنىڭ ءۇيى. سوڭعى ايالدامادان ءتۇسىپ, دوسىنىڭ ءۇي جاعىنا جەتكەندە, كولىگىن قىزدىرىپ جاتقان دوسىن كوردى.

&ndash؛ ؛باۋىرىم, امانسىڭ با؟ قايدا جينالدىڭ؟

&ndash؛ ؛قانات, قال قالاي؟ ەستىمەدىڭ بە, قالادان ءبارى كەتىپ جاتىر. ۆيرۋس جۇعادى دەپ قاشىپ جاتىر. مەن دە ۇيگە كەتەيىن دەپ شەشتىم. سەن نە ىستەيسىڭ؟

&ndash؛ ؛قاشقانى نەسى؟ قالادا ءبارى جايباراقات ءجۇر عوي. ونداي ەشتەڭە بايقامادىم.

&ndash؛ ؛قىزىقتىڭ كوكەسى سايران جاقتا بوپ جاتىر. ءقازىر سول جاققا كەتىپ بارام, ءۇش كليەنتپەن كەلىسىپ قويدىم. بىرگە كەتەمىز. ايتپاقشى, مەن ۇيگە بارىپ قانا قويمايىن, ءبىراز اقشا تابايىن دەپ تۇرمىن.

&ndash؛ ؛قالاي؟

&ndash؛ ؛قازىر ءبىز جاققا قاراي تاكسيلەر ادام باسىنا 20 ؛000 تەڭگەدەن اكەتىپ جاتىر. ءۇش ادامعا باعاسىن ايتىپ ەم, ەشتەڭە دەمەستەن كەلىستى. ويلاشى, 60 ؛000 تەڭگەنى بۇل جەردە ءجۇرىپ ءبىر ايدا تابامىز عوي.

&ndash؛ ؛سەنبەيمىن. ادام باسىنا 20 ؛000 تەڭگە دەگەن ۇيات قوي!

&ndash؛ ؛ۇياتىڭدى قويا تۇر. سەن دە جۇرە بەرمەي, ۇيگە قايت. مىنا كەسەلدىڭ ءتۇرى جامان. قايتا كارانتيندى ەكى كۇن بۇرىن ەسكەرتىپ, جاريالاعانى دۇرىس بولدى. ايتپەسە وسى جەردە ولەتىن بە ەدىك, كىم ءبىلسىن... سەن قايدا جول تارتتىڭ؟

&ndash؛ ؛ساعان كەلگەنمىن. شىنىمەن سونداي باعا بولسا, ءجۇر بىرگە بارايىق. ءبىز جاققا دا باعانى كوتەرىپ العان شىعار.

&ndash؛ كەتتىك, ءمىن وندا.

قانات پەن ارمان كولىككە وتىرىپ سايراندى بەتكە الدى. اۆتوۆوكزالعا جاقىنداعان سايىن كولىك كەپتىلىسى بايقالا باستادى. ءتىپتى جارتى ساعاتتا جەتەتىن جەرگە, ءبىر جارىم ساعات دەگەندە ارەڭ جەتتى. سايرانعا جەتىپ ارمان قاناتتىڭ قولىن الىپ قوشتاستى دا, كليەنتتەرىن سالىپ التىن وردا جاققا بەت الدى. قانات بولسا ءوزىنىڭ اۋىلىنا قانشا سۇراپ جاتقانىن بىلگىسى كەلىپ, تاكسيلەر تۇرعان تۇراققا اياڭدادى.

&ndash؛ ؛باۋىرىم, ؛ تالدىقورعان با؟

&ndash؛ قانشادان ءجۇرىپ جاتسىزدار؟

&ndash؛ بەس مىڭنان.

&ndash؛ بەس مىڭ؟

&ndash؛ ءيا. نە بولدى؟

&ndash؛ قايدان تۇسكەن باعا بۇل؟

&ndash؛ ءقازىر قالادان ءبارى كەتىپ جاتىر. مەن ءوزىم وسى جەردىڭ ادامىمىن. كەشكە قايتا قالاعا كەلەمىن. تەك كەتىپ جاتقاندار قانشا دەسەڭ دە باعا سۇراپ جاتقان جوق دەگەن سوڭ, از دا بولسا اقشا تاۋىپ الايىن دەگەنىم عوي. ونىڭ ۇستىنە ەكى كۇننەن كەيىن كرەديت جابۋ كەرەك. كارانتين بولىپ كەتسە ول دا قالادى. نە ىستەيسىڭ, باراسىڭ با؟

&ndash؛ ؛جوق. راقمەت!

قانات كوز الدىندا ادامگەرشىلىكتى تابانىنا تاپتاپ تۇرىپ, ار الدىندا ۇلكەن قىلمىس جاساپ تۇرعان ادامدى كوردى. اكەسىمەن جاستى ادامنىڭ اقشا ءۇشىن وسىنشا ارەكەتكە بارعانىنا تاڭ. ىشتەي ونى دا سوككىسى كەلمەيدى. ءقازىر ەشكىم جەتىسىپ جۇرگەن جوق. ءبارى ؛ ايلىقتان ايلىققا كۇن كورىپ جاتقان قوعامدا بۇل دا بولسا ءبىر كونكورىس جولى شىعار دەپ ءتۇيدى.

سايراننىڭ اينالاسى تولعان كولىك. كەزەك كۇتىپ تۇرعان بىرەۋى جوق. اعىلىپ جاتقان ادامداردى سالىپ, جان-جاققا قوزعالىپ جاتىر. الماتىعا اقىرزامان ءتونىپ كەلە جاتقانداي. ءبارىنىڭ كوزىندە ۇرەي مەن ءۇمىت ارالاسىپ ءجۇر. كەيبىرى ءتىپتى كىشكەنتاي سابيلەردى كوتەرىپ اسىعىپ بارادى. ەشكىمدە ۋاقىت جوق. تەك وسىنىڭ ءبارى قاناتتىڭ تۇسىندە بولىپ جاتقانداي. انىعى فيلمدەردەن عانا كورەتىن وسى ءبىر كورىنىستى قابىلداي المادى. بۇ جۇرتتىڭ الاڭىن تۇسىنبەگەن قالپى اۆتوبۋسقا وتىرىپ ۇيگە قايتتى. ءوزىنىڭ ايالداماسىنا جەتىپ, ۇيىنە قاراي بەتتەدى. كەلە جاتىپ تاماعىنا الدەنە تۇرىپ قالعان ادامداي جوتەلىپ كەلەدى. جوتەلگەن سايىن كەۋدەسى قىسىپ, باسى اۋىرادى. قالتاسىنان كىلتىن الىپ, ۇيگە كىردى دە مازاسى قاشقان كۇيى جاتىپ قالدى.

 ؛

بىر كۇن بۇرىن

كۇننىڭ كوزى ۇيقىدا جاتقان قاناتتىڭ ماڭدايىنان سۇمەك بولىپ اعىپ جاتقان تامشى تەرگە ءتۇستى. ءالى مازاسى بولماي جاتقان قانات ورنىنان ارەڭ تۇردى. جۋىناتىن بولمەگە بارىپ بەتى-قولىن شايدى دا الدىندا تۇرعان ايناعا قارادى. ءوزىن تانىماي قالدى. ءبىر-اق تۇندە ءوڭى قاشىپ كەتكەن. تەلەفون شىر ەتە ءتۇسى. ورامالعا بەتىن ءسۇرتىپ جاتىپ, تاعى بىر-ەكى رەت قاتتى جوتەلىپ, اۋىزىن سۇرتكەن كۇيى جاتىن بولمەدە تۇرعان تەلەفونىن الدى.

&ndash؛ قانات, بالام؟!

&ndash؛ ايتا بەرىڭىز.

&ndash؛ ؛نە بولدى بالام؟ ءبىر جەرىڭ اۋىرىپ تۇر ما؟

&ndash؛ جوق, ءبارى دۇرىس, اناشىم. الاڭداماڭىز. شارشاعاننان بولار.

&ndash؛ بالام-اۋ, ۇيگە كەلشى. بۇگىن كەشكە شىعامىن دەپ ەدىڭ. ەڭ دۇرىسى كەشكە قالماساڭ جاقسى ەدى. قالانى جاۋىپ تاستاسا قالىپ قوياسىڭ عوي.

&ndash؛ قالمايمىن. ءقازىر بىر-ەكى ساعاتتا شىعامىن. ونىڭ ۇستىنە ءۇي جاققا تاكسيستەر بەس مىڭ تەڭگەمەن اكەتىپ جاتىر. قىمبات قوي.

&ndash؛ اقشاڭ بولماسا جىبەرەيىن. تەز ۇيگە كەلشى.

&ndash؛ جارايدى. وندا كارتاما اقشا اۋدارىپ جىبەرىڭىز, مەن ءقازىر كيىنىپ شىعامىن.

&ndash؛ دۇرىس بولدى, بالام. سويتە عوي.

تۇتقا قويىلىپ, قانات قايتا جۋىناتىن بولمەگە كەلدى. ورامالىن جەردەن الىپ ىلمەك بولعاندا كوزى قىپ-قىزىل قانعا ءتۇستى. اق ورامالىنا ءسىڭىپ قالعان قان ءالى كەپپەگەن. اناسىمەن سويلەسەر الدىندا جوتەلگەنى ەسىنە ءتۇستى.  ؛ماڭدايىنان شىعىپ جاتقان تەر توقتايتىن ەمەس. تەمپەراتۋراسىن ولشەپ ەدى 39-عا جەتكەن. ءتىپتى قانشا سالقىن باسىپ, ۇيدە تۇرعان دارىلەردى ءىشىپ ەدى, اسەر ەتپەدى. جۇرەگى اينىپ, ءىشى بۇراي بەردى. ارادا 1 ساعات وتكەندە سىرتتان جەدەل جاردەمنىڭ داۋىسى انىق ەستىلدى. تەرەزەگە بارىپ سولاردان كومەك سۇراعىسى كەلگەندەي ايانىشتى كوزىمەن قاراپ تۇر. جەدەل جاردەم قاراما-قارسى تۇرعان ون قاباتتى ۇيگە كەلىپ توقتادى. ىشىنەن بەت-اۋىزىن تۇمشالاعان ءۇش دارىگەر ءتۇستى دە, ىشكە كىرىپ كەتتى. بىرنەشە مينۋت وتكەنشە بولعان جوق, ارباعا سالعان ءبىر ادامدى كولىككە سالىپ جاتىر. كىم ەكەنىن اڭعارا المادى. كەنەت... كەنەت جەدەل جاردەمگە وتىرىپ جاتقان دارىگەردىڭ قولىنان كەشە ءوزى كومەكتەسىپ, ۇيىنە دەيىن جەتكىزىپ تاستاعان قىزدىڭ كىشكەنتاي سومكەسىن تانىدى. قاناتتىڭ بويىن ۇرەي بيلەپ, ماڭدايىنان شىعىپ جاتقان تەر مۇزداي بولىپ, ەندى توڭدىرا باستادى. قانات ەندى ءتۇسىندى...

زاتتارىن جيناپ, جۇكتەرىن سالىپ جاتىر. السىرەپ قالعان اياق-قولى وزىنە باعىنار ەمەس. ابدەن ءالى كەتتى. ساناسىندا ساندالىپ جاتقان ويلار مازاسى كەتىپ تۇرعان ادامنىڭ ودان سايىن دەگبىرىن قاشىردى. القىمنان العان جوتەل قىسقان سايىن ەسى شىعىپ, نەنى قايدا سالىپ جاتقانىن اڭعارعان جوق. شالبارىن سومكەسىنە ەڭكەيىپ سالىپ جاتىپ, شالقاسىنان ءتۇستى. ودان ءارى ءالى كەلەر ەمەس. قالتاسىنداعى تەلەفونىن الىپ نومەر تەرە باستادى...

&ndash؛ اللو؟

&ndash؛ اللو...

&ndash؛ قانات؟

&ndash؛ اكە...

&ndash؛ قانات, ءبارى دۇرىس پا؟

&ndash؛ اكە, جاعدايىم ناشارلاپ بارادى. بالكىم... بىلمەيمىن... اكە, مەندە ىستىق تۇسپەي جاتىر, جوتەلگەن سايىن كەۋدەم قىسىپ جاتىر. نە ىستەيمىن؟

تەلەفون ار جاعىندا اۋىر تىنىس العان اكەسى ءبىر مينۋت ءۇنسىز تۇردى. ءالى ۇنسىزدىك...

&ndash؛ بالام! ءالى كەش ەمەس. ءالى ەشتەڭە بەلگىسىز. ەشتەڭە جاسىرما. ءدال ءقازىر جەدەل جاردەم شاقىرىپ, جاعدايىڭدى ايتىپ ءتۇسىندىر.

&ndash؛ اكە ۇيگە بارعىم كەلەدى... اكە مەنى الىپ كەتشى...

&ndash؛ قانات, بالام. ۇيدەن ەشقايدا شىقپا! ەشكىممەن بايلانىسىپ, جاقىن ارالاسپا. ماعان دا بۇل سوزدەردى ايتۋ وڭاي ەمەس, ءبىراق بالام, مەنىڭ ايتارىم وسى. سەن ءوزىڭدى ەمەس, مەنى ەمەس, جولداعى اعىلىپ جاتقان حالىقتى ويلا! بالكىم, مەن جەر بەتىندەگى ەڭ قاتىگەز اكە شىعارمىن..! ؛&ndash؛ دەگەن ءسوز ەمىس ەستىلىپ بارىپ, تەلەفون تۇتقاسى قويىلدى. اكەسىنىڭ كوزىنەن ىرشىپ شىققان جاس, اناسىنىڭ كەۋدەسىندەگى جۇدىرىقتاي عانا جارعا بارىپ سوعىلعانداي اسەر قالدىردى.

&ndash؛ قايىرلى كەش. بۇل الماتى قالاسى بويىنشا جەدەل-جاردەم. قانداي كومەك كەرەك؟

&ndash؛ جاروكوۆ كوشەسى, وتىز ەكىنشى ءۇي, ون بەسىنشى پاتەر. تەزدەتىڭىزدەر. مەنىڭ جاعدايىم ءماز ەمەس...

تۇتقانىڭ ار جاعىنداعى داۋىس ءبىر ەستىلىپ, ءبىر ەستىلمەي جوعالىپ كەتتى. ارادا وتكەن ون بەس مينۋت ىشىندە اتالعان پاتەردىڭ ەسىگىنەن بەتتەرىن تۇمشالاپ العان ەكى دارىگەر كەلىپ, جەردە جاتقان قاناتتى كوتەرىپ, كولىككە قاراي جۇگىردى. قاناتتىڭ كوز الدىندا ىرعالىپ بارا جاتقان ەكى ادامنىڭ تۇمشالانعان بەينەسى عانا قالدى.

 ؛

56-اۆتوبۋس ايالداماعا كەلىپ توقتادى. ەسىككە كىرە بەرىستەگى تەمىردى ۇستاپ تۇرعان قاريا دالاعا شىعا سالىپ, قايتا-قايتا جوتەلە باستادى...

 ؛

دارىحانادان شىققان قىز ماسكاسىن شەشىپ, جوتەلە باستادى. ماڭدايىنان شىققان تەردى ءسۇرتىپ, ايالداماعا قاراي جاقىندادى.

 ؛

ۇزىن-سونار كەپتەلىستەن شىعا الماي, قالادا ءبىر كۇن تۇنەپ قالعان ارمان ءۇش كليەنتىن الىپ اۋىلىنا باسىپ بارادى. كۇرك ەتە تۇسكەن ارمان ۇرەيمەن قاراعان ۇشەۋىنە:

&ndash؛ تەمەكىدەن عوي, قورىقپاڭدار!&ndash؛ دەپ جىميدى.

 ؛

ۇيىنە ورالعان جۇرگىزۋشى بەس مىڭ تەڭگەلىكتەردى الىپ, ايەلىنە ۇستاتتى. ەرىن قۇشاقتاپ, رازىلىعىن ءبىلدىرىپ جاتقان جارى كۇيەۋىنىڭ ماڭدايىنان شىعىپ تۇرعان تەردى بايقاعان جوق...

 ؛

جۇقپالى اۋرۋلارمەن كۇرەسەتىن, ارنايى ىندەت كەزىندە وقشاۋلانعان ەمحانانىڭ ءىشى. ءيىسى مۇرىندى اشىتىپ جىبەرەتىن ءدالىز. اق حالات سىرتىنان قىمتانىپ العان, بەتىن جاپپاي وراپ ماسكاسىن تاققان دارىگەر ارى-بەرى ءجۇر. قۇلىپتاۋلى ەسىك. تەك قاراۋعا عانا ارنالعان ءتورتبۇرىش شاعىن اينەكتىڭ ار جاعىندا اپپاراتپەن تىنىستاپ جاتقان جىگىت جاتىر. ول ىشتەي وكىنىپ جاتىر. تەك وكىنىش...

 ؛

ساعات 00:00

كارانتين

 ؛

اڭگىمە اۆتورى: مارعۇلان اقان