• usd 378.65
  • eur 430.07
  • rub 6
  • cny 55.1
23 قىركۇيەك، 00:18:25
كەكىلباەۆقا ارنالعان كەش

25 شىلدە، 2019 news

ۇلى ابايدىڭ داڭعىلىن نازارباەۆقا بەرمەي قويدى

قاسىم-جومارت توقاەۆ پرەزيدەنت قىزمەتىنە كىرىسە سالا ەل استاناسىن نۇر-سۇلتان دەپ وزگەرتىپ، "؛وبلىس ورتالىقتارىنداعى نەگىزگى كوشەلەرگە نازارباەۆ اتىن بەرۋ كەرەك"؛ دەپ مالىمدەگەن ەدى.

 ؛

قوستانايداعى اباي داڭعىلىنا نازارباەۆ اتىن بەرۋ جايلى قالالىق ءماسليحاتتىڭ ۇسىنىسى كەرى قايتارىلعاننان بەرى قالادا قاي كوشەنى ءبىرىنشى پرەزيدەنت اتىمەن اتاۋ ماسەلەسى شەشىلمەگەن. ؛تىڭداۋ شىلدەنىڭ 29-ى كۇنى وتەدى، بۇل اقپاراتتى جەرگىلىكتى اكىمدىك راستاعان دەپ حابارلايدى ؛qamshy.kz اقپارات اگەنتتىگى zakon.kz سايتىنا سىلتەمە جاساپ.

قوستاناي قالاسىنىڭ اكىمى قايرات احمەتوۆ "مۇنداي ۇسىنىستى بىرنەشە ۇجىم وكىلدەرى جاساعانىن" ايتتى. ونىڭ ايتۋىنشا، باستاما كوتەرگەن ازاماتتار گاگارين كوشەسىن - نازارباەۆ دەپ وزگەرتىپ، گۆاردەيسكيي كوشەسىنە گاگارين اتىن بەرۋ تۋرالى ۇسىنىس جاساعان.

قازاقستاندى 30 جىلعا جۋىق باسقارعان نۇرسۇلتان نازارباەۆ وتستاۆكاعا كەتكەن سوڭ ونىڭ ورنىنا كەلگەن قاسىم-جومارت توقاەۆ قىزمەتىنە كىرىسە سالا ەل استاناسىن نۇر-سۇلتان دەپ وزگەرتىپ، "وبلىس ورتالىقتارىنداعى نەگىزگى كوشەلەرگە نازارباەۆ اتىن بەرۋ كەرەك" دەپ مالىمدەگەن ەدى. وسىدان سوڭ ەلدەگى بىرنەشە قالاداعى كوشەلەرگە نازارباەۆ اتى بەرىلدى.

اقپارات بويىنشا، قوستاناي قالالىق ءماسليحاتىنىڭ دەپۋتاتتارى باستاپقىدا قالاداعى اباي داڭعىلىن نازارباەۆ اتىمەن اتاۋ تۋرالى ۇسىنىس جاساعان. "ناشا گازەتا" فورۋمىنداعى اقپاراتقا سايكەس، بۇل بويىنشا تۇپكىلىكتى شەشىم قابىلداماي جاتىپ قالاداعى اباي كوشەسىندەگى تاقتايشالاردىڭ كەيبىرى الىنىپ تا ۇلگەرگەن. ءبىراق كەيىننەن رەسپۋبليكالىق ونوماستيكالىق كوميسسيا بۇل ۇسىنىستى قايتا قاراۋ قاجەتتىگىن ايتقان.

باسىلىم فورۋمىندا قوستانايدا قاي كوشەگە نازارباەۆ اتىن بەرۋ تۋرالى شاعىن ساۋالناما دا بار. شامامەن 123 ادامنىڭ باسىم بولىگى تاۋەلسىزدىك كوشەسىن وزگەرتەيىك دەسە، كەيبىرى ءال-فارابي داڭعىلىنا ءبىرىنشى پرەزيدەنت اتىن بەرەيىك دەگەن ۇسىنىس ايتقان. ۇسىنىستار اراسىندا يۋريي گاگارين، عافۋ قايىربەكوۆ كوشەلەرى بار.

قاتە تاپساڭىز، قاجەتتى بولىكتى تاڭداپ ctrl+enter باسىڭىز.

باننەر

پىكىر قالدىرۋ

پىكىر