قازگيدرومەت جاۋىن-شاشىن مولشەرىنىڭ التاي اينابەككە ەش قاتىسى جوق ەكەنىن مالىمدەدى

"قازگيدرومەت" ءوزىن "جاڭبىر ادام" دەپ اتايتىن كاسىپكەر التاي اينابەك ايتىپ جۇرگەندەي ارال تەڭىزىن جاۋىن سۋىمەن تولتىرۋ مۇمكىن ەمەس ەكەنىن حابارلادى.

مەملەكەتتىك كاسىپورنىن مالىمەتىنشە, ؛ارال ماڭى قازاقستان بويىنشا كونتينەنتالدى كليماتپەن سيپاتتالاتىن, قۇرعاق ءارى ىلعال تاپشى ايماق. اتالعان ايماقتا جىلدىق جاۋىن-شاشىن مولشەرى 100-130 مم شاماسىندا بولسا, جىلدىق بۋلانۋشىلىق مولشەرى ودان ونداعان ەسە جوعارى, ياعني 1250-1450 مم قۇرايدى. ؛بۇل ءوز كەزەگىندە جاۋىن-شاشىن ەسەبىنەن ۇلكەن اۋماقتى سۋ رەسۋرستارىمەن قامتاماسىز ەتۋ مۇمكىندىكتەرىن شەكتەيدى.

سونداي-اق سينوپتيكتەر مامىر-شىلدە ايلارىندا ارال ماڭىندا جاۋىن-شاشىننىڭ ءتۇسۋى بولجانعان جاعداي ەكەنىن اتاپ ءوتتى.

"مامىر ايىندا (04-08, 13-14, 16-22, 24-25 مامىر) وڭتۇستىك كاسپيي جانە وڭتۇستىك سيكلونداردىڭ قىزىلوردا وبلىسىنىڭ اۋماعىنان ءجيى ءوتۋى ناتيجەسىندە 0,1-دەن 12 مم-گە دەيىن جاۋىن-شاشىن بايقالدى, ال 5 مامىردا تۇندە وبلىستىڭ ورتالىعىندا 19-27 مم شاماسىندا قارقىندى جاۋىن-شاشىن تىركەلدى. ماۋسىم ايىندا وڭتۇستىك جانە اتلانتيكالىق سيكلونداردىڭ ىقپالىنا بايلانىستى 06-09 جانە 22-30 ماۋسىمدا 0,1-دەن 4 مم-گە دەيىن جاۋىن-شاشىن تۇستى. ؛شىلدە ايىندا (01-22 شىلدە) وبلىس اۋماعى باياۋ قوزعالاتىن وڭتۇستىك سيكلوننىڭ ىقپالىندا بولدى, سونىمەن 06, 08 جانە 10-20 شىلدە كۇندەرى 0,1-دەن 13 مم-گە دەيىن جاۋىن-شاشىن ءتۇستى. ؛جوعارىدا ايتىلعانداردى ەسكەرە وتىرىپ, قىزىلوردا وبلىسى مەن قىزىلوردا قالاسىندا تۇسكەن جاۋىن-شاشىن تابيعي سينوپتيكالىق جاعدايلارمەن بايلانىستى بولعانىن جانە 10 كۇنگە دەيىنگى دالدىكپەن الدىن الا بولجانعانىن اتاپ وتكەن ءجون. ماۋسىم-شىلدە ايلارىندا تۇسكەن جاۋىن-شاشىن مولشەرى ورتاشا كوپجىلدىق نورما شاماسىندا نەمەسە ودان تومەن بولدى" دەيدى قازگيدرومەتتەگىلەر.

قازگيدرومەت ماماندارى سونداي-اق بۇلتتىردى جاساندى جولمەن بەلگىلى ءبىر ايماققا تاسىمالداۋ مۇمكىن ەمەس ەكەنىن مالىمدەدى.

"دۇنيەجۇزىلىك مەتەورولوگيالىق ۇيىمنىڭ ارنايى مالىمدەمەسىنە سايكەس, تابيعي مەتەورولوگيالىق جۇيەلەردىڭ ەنەرگيالىق قورى سونشالىقتى ۇلكەن بولعاندىقتان, جاڭبىر جاۋدىراتىن بۇلت جۇيەلەرىن قۇرۋ, جەلدىڭ سيپاتىن وزگەرتىپ, بەلگىلى ءبىر ايماققا سۋ بۋىن اكەلۋ نەمەسە ءقاۋىپتى تابيعي قۇبىلىستاردى تولىعىمەن جويۋ مۇمكىن ەمەس. وسى تۇرعىدا بۇلتتار گەوگرافيالىق ءبىر ايماقتان ەكىنشى ايماققا تەك تابيعي جولمەن عانا تاسىمالداناتىنىن نەمەسە قۇرىلاتىنىن حابارلايمىز" دەلىنگەن مەكەمە حابارلاماسىندا.