ناۋرىزباي اۋدانىنا 10 جىل: الماتىنىڭ ەڭ جاس اۋدانى قالاي دامۋدا

ديناميكالىق دامۋ جانە كوپجىلدىق ؛ ؛ پروبلەمالاردى شەشۋ: ەربولات دوساەۆ ناۋرىزباي اۋدانىنىڭ تۇرعىندارىمەن كەزدەستى.

الماتى اكىمى ەربولات دوساەۆ بيىل 10 جاسقا تولاتىن ناۋرىزباي اۋدانىنىڭ تۇرعىندارىمەن كەزدەسۋ وتكىزدى. قالا باسشىسى مەگاپوليستىڭ ەڭ جاس اۋدانىنىڭ قارقىندى الەۋمەتتىك-ەكونوميكالىق دامۋىن اتاپ ءوتىپ, تۇرعىنداردىڭ سۇراقتارىنا جاۋاپ بەردى.

ماسەلەن, 2024 جىلى اۋدان بيۋدجەتى 23 ملرد تەڭگەنى قۇرادى. ءبىرىنشى جارتىجىلدىقتا جۇمىس ىستەپ تۇرعان بيزنەس سۋبەكتىلەرىنىڭ سانى 15% - عا ءوسىپ, سالىق ءتۇسىمى 60% - عا, 25 ملرد تەڭگەگە دەيىن ءوستى. 1 800 جاڭا تۇراقتى جۇمىس ورنى قۇرىلىپ, 100 مىڭ شارشى مەتردەن استام تۇرعىن ءۇي پايدالانۋعا بەرىلدى.

اۋدانداعى وزەكتى ماسەلەلەردىڭ ءبىرى تۇرعىنداردى ۇزدىكسىز سۋمەن جانە سۋ بۇرۋمەن قامتاماسىز ەتۋ بولىپ قالا بەرەدى. وسىعان بايلانىستى اقجار, قاراعايلى شاعىن اۋداندارىندا جاڭا ينجەنەرلىك جەلىلەر سالىنۋدا. ناۋرىزباي اۋدانى مەن الماتى وبلىسىنداعى ەكى اۋىلدىڭ 200 مىڭنان استام تۇرعىنىن ساپالى سۋمەن قامتاماسىز ەتەتىن «؛قارعالى»؛ جانە «؛اقساي»؛ سۋ قويمالارىنىڭ قۇرىلىسى بويىنشا اۋقىمدى جوبالار اياقتالۋعا جاقىن.

بۇگىندە قالاعا قوسىلعان اۋداندا ەلەكتر جەلىلەرىنىڭ 85% - ى توزعان. اۋداندى تۇراقتى ەلەكترمەن جابدىقتاۋمەن قامتاماسىز ەتۋ ءۇشىن التى شاعىن اۋداندا ەلەكتر جەلىلەرىن رەكونسترۋكسيالاۋ جۇرگىزىلۋدە. ناتيجەسىندە جەلىلەردىڭ توزۋى 30% - عا ازايادى.

جول-كولىك ينفراقۇرىلىمىن دامىتۋعا قاتىستى قالا اكىمى بيىل اۋداننىڭ 110 كوشەسىندەگى 50 مىڭ شارشى مەتر جول اعىمداعى جوندەۋمەن قامتىلعانىن حابارلادى. قاراشا ايىنىڭ سوڭىنا دەيىن 150 كوشەدەگى تاعى 20 مىڭ شارشى مەتر جولدى جوندەپ, اباي داڭعىلىن سترويتەلنايا كوشەسىنەن قالا شەكاراسىنا دەيىن ۇزارتۋدى اياقتاۋ جوسپارلانۋدا.

جىل باسىنان بەرى 150 اۆتوبۋس جاڭارتىلىپ, 12 جاڭا ايالداما پاۆيلونى ورناتىلدى.

اۋداندا وقۋشى ورىندارىنىڭ جەتىسپەۋشىلىگى ماسەلەسىن شەشۋ ءۇشىن 5 جاڭا مەكتەپ سالىنادى: ولاردىڭ ءبىرى قىركۇيەك ايىندا اشىلادى, قالعاندارى - بيىلعى جىلدىڭ سوڭىنا دەيىن.  ؛№174 مەكتەپكە قوسىمشا قۇرىلىس جۇرگىزىلۋدە. اعىمداعى جىلدىڭ قىركۇيەك ايىندا شۇعىلا ش/ا-دا بالاباقشانى پايدالانۋعا بەرۋ جوسپارلانۋدا. جىل سوڭىنا دەيىن تاعى ەكى جاڭا بالاباقشا سالىنادى.

ساپالى مەديسينالىق قىزمەت كورسەتۋ ءۇشىن قۇرامىس, شۇعىلا ش/ا-دا ەكى جاڭا ەمحانا, سونداي-اق اقجار ش/ا دارىگەرلىك امبۋلاتوريا سالىنادى. ؛ سونىمەن قاتار, اۋداندا ەرەكشە قاجەتتىلىكتەرى بار ادامدارعا بەيىمدەلگەن باسسەينى مەن سپورت سەكسيالارىنا ارنالعان زالدارى بار العاشقى دەنەشىنىقتىرۋ-ساۋىقتىرۋ كەشەنى پايدا بولادى.

اباتتاندىرۋ تۋرالى ايتا كەلە, مەگاپوليس باسشىسى سەلدەن قورعاۋ بوگەتىنەن جاندوسوۆ كوشەسىنە دەيىنگى جاڭا قوعامدىق كەڭىستىك قۇرىلاتىن ۋچاسكەنى اتاپ ءوتتى. سونداي-اق, تۇرعىنداردىڭ ءوتىنىشى بويىنشا شۇعىلا شاعىن اۋدانىندا جاڭا جاياۋ جۇرگىنشىلەر ايماعى اباتتاندىرىلادى.