23 شىلدە, 2024 news
قازاقستان بيۋدجەتىنىڭ 8 ميلليارد تەڭگەسىن شەگىرتكەلەر «جەپ قويعان»
قوسىمشا بيۋدجەتتەن 3,9 ميلليارد تەڭگە بەرىلەدى.
كورنەكى سۋرەت
بيىل ەلىمىزدىڭ ءبىرقاتار ءوڭىرىن شەگىرتكەلەر شابۋىلداپ, ەگىستىك القاپقا ءقاۋىپ ءتوندىرىپ وتىر. قازاقستان اۋماعىندا ءۇيىرلى (ازيالىق شەگىرتكە, يتالياندىق پرۋس جانە ماروككالىق شەگىرتكە) جانە ساياق شەگىرتكە تارالعان. ەندى وسى شەگىرتكەمەن كۇرەسكە بيۋدجەتتەن تاعى قارجى بولىنەدى.
بۇگىن ۇكىمەت وتىرىسىندا پرەمەر-مينيستر ولجاس بەكتەنوۆ بۇعان دەيىن 4,2 ميلليارد تەڭگە جەتپەي قالعانىن ايتتى. ەندى قوسىمشا بيۋدجەتتەن 3,9 ميلليارد تەڭگە بەرىلەدى.
«؛بولاشاق ەگىننىڭ ءتۇسىمى دەر كەزىندە قابىلدانعان شەگىرتكەمەن كۇرەس شارالارىنا تىكەلەي بايلانىستى بولماق. ول ءۇشىن رەسپۋبليكالىق بيۋدجەتتەن 4,2 ملرد تەڭگە ءبولىندى. سونداي-اق ۇكىمەت رەزەرۆىنەن قوسىمشا 3,9 ملرد تەڭگە باعىتتالدى. زيانكەستەرگە قارسى حيميالىق وڭدەۋگە 400-دەن استام ارنايى تەحنيكا تارتىلدى»؛, &ndash؛ دەيدى ولجاس بەكتەنوۆ.
جالپى سوڭعى 5 جىلدا شەگىرتكەمەن كۇرەسكە بولىنەتىن قارجى كولەمى 15 ەسە ءوستى. سەبەبى زيانكەستەردىڭ تارالۋ اۋماعى جىلدان جىلعا ارتىپ كەلەدى. 2020 جىلى جارتى ملن گەكتار اۋماقتى جايلاسا, بيىل 2,5 ملن گەكتار جەرگە تارالعان.
قازىر سونىڭ 2,4 ملن گەكتارى تازارتىلدى. تەك اقتوبە, قوستاناي وبلىستارىندا نوسەر جاۋىن جاۋىپ, قاتتى جەل سوعۋىنا بايلانىستى ۋلاۋ جۇمىستارى كەيىنگە شەگەرىلگەن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر