فەرروقورىتپا زاۋىتىنداعى اپات: ءبىر ادام قايتىس بولدى

قاراعاندىداعى فەرروقورىتپا زاۋىتىندا بولعان اپات سالدارىنان جارالانعان سەگىز ادامنىڭ بىرەۋى قايتىس بولدى.

قازا تاپقان 31 جاستاعى مۇزافار يسمايلوۆ زاۋىتتا پەش باستىعى بولىپ جۇمىس ىستەگەن. وبلىستىق دەنساۋلىق ساقتاۋ باسقارماسىنىڭ مالىمدەۋىنشە, مارقۇمنىڭ دەنەسىنىڭ 85%-ى كۇيىپ قالعان. ؛

قالعان جەتى جۇمىسشى ءقازىر اۋرۋحانادا ەمدەلىپ جاتىر, ولاردىڭ بەسەۋى جانساقتاۋ بولىمىنە تۇسكەن. دارىگەرلەردىڭ جانساقتاۋ بولىمىندەگى بەس ادامنىڭ جاعدايى وتە اۋىر ەكەنىن ايتتى. ولاردىڭ دەنەسىن قاتتى كۇيىپ قالعان. ال ەكى ادام قارقىندى تەراپيا بولىمىندە جاتىر.

ەسكە سالا كەتەيىك, ؛20 شىلدە كۇنى تاڭعى ساعات 04:10-دا ydd corporation فەرروقورىتپا زاۋىتىنداعى №1 پەشتەن جالىن شىعىپ, ؛ كاسىپورىننىڭ 8 قىزمەتكەرى كۇيىپ قالعان. الەۋمەتتىك جەلىدە كۇيىك شالعان جۇمىسشىلاردىڭ ۆيدەوسى تاراعان بولاتىن. كەيىن كومپانيا زارداپ شەككەندەرگە رەسەيدەن ارنايى دارىگەرلەر شاقىرعانىن, ولاردىڭ نەسيەلەرىن تولەيتىنىن مالىمدەگەن. ؛