22 شىلدە, 2024 news
دەرماتولوگيا عىلىمي ورتالىعى باسشىسى مەن ورىنباسارى پارا الدى دەگەن كۇدىككە ءىلىندى
رەسپۋبليكالىق دەرماتولوگيا عىلىمي ورتالىعىنىڭ باسشىسى مەن ونىڭ ورىنباسارى سىبايلاس جەمقورلىقپەن كۇدىككە ءىلىندى.
كورنەكى سۋرەت
الماتى قالاسى بويىنشا سىبايلاس جەمقورلىققا قارسى قىزمەتى قازاق دەرماتولوگيا جانە جۇقپالى اۋرۋلار عىلىمي ورتالىعىنىڭ باسشىسى مەن ونىڭ ورىنباسارىنا قاتىستى سوتقا دەيىنگى تەرگەۋ جۇرگىزۋدە.
"ولار مەديسينالىق قىزمەتكەرلەردىڭ بىلىكتىلىگىن ارتتىرۋ بويىنشا قىزمەتتەر كورسەتۋگە شارت جاساسقانى ءۇشىن حالىقارالىق جوعارى وقۋ ورنىنان كەيىنگى ءبىلىم بەرۋ ينستيتۋتىنىڭ باسشىسىنان 5 ملن تەڭگە سوماسىندا پارا الۋ بويىنشا كۇدىككە ءىلىندى. سوتتىڭ سانكسياسىمەن ورتالىق باسشىسى قاماۋعا الىندى", - دەلىنگەن حابارلامادا.
انتيكور تەرگەۋ جالعاسىپ جاتقانىن حابارلادى. قۇزىرلى ورگان مالىمەتىنشە, قىلمىستىق-پروسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر