22 شىلدە, 2024 news
فوتو: اشىق دەرەككوز
ورال اكىمى ميرجان ساتقانوۆ قىزمەتىنەن كەتتى. بۇل تۋرالى اكىم ءوزىنىڭ الەۋمەتتىك پاراقشاسىندا جازدى. ؛
ساتقانوۆتىڭ قىزمەتتەن كەتۋىنە دەنساۋلىق جاعدايى سەبەپ بولعان. ؛
"قىمباتتى ورالدىقتار, ءقادىرلى جەرلەستەر! بۇگىن ورال قالاسىنىڭ اكىمى قىزمەتىنەن كەتكەنىمدى حابارلايمىن. مەن ءۇشىن بۇل قىزمەتتە ەكى جىلدان استام ورالدىقتارمەن قويان-قولتىق جۇمىس ىستەۋ ۇلكەن مارتەبە بولعانىن ايتقىم كەلەدى. الايدا كوكتەمدە قالامىزدا سۋ تاسقىنى بولىپ, مۇنداي قيىن كەزەڭدە جۇمىستان شىعا المادىم. وسىلايشا ءوز مىندەتتەرىمدى ارىپتەستەرىممەن بىرگە جالعاستىرا بەردىم. ءقازىر بارلىق سالادا جۇمىس جولعا قويىلعان. جاڭادان تاعايىندالاتىن قالا اكىمى قازىرگى جاعدايدى جەدەل ءتۇسىنىپ, جۇمىستى جۇيەلى جالعاستىراتىنىنا, ال بولاشاقتا شاھارىمىز ءۇشىن جاڭا جوبالارعا باستاماشى بولاتىنىنا سەنەمىن" - دەپ جازدى ول. ؛
ايتا كەتەيىك, ميرجان ساتقانوۆ ورال قالاسىنىڭ اكىمى قىزمەتىنە 2022 جىلدىڭ ساۋىرىنەن باستاپ تاعايىندالعان بولاتىن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر